San Juan 20:28 - Bible in Tzeltal Bachajón

²⁸ La sjac' te Tomás: ¡Cajwal, Dios cu'un! xchi.

Nuevo Testamento Tzeltal de Amatenango

²⁸ La yal te jTomase: —¡Kajwal kuꞌun! ¡Dios kuꞌun! —xchi.

Bible in Tzeltal de Oxchuc y Tenejapa

²⁸ La yal te Tomase: —¡Cajwal cu'un! ¡Dios cu'un! —xi'.

San Juan 20:28 Referans Kwoze

San Juan 1:1

Ta shahchibal ay te C'opile, ha sjoc Dios te C'opile, soc ha nix Dios te C'opile.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

San Mateo 14:33

Ha yu'un te mach'atic ayic ta barco tal sch'uhuntayic, hich la yalic: Melel nix a te ha'at Snich'anat Dios, xchihic ta stojol.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

San Juan 5:23

scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

San Lucas 24:52

C'alal laj yich'belic ta muc', bayel yutsil yo'tanic suhtic bahel ta Jerusalén.

Isaías 25:9

Ta hich ora hich me ya yalic: ¡Ilawil, ha Dios cu'untic ini! La jmahliytic, hich ya scoltayotic. ¡Ha te Jehová ini te la jmahliytic! Tse'eluc me co'tantic soc ayuc me yutsil co'tantic yu'un te coltayel yu'une, xchihic.

San Juan 20:16

La yal te Jesús: ¡María! xchi. La sut sba te María: ¡Raboni! xchi. (Maestro, xchi c'ohem).

San Juan 20:31

Pero ha'i señahiletic ini la yich' ts'ihbayel scuenta yu'un hich me yac ach'uhunic a te ha Cristo te Jesús, te ha Snich'an Dios, soc teme yac ach'uhunic, ay me acuxlejalic ta scuenta te sbihile.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

Salmos 45:6

Te amuc'ul-huctajib, Dios cu'un, spisil ora soc sbahtel q'uinal ay; te bastón yu'un ban c'alal cuentahimbil awu'un, ha bastón yu'un te bin stojil ta pasele.

Salmos 45:11

Te ajwalil ya smulambat at'ujbilal; nijana aba ta stojol como ha ajwalil awu'un.

San Juan 20:27

Soc la yalbe te Tomás: Ac'a tal yal ac'ab, ilbon awil te jc'abe. Ac'a tal ac'ab, otsesa ta jmochbaquel; ma me yu'unuc ma xach'uhun, ch'uhuna me, xchi sc'oblal.

San Juan 20:29

Jesús la yalbe: Tomás, la ach'uhunon yu'un la awilon; ha bayel yutsil te mach'atic ya sch'uhunonic aunque ma ba yilojonic, xchi.