San Juan 19:39 - Bible in Tzeltal Bachajón

³⁹ Ha nix hich te Nicodemo, ha te xtaluc sc'opon te Jesús ta ahc'abal, yich'oj tal mirra capal soc áloes, c'axem ta lajuneb scha'winic (30) kilo yalal.

Nuevo Testamento Tzeltal de Amatenango

³⁹ Sjoyinej euk te jNicodemoe, te xtaluk skꞌopon ta ajkꞌubal te Jesuse. Yichꞌoj kꞌoel treinta kilo wan perpume te kapbil ta mirra sok loe.

Bible in Tzeltal de Oxchuc y Tenejapa

³⁹ Soc tal uuc te Nicodemo te xtaluc sc'opon ta ajc'ubal te Jesuse. La yich' tel mirra te capbil soc áloes te c'axem ta lajuneb xcha'winic (30) kilo te yalale.

San Juan 19:39 Referans Kwoze

Cantares 4:14

nardo soc azafrán, jalal te sumet yic' soc canela, spisil ta chahp te'etic yu'un pom, yu'un mirra soc áloe; soc spisil ta chahp te bintic sumet yic'.

San Juan 12:7

La sjac' te Jesús: Teyuc a. Como ha sq'uejoj yu'un te bin ora ya xmuhcon.

San Marcos 16:1

C'alal c'axix a te sc'ahc'alel cux-o'tan, te María Magdalena, te María snan Jacobo, soc te Salomé la smanic bintic sumet yic' scuenta yu'un ya xbaht yatintesbeyic sbaq'uetal a te Jesús.

San Mateo 19:30

Ay tsobol mach'atic te nahil ayic te slajibal ya xc'ohtic, soc te mach'atic patil ayic te nahil ya xc'ohtic.

San Mateo 12:20

Ma ba ya slajin swaq'uel te jalal te waq'uelix, ma ba ya stup'be sc'ahc'al te xutunte' yac ta tihlel, ha to teme la yac' c'ohtuc ta pasel te bin stojil ta pasele.

Cantares 4:6

Ha to c'alal ya sacub q'uinal soc te ya x'ahn bahel te axinal, ya xbohon ta wits yu'un mirra, ta tsehl yu'un pom.

Proverbios 7:17

Te jwayib la jca'beyix mirra, áloe soc canela.

Salmos 45:8

Spisil te ac'u' apac' yich'ojic mirra, áloe soc canela; c'alal ta nahetic yu'un ajwaliletic te ch'albilic ta marfil ya ya'bat tse'el awo'tan ta scuenta instrumentohetic yu'un música te ay scuerdahil.

2 Crónicas 16:14

La smuquic ta smuquenal te pasbil yu'un ta Pueblo yu'un David. La yaq'uic ta schahchamte'el, la ya'beyic perfumehetic soc bayel ta chahp te bin sumet yic', te chahpambil yu'un te mach'atic ya sna'ic spasel. La spasic muc'ul c'ahc' scuenta yich'el ta muc'.

Génesis 50:2

Patil la yalbe mandar te a'batetic yu'un, ha te jpoxtaywanejetic, te ya spoxtaybeyic sbaq'uetal te stat scuenta yu'un hich ma xc'a' a. Hich te jpoxtaywanejetic la spoxtaybeyic sbaq'uetal te Israel;

Cantares 1:13

Te mach'a c'ux ta co'tan hich c'ohem cu'un te bin ut'il jtohm mirra te jipil ta yohlil schebal jchu'.

San Mateo 2:11

C'alal ochic bahel ta na, la yilic te alal soc te snan, ha te María. La squejan sbahic soc la sch'uhuntayic. La sjamic te yawil sc'uhlejalic, la ya'beyic smahtanin oro, pom soc mirra.

San Juan 12:3

Te María la yich' tal j'ohlil litro lequil perfume pasbil ta nardo, te bayel stojol, la smalbe ta yoc Jesús soc la scusbe ta stsotsel sjol. Noj ta yic' perfume te nahe.