San Juan 19:30 - Bible in Tzeltal Bachajón

³⁰ C'alal laj sts'u'ts'uybel a te vinagre te Jesús, hich la yal: Hu'ix, xchi. Hich la sts'ohyan sjol, la yac' loc'uc sch'uhlel.

Nuevo Testamento Tzeltal de Amatenango

³⁰ Te Jesuse la spas prewa te chꞌaal binoe, y la yal: —Spisil a juꞌix ta pasel —xchi. Te nax a la stsꞌinan ta koel te sjole y lokꞌ xchꞌulel.

Bible in Tzeltal de Oxchuc y Tenejapa

³⁰ Te c'alal la sts'ub te vinagre te Jesuse, jich la yal: —Ju'ix cu'un —xi'. La stinan sjol soc loc' xch'ulel.

San Juan 19:30 Referans Kwoze

San Juan 17:4

La jcac' ta ilel awutsilal li' ta bahlumilali, yu'un hu'ix cu'un te a'tel la awa'bon jpas.

Filipenses 2:8

Te c'alal hich ay te bin ut'il winic, la to xan spehc'an sba a, la sch'uhun mandar c'alal ta lajel, ha te lajel ta cruz.

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

Daniel 9:24

Chapal lajuneb schanwinic (70) semana ya xc'ax yu'un te alumal soc te ch'ul pueblo awu'un, yu'un ya xlaj te sc'axuntayel mandar, yu'un ya xlaj te mulil soc yu'un stojel mulil, yu'un ya yich' talel te bin stojil ta pasel te stalel ya xhil, yu'un ya yich' sello te nahalsitil soc te sc'op-jalwanej, soc yu'un ya yich' ch'ultesel te Mero Ch'ul Awilal.

San Lucas 23:46

Tulan awon te Jesús, hich la yal: Jtat, ya ca'bat ta ac'ab te jch'uhlele, xchi. Laj yalbel a, quehchaj yich'bel ic'.

Isaías 53:10

Pero te Jehová la sc'an te ya yac' ta uts'inel, te ya ya'be swocol. Te c'alal yac'ojix sba scuenta milbil mahtanil yu'un mulil, ya me yil te sts'umbal soc ya me xcuxaj bayel c'ahc'al, soc te bin ya sc'an yo'tan te Jehová ya me xc'oht ta pasel ta scuenta.

Romanos 10:4

como te Cristo la slajimbe sc'oblal te Ley, scuenta yu'un toj ya xc'ohtic ta stojol Dios spisil te mach'atic ya sch'uhunique.

San Juan 19:28

Patil, te bin ut'il sna'oj Jesús te spisil hu'emix ta pasel, la yal: Taquin co'tan, xchi, scuenta yu'un hich ya xc'oht ta pasel a te bin ya yal te Shun Diose.

San Marcos 15:37

Tulan awon te Jesús, hich quehchaj yich'bel ic'.

San Juan 10:18

Mayuc mach'a ya smilon, ho'on nix ya cac' jcuxlejal ta sc'anojel co'tan. Ay ta jcuenta ya cac' te jcuxlejal soc ay ta jcuenta te ya jcha'ich' xan te jcuxlejal. Hich pasbilon ta mandar yu'un te Jtate, xchi.

San Juan 4:34

Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

San Mateo 27:50

Pero c'alal tulan awon yan buelta te Jesús, la yac' loc'uc sch'uhlel.

Isaías 53:12

Ha yu'un ya cac' te ya sjoquin te mach'atic ich'bilic ta muc', soc pajal ya spucticlan bintic pojbil soc te mach'atic ay yipic, como ha la yac' scuxlejal ta lajel, soc ahtaybil c'oht soc te jmulawiletic, como la scuchbe smul tsobolic, soc c'opoj yu'un te jc'axun-mandaretique.

Salmos 22:15

Taquij quip hich te bin ut'il xeht'elul oxom, soc la slap' sba cac' ta jpa'jaj. ¡La awac'on ta ts'u'lum yu'un lajel!

Hebreos 9:22

Como ya yal te Ley te jteb ma spisiluc ya sc'an ya yich' lecubtesel ta ch'ich'; teme ma ba ya yich' malel ch'ich', mayuc perdón.

Romanos 3:25

Dios la yac' te ha la stojbotic jmultic te Jesús teme jch'uhunejtic te la smal sch'ich'el cu'untic. Tey la yac' ta ilel a te stojil bin ya spas, como cuhch yu'un te ma ba la yich' ta cuenta te muliletic ta namey,

San Mateo 3:15

La sjac' te Jesús: Hich ac'a c'ohtuc ta ora ini, como hich ya sc'an ya jc'ohtestic ta pasel spisil bin stojil ta pasel, xchi. Hich la sch'uhun te Juan.

1 Corintios 5:7

Loq'uesa te poco' levadura scuenta yu'un yach'il harina ya xc'ohex te mayuc levadura yich'oj, hich te bin ut'il ayexe. Como te Pascua cu'untic, ha te Cristo, yich'ojix milel ta jcuentatic.

Zacarías 13:7

¡Hahchan, espada, ta scontrahinel te jcanan cu'un, ta scontrahinel te winic te ha jmohlol! xchi te Jehová te scuentahinej spisil. Mila te jcanan, hich ya xpuhquic bahel te tuminchijetique, ya cac' jc'ab ta scontrahinel te tut tuminchijetique.

Génesis 3:15

Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

Daniel 9:26

C'alal ya xc'ax te cheb schanwinic (62) semana, ya yich' milel te mach'a malbil ta aceite, mayuc bintic ya xhil yu'un. Te ants-winiquetic yu'un te príncipal te ya xtal ya me sjinic te pueblo soc te ch'ul awilal; hich ya xtal slajibal te bin ut'il snojel ha', ya xhalaj te jinel ha to c'alal ya xlaj te guerrahe.

San Lucas 22:37

Como ya calbeyex te ya sc'an ya xc'oht ta pasel ta jtojol te bin ts'ihbabil: La yich' ahtayel soc jc'axun-mandaretic, te xchihe, como ya me xc'oht ta pasel te bin ts'ihbabil hilel jc'oblal, xchi te Jesús.