San Juan 19:11 - Bible in Tzeltal Bachajón

¹¹ Jesús la yalbe: Mayuc awa'tel ta jtojol te manchuc a'bilat ta toyol. Ha yu'un te mach'a la yac'on ta ac'ab c'ax hich smul a stuquel, xchi.

Nuevo Testamento Tzeltal de Amatenango

¹¹ Jich te Jesuse la sjakꞌbe: —Maꞌyuk awaꞌtel kuꞌun te manchuk yakꞌojbeyat awaꞌtel te Diose. Jaꞌ yuꞌun te machꞌa la yakꞌon entregale, jaꞌ mas ay smul stukel ke te jaꞌate —xchi.

Bible in Tzeltal de Oxchuc y Tenejapa

¹¹ Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

San Juan 19:11 Referans Kwoze

Romanos 13:1

Spisilic ac'a yac' sbahic ta cuentahinel yu'un te mach'atic muc' ya'telic, como mayuc mach'atic yich'oj ya'telic te ma ha'uc a'bibilic yu'un Dios.

San Juan 3:27

La sjac' te Juan: Mayuc bin ya xhu' ya yich' te winic teme ma ha'uc a'bibil tal ta ch'ulchan.

Hechos 2:23

Te winic ini ac'ot ta c'abal ta scuenta te bin schapoj Dios soc te hich nahil sna'oj, te ta scuenta chopol winiquetic la atsaquic soc la amilic ta cruz.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Hechos 3:13

Ha nix te Dios yu'un Abraham, Isaac, Jacob, soc te Dios yu'un te jme'jtatic, la yac' ta ich'el ta muc' te Snich'an, ha te Jesús, ha nix te mach'a la awaq'uic ta c'abal soc te la amuc ta awo'tanic ta stojol Pilato te c'alal c'an scoltay bahel stuquel.

San Juan 7:30

Ha yu'un c'an stsaquic, pero mayuc mach'a la stsac, como ma to stahoj yorahil yu'un a.

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

Daniel 4:25

Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Santiago 4:17

Te mach'a sna'oj te bin lec ta pasel, pero teme ma ba ya spas, ha smul abi.

Romanos 11:36

como spisil talem ta stojol, soc ha cuxul ta scuenta, soc ha nix yu'un Dios spisil bintic ay. Ay ta halbeyel yutsil sc'oblal sbahtel q'uinal stuquel. Hichuc.

Hechos 4:28

ta spasel te bin nahil chapal awu'un ta scuenta awu'el soc ta scuenta sc'anojel awo'tan te hich ya xc'oht ta pasel.

San Mateo 27:2

Chucul a la yiq'uic bahel, c'oht ya'beyic ta sc'ab te gobernador Poncio Pilato.

Salmos 62:11

Jun buelta c'opoj Dios: cheb buelta ca'iyej ini: te ay yu'el te Diose,

San Marcos 14:44

Te j'ac'aw ta c'abal schapojix tal te bin seña ya spasbe, hich la yal: Ha te mach'a ya cuhts'uy, ha me abi. Tsacahic, buen chucbil me xawiq'uic bahel, xchi.

Daniel 5:21

La yich' loq'uesel ta stojol te ants-winiquetic, te spensar hich c'oht te bin ut'il te spensar chambahlam, soc la sjoquin ta nahinel te ha'mal burrohetique. A'bot swe' ha'mal hich te bin ut'il wacax, t'ux sbaq'uetal ta sts'ujulil ch'ulchan, ha to c'alal la sna' te Dios te mero toyol ay ha toyol xan ya'tel ta stojol ban c'alal scuentahinej winiquetic, soc te ya ya'be ya'tel ta cuentahinwanej te mach'a ya sc'an ya ya'be.

Daniel 4:32

Yac awich' loq'uesel ta yohlil te ants-winiquetic, yac ajoquin ta nahinel ha'mal chambahlametic, yac awe' ha'mal hich te bin ut'il wacax. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej ants-winiquetic, soc ya ya'be ya'tel ta cuentahinwanej te mach'a ya sc'an ya ya'be, xchi.

San Juan 18:3

Ha yu'un te Judas la yic' bahel soldadohetic soc policiahetic yu'un te principal sacerdotehetic soc yu'un te fariseohetic, tey bahtic soc a, stuchticlanejic sc'ahq'uic soc chapalic ta a'tejibaletic.

San Juan 9:41

La sjac' te Jesús: Te ts'o'situquex, mayuc amulic te hichuque, pero yo'tic, te bin ut'il yac awalic: Ya quilcotic q'uinal, te xchihex, ay amulic ya xhil.

San Lucas 22:53

Jujun c'ahc'al la joquinex ta Templo, ma ba la atsaconic tey a; pero la stahix yorahil te ya xhu' awu'unic soc ha yorahil te ay yip te yihc'al q'uinale, la yut.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

Lamentaciones 3:37

¿Mach'a ya xhu' ya yal te ay bin ya xc'oht ta pasel teme ma hichuc yaloj ta mandar te Jehová?

San Mateo 26:65

Ha yu'un te muc'ul sacerdote la sch'i' sc'u', hich la yal: ¡La sbohlc'optayix Dios! ¿Bin xan stuc cu'untic yan testigohetic? La awa'iyiquix te la sbohlc'optay te Diose.

Salmos 39:9

Ch'abon, ma ba la jam que, como ha'at la apas ini.

1 Crónicas 29:11

Ha'at, Jehová, t'ujbilat, ay awu'el, ay awutsilal, yac awa'iy tsalaw, ich'bilat ta muc'; como spisil bintic ay ta ch'ulchan soc ta bahlumilal, ha'at awu'un. Ha'at awu'un, Jehová, te pasaw ta mandar, soc ha'at toyolat yu'un spisil.

San Juan 18:13

Ha nahil la yiq'uic bahel ta stojol te Anás, como ha snihalmamal te Caifás te ay ta muc'ul sacerdote a.

San Juan 19:10

La yal te Pilato: ¿Ma bal yacuc ajac'bon jc'op? ¿Yu'un bal ma ba yac ana' te ay ca'tel yu'un ya cac'at ta lajel ta cruz o te ya jcoltayat bahele? xchi.