San Juan 18:36 - Bible in Tzeltal Bachajón

³⁶ La yal te Jesús: Te banti ay te cuentahinel cu'un, ma ha'uc li' ta bahlumilali. Te li'uc ay ta bahlumilal te cuentahinel cu'une, te a'batetic cu'un ya spasic guerra scuenta yu'un ma ba ya x'ochon ta c'abal yu'un te judíohetic te hichuque. Pero ma li'uc ay te cuentahinel cu'une, xchi.

Nuevo Testamento Tzeltal de Amatenango

³⁶ Te Jesuse la sjakꞌbe: —Te tutꞌil ajwalilone, ma jaꞌuk ta skuenta te balmilal to. Te yuꞌunuk jaꞌuke la me spasik pleto te abatetik kuꞌun te jichuke, yuꞌun jich ma yakꞌelon entregal ta skꞌab te juriyoetike. Pero ma jaꞌuk ta skuenta te balmilal to te tutꞌil ajwalilone —xchi.

Bible in Tzeltal de Oxchuc y Tenejapa

³⁶ La yal te Jesuse: —Te bit'il ajwalilone, ma ja'uc ta swenta in balumilal to. Te yu'unuc ja'uque, ya me spasic guerra te abatetic cu'un te jichuque, swenta yu'un ma ba ac'oton ta sc'ab te judioetic te jichuque. Melel ma ja'uc ta swenta in balumilal to te bit'il ajwalilone —xi'.

San Juan 18:36 Referans Kwoze

Romanos 14:17

como te cuentahinel yu'un Dios ma ha'uc we'el uch'el, ha te bin toj ta pasel, lamal q'uinal soc tse'el-o'tanil ta scuenta te Ch'ul Espíritu,

San Juan 6:15

Pero la sna' te Jesús te c'an taluc ta otsesel ta ajwalil, hich stuquel xanix suht mohel ta wits.

Daniel 7:14

A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

1 Timoteo 6:13

Ya calbat mandar ta stojol Dios, te ha ya ya'be scuxlejal spisil bintic ay, soc ta stojol te Jesucristo, te la yal lequil testigo-c'op ta stojol te Poncio Pilato,

San Mateo 26:53

¿Yu'un bal ma xana' te ya xhu' ya jc'opon te Jtat te ora ya ya'bon talel c'axem ta lahchaychahp ch'ul a'batetic te hichuque?

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

San Lucas 12:14

Pero halbot yu'un te Jesús: Winic, ¿mach'a la ya'bon ca'tel ta juez o te ay bin ya jpucbeyex? xchi.

San Juan 8:15

Ha'ex yac awilbeyic ya'tel yantic ta scuenta ch'ich'-baq'uet; yan te ho'one mayuc mach'a ya quilbe ya'tel.

San Juan 18:35

La sjac' te Pilato: ¿judío-winicon bal? Ha nix te alumal soc te principal sacerdotehetic awu'unic te la yac'at ta jc'ab. ¿Bin apasoj? xchi.