San Juan 17:3 - Bible in Tzeltal Bachajón

³ Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

Nuevo Testamento Tzeltal de Amatenango

³ Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

Bible in Tzeltal de Oxchuc y Tenejapa

³ Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 17:3 Referans Kwoze

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

San Juan 17:25

Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

San Juan 3:17

Te Dios ma ha'uc la sticon tal ta bahlumilal te Snich'an yu'un ya ya'be stoj smulic te mach'atic ayic ta bahlumilal, ha la sticon tal yu'un ya xcolic ta scuenta.

Oseas 6:3

Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

1 Juan 4:6

Yan te ho'otic yu'unotic Dios. Te mach'a ya sna'beyic sba te Diose, ya ya'iybotic jc'optic; te mach'a ma yu'unuc te Diose, ma xya'iybotic te jc'optique. Tey ya jna'betic sba a te espíritu yu'un smelelil c'op soc te espíritu yu'un lotil c'op.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

San Juan 17:23

Jun ayon soc, soc jun ayotic te ho'otic, scuenta yu'un jc'axel jun yo'tan sbahic, scuenta yu'un ya me sna'ic te mach'atic ayic ta bahlumilal te ha'at la aticonon tal, soc te c'uxic ta awo'tan hich te bin ut'il c'uxon ta awo'tan.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

San Juan 17:21

scuenta yu'un junax ya xc'ohtic spisilic a; hich te bin ut'il jun ayotic, Jtat, ha'uc nix hich jun ya x'ayinic ta jtojoltic, scuenta yu'un hich me ya sch'uhunic te mach'atic ayic ta bahlumilal te ha'at la aticonon tale.

San Juan 3:34

como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

2 Tesalonicenses 1:8

yu'un ya ya'be castigo te mach'atic ma ba la sna'beyic sba te Dios soc ma ba ya sch'uhunic spasel te lec yach'il c'op yu'un te Cajwaltic Jesucristo.

San Juan 17:8

como la jca'be te ac'op te la awa'bone; la yich'ic ta cuenta, soc sna'ojiquix ta lec te talemon ta atojol, soc sch'uhunejiquix te ha'at aticonejon tale.

San Juan 14:26

Pero te Joquinwanej, ha te Ch'ul Espíritu, te ya xticonot yu'un te Tatil ta scuenta jbihil, ha ya ya'beyex anopic soc ya ya'beyex ana'ic spisil te bin la jcalbeyexe.

San Juan 8:19

La yalbeyic: ¿Banti ay te Atate? xchihic. La sjac' te Jesús: Ma xana'bonic jba, soc ma xana'beyic sba te Jtate. Te yacuc ana'bonic jba, yac ana'beyic sba te Jtat te hichuque, xchi.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

Isaías 53:11

Ya me yil te bin ya xloc' yu'un a te swocol te sch'uhlel, lec me ya ya'iy yu'un; te ca'bat te toj yo'tan ya me yac' te toj ya xc'oht tsobolic ta scuenta te bintic sna'oj, soc ya me scuchbe te smulique.

1 Tesalonicenses 1:9

Ha'ic nix ya yalic bin ut'il la awic'otcotic ta atojolic, soc bin ut'il la awihquitayic hilel te loc'ombahetic yu'un yac awac' abahic ta a'batinel yu'un te Dios te cuxul soc te melel ay,

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

Isaías 48:16

Nohpojanic tal ta jtojol, a'iya awa'iyic ini: C'alal ta shahchibal mayuc banti muquen c'opojon; c'alal hich c'oht ta pasel, tey ayon a, xchi te Jehová. Yo'tic te Cajwaltic Jehová la sticonon bahel soc te Espíritu yu'une.

Salmos 9:10

Ha ya smuc'ulinat yo'tanic te mach'atic ya sna'bat abihil, como ha'at, Jehová, ma ba la awihquitay te mach'atic ya slehate.

San Juan 10:36

¿ha xan te mach'a tsahbil yu'un Dios soc te ticombil tal ta bahlumilal yu'un, te ha'ex yac awalic: Yac abohlc'optaybel Dios, xchihex, ta scaj te la jcal: Ha Snich'anon te Diose, te xchihone?

San Juan 7:29

Pero ya jna'be sba te ho'one, como tey talemon a soc ha nix la sticonon tal, xchi.

San Juan 6:57

Hich te bin ut'il la sticonon tal te cuxul Tatil soc te cuxulon ta scuenta, ha nix hich te mach'a ya swe'on ya xcuxaj ta jcuenta.

2 Crónicas 15:3

Te Israel bayel c'ahc'al mayuc ta stojol te Dios te smelelil, mayuc sacerdote te ya x'a'bot snopic yu'un soc mayuc Ley;

San Juan 5:44

¿Bin ut'il c'an ach'uhunic teme talel c'axel yac awalbel abahic yutsil ac'oblalic, te ma ha'uc yac alehic te yutsil ac'oblalic te ya xtal ta stojol te Dios te stuquel ay?

San Juan 11:42

Jna'oj te spisil ora yac awa'iybon jc'op, pero hich la jcal yu'un te tsobol ants-winiquetic li' sjoytayejonic, scuenta yu'un hich ya sch'uhunic a te ha'at aticonejon tal, xchi ta sc'oponel Dios.

San Lucas 9:48

hich la yalbe ya'iyic: Mach'ayuc a te ya yic' ha'i alal ini ta scuenta jbihil, ho'on me la yic'on abi; soc mach'ayuc a te ya yic'on te ho'one, ha me la yic' a te Mach'a sticonejon tale. Como te mach'a peq'uel ay awu'unic ta apisilic, ha me muc' stuquel, xchi.

San Marcos 9:37

Te mach'a ho'on ta jcuenta te ya yic' jtuhluc alal hich te bin ut'il ha'i alal ini, ho'on ya yic'on abi; soc te mach'a ya yic'on te ho'one, ma ho'ucon ya yic'on, ha ya yic' te mach'a la sticonon tale, xchi.

1 Corintios 8:4

Te bin ut'il ay sc'oblal te we'elil te ya yich' aq'uel scuenta milbil mahtanil ta stojol loc'ombahetic, jna'ojtic te mayuc stuc ta q'uinal te loc'omba, te junax Dios ay.

Proverbios 8:35

Como te mach'a ya stahon, ya sta scuxlejal, soc lec ta o'tanil yu'un te Jehová.

San Juan 17:18

Hich te bin ut'il la aticonon tal ta bahlumilal, ha nix hich la jticonlan bahel ta bahlumilal.

Filipenses 3:8

Melel jc'axel lajem sc'oblal ta co'tan spisil ta scaj te c'ax t'ujbil te ya jna'be sba te Cristo Jesús, ha te Cajwal. Ha ta scuenta te la jch'ayix hilel spisil, hich c'oht cu'un te bin ut'il c'a'pal, scuenta yu'un ha cu'un ya xc'oht te Cristo

Filipenses 3:10

Ha ya jc'an te ya jna'be xan sba te Cristo soc te ya ca'iybe yu'el te cha'cuxajel yu'un, soc te pajal ya xc'ax jwocol soc, te pajal quilel ya xlajon soc,

Hebreos 3:1

Ha yu'un, quermanotac te ch'ultesbilex, te pajal ic'bilotic yu'un Dios, na'a me te Jesús, te jpuc-c'op soc muc'ul sacerdote, te ya caltic ta jamal te ha jch'uhunejtic,

2 Pedro 1:2

Ayuc bayel yutsil-o'tanil soc lamal q'uinal awu'unic ta scuenta bin ut'il yac ana'beyic sba te Dios soc te Cajwaltic Jesús.

2 Pedro 1:3

Ta scuenta yu'el te Dios la ya'botic spisil te bintic ya xtuhun cu'untic ta jcuxlejaltic soc ta sch'uhunel Dios, ta scuenta te ya jna'betic sba te Mach'a la yic'otic ta scuenta te yutsilal soc t'ujbil ya'tel.

2 Pedro 1:8

Teme awich'ojic ini soc teme yaquic ta p'ohlel ta awo'tanic, ya yaq'uic te ay bintic ya xhu' awu'unic spasel soc te ya sitinex, te bin ut'il yac ana'beyic sba te Cajwaltic Jesucristo.

1 Juan 1:2

Chicnaj te cuxlejal soc la jquilcotic, ya calbecotic sc'oblal ta testigo-c'op soc ya calbeyex sc'oblal te cuxlejal te sbahtel q'uinal ay, te sjoquinej te Tatil soc te chicnaj ta jtojolcotic.

1 Juan 1:3

Te bin quilojcotic soc te ca'iyejcotic, ha ya calbeyexcotic sc'oblal, scuenta yu'un junuc co'tan jbahtic; soc junuc co'tan jbahtic soc te Tatil soc te Snich'an, ha te Jesucristo.

1 Juan 2:23

Spisil te mach'a ya smuc ta yo'tan te Nich'anil, ma ba ay ta yo'tan te Tatile. Te mach'a ya yal ta jamal te ha Nich'anil, ha nix ay ta yo'tan te Tatile.