San Juan 17:22 - Bible in Tzeltal Bachajón

²² Te cutsilal la awa'bon, ha nix la jca'beyic, scuenta yu'un junax ya xc'ohtic, hich te bin ut'il jun ayotic te ho'otique.

Nuevo Testamento Tzeltal de Amatenango

²² Te joꞌone la kꞌabeyix yichꞌik te jlekilal te machꞌatik la awakꞌ xchꞌuunonixe. Yuꞌun jun nax me ya xlaj kꞌot, jich tutꞌil te jun nax ayotik te joꞌotike.

Bible in Tzeltal de Oxchuc y Tenejapa

²² Te cutsilal awac'ojbone la cac'beyix uuc, swenta yu'un jun nax me ya xc'otic jich bit'il jun ayotic te jo'otique.

San Juan 17:22 Referans Kwoze

2 Corintios 3:18

Ha yu'un ta jpisiltic, te ma ba macbilix ta pac' te jsit quelawtic, te yacotic ta yilbeyel yutsil te Cajwaltic hich te bin ut'il ta espejo, yacotic ta yanijel te pajal quileltic soc, te behbe quich'bel cutsilaltic, ta scuenta ya'tel te Cajwaltic, te ha nix te Espíritu.

San Juan 14:20

Ta patil ya me ana'ic te jun ayon soc te Jtat, soc te ayex ta jtojol soc ayon ta atojolic.

San Juan 1:16

Jpisiltic quich'beyejtic te bintic bayel ay yu'un, ha quich'ojtic cajalcaj yutsil-o'tanil;

Efesios 2:20

awich'ojic ts'ahcuyel ta sba te jpuc-c'opetic soc te jalwanejetic, soc te yich'o-ip xuhc na ha te Jesucristo.

1 Juan 3:24

Te mach'a ya sch'uhumbe smandar, jc'axel ayix ta stojol Dios, soc Dios ay ta yo'tan. Hich ya jna'tic a te ay ta co'tantic te Diose: ha ya jna'tic ta scuenta te Espíritu ya'beyejotique.

2 Corintios 6:1

Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

2 Corintios 5:20

Ha yu'un ticombilotic yu'un Cristo, hich c'ohem te bin ut'il Dios yac ta c'op ta stojolic ta jcuentatic. Ya calbeyex wocol ta scuenta sbihil te Cristo: Junuc me awo'tan abahic soc Dios.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Marcos 6:7

Ta patil la yic' tal te lahchaytuhl (12), chebcheb la sticonlan bahel, soc la yac'ticlambe ya'tel ta sloq'uesel bohl espírituhetic.

1 Juan 1:3

Te bin quilojcotic soc te ca'iyejcotic, ha ya calbeyexcotic sc'oblal, scuenta yu'un junuc co'tan jbahtic; soc junuc co'tan jbahtic soc te Tatil soc te Snich'an, ha te Jesucristo.

Hechos 5:41

Te jpuc-c'opetic loq'uic bahel ta stojol te jchahpanwanejetic, tse'el yo'tanic yu'un te lec sc'oblalic ta stojol Dios te bin ut'il a'bot c'axuc swocolic ta uts'inel ta scaj te Bihilile.

San Juan 17:24

Jtat, te mach'atic awa'beyejon ta jcuenta, ya jc'an te tey nix ya sjoquinonic a ta banti ayon, scuenta yu'un ya yilbonic te cutsilal te awa'beyejon, como stalel c'uxon ta awo'tan te c'alal ma to ayuc a te bahlumilale.

San Lucas 22:30

scuenta yu'un ya xwe' x'uch'ex ta mesa cu'un ta banti ayon ta cuentahinwanej soc ya xhuhcajex ta muc'ul huctajibaletic ta schahpanel te lahchaychahp yu'un Israel, xchi.

Apocalipsis 21:14

Ay lahchayeb yich'o-ip te ts'ahc yu'un te muc'ul pueblo, tey ts'ihbalambil sbihilic a te lahchaytuhl jpuc-c'opetic yu'un te Jcolel Tuminchije.

Colosenses 1:24

Yo'tic tse'el co'tan yu'un te bin c'ax jwocol ta acuentahic soc te ya jts'acaytes ta jbaq'uetal te bin xan ya sc'an te ya xc'ax swocol Cristo yu'un te sbaq'uetal, ha te iglesia.

Filipenses 1:29

Como ma hipuc a te a'botex te yac ach'uhunic te Cristo, ha nix hich a'botex te ya xc'ax awocolic ta scuenta,

Romanos 8:30

Te mach'atic hich chapal yu'un Dios, ha nix la yic'ticlan; te mach'atic la yic'ticlan, ha nix la yal te toj ay; te mach'atic la yal te toj ay, ha nix la yac'ticlambe yutsilalic.

1 Juan 4:17

Ts'acal c'ohem ta co'tantic te c'uxul-o'tanil scuenta yu'un ay smuc'ul co'tantic ta yorahil ich'el ta c'op, como li' ta bahlumilal hich ayotic te bin ut'il ay stuquel te Diose.