San Juan 16:25 - Bible in Tzeltal Bachajón

²⁵ Ta seña-c'op nax la jc'oponex, pero ya sta yorahil te ma ta seña-c'opuc ya jc'oponex, pero jamal ya calbeyex bin ut'il ay te Tatile.

Nuevo Testamento Tzeltal de Amatenango

²⁵ “La kalbeyex spisil to ta puru seña kꞌop, pero ya me sta yorail te makꞌ ya kalbeyexix ta seña kꞌopetike. Jamal me ya kalbeyex te tutꞌil ay skꞌoplal te Tatile.

Bible in Tzeltal de Oxchuc y Tenejapa

²⁵ “Spisil in to la calbeyex tel ta puro seña-c'op, ja'uc me to, ya me sta yorail te ma'yuc bi ya calbeyex xan ta seña-c'op. Jamal me ya calbeyex bit'il ay sc'oplal te Jtate.

San Juan 16:25 Referans Kwoze

San Juan 16:12

Ay to tsobol bin ya jc'an ya calbeyex, pero ma to xcuhch awu'unic.

San Juan 10:6

Ta scuenta te sloc'ombahil c'op ini la sc'oponlan, pero ma ba la sna'beyic scuentahil te bin halbotique.

San Marcos 4:13

Soc halbotic yu'un te Jesús: ¿Yu'un bal ma xana'beyic scuentahil te sloc'ombahil c'ope? ¿Bin ut'il c'an ana'iquix scuentahil a hiche spisil te sloc'ombahil c'ope?

Salmos 78:2

Ya xc'opojon ta tsahbil c'opetic; ya cal te bintic muquen ayic ta namey,

Salmos 49:4

Ya cac' jchiquin a te tsahbil c'opetic; ya cal soc arpa cu'un te bin wocol ta na'ele.

2 Corintios 4:2

Ha hilix cu'uncotic te bin muquen ay ta pasel soc te bintic q'uexlaltic sba, ma ba ya ca'iycotic lo'loywanej soc ma ba ya jyanijtesbecotic sc'oblal te sc'op Dios. Yan bin ya jpascotic, te bin ut'il jamal ya cac'cotic ta ilel te bin smelelil, ta stojol Dios ya cac' jbahcotic ta na'el ta yo'tanic spisil ants-winiquetic.

San Juan 16:2

Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

Proverbios 1:6

yu'un sna'beyel scuentahil tsahbil c'opetic soc sloc'omba c'op, te c'opetic yu'un p'ijil winic soc te bin chuhcul ta na'beyel suhtibe.

Ezequiel 20:49

Hich la jcal ¡Ay, Cajwal Jehová! hich ya yalbonic jc'oblal: ¿Ma bal ha'uc nax sloc'omba c'op yac ta yalel? xchihic.

San Marcos 4:34

Ma ba la sc'opon teme ma ha'uc ta sloc'ombahil c'op; pero te c'alal stuquel ay soc a te jnopojeletic yu'une, spisil la yalbe bin scuentahil.

San Marcos 8:32

Hich la yalbe ya'iyic ta jamal. Ha yu'un te Pedro la yic' bahel ta jechc'al soc hahch scom.

San Juan 10:24

C'oht ta joytayel yu'un te judíohetic, hich la yalbeyic: ¿Bin to ora te ma ba yac awac' jna'cotic? Teme ha'at Cristohat, hala ca'iycotic ta jamal, la yutic.

San Juan 16:32

Ya me sta yorahil, soc yorahilix ini, te ya xpuhquex bahel jujutuhlex, jtuquel ya xhilon awu'unic; pero ma jtuqueluc ayon como sjoquinejon te Tatile.