San Juan 16:20 - Bible in Tzeltal Bachajón

²⁰ Jamal ya calbeyex, ya me x'oq'uex soc yac amel awo'tanic, yan te mach'atic ayic ta scuenta bahlumilal tse'el yo'tanic; pero aunque ayex ta mel-o'tan, ta patil ya me sutp'ij ta tse'el-o'tanil.

Nuevo Testamento Tzeltal de Amatenango

²⁰ Jamal ya kalbeyex: Te jaꞌexe ya me xꞌokꞌex sok bayal me yajtal-awoꞌtanik. Yan te genteetik te ayik ta skuenta balmilale ben sniꞌ xyaꞌiyik yuꞌun. Pero te yajtal-awoꞌtanike ya me sujt ta bujtsꞌan kꞌinal.

Bible in Tzeltal de Oxchuc y Tenejapa

²⁰ Jamal ya calbeyex, ya me x'oq'uex cu'un soc bayal me ya amel awo'tanic. Yan te mach'atic te ayic ta swenta te balumilale, ya xbujts'naj yo'tanic yu'un, ja'uc me to, te mel-o'tan ya awaiyique, ya me xc'atp'uj ta sbujts' awo'tanic.

San Juan 16:20 Referans Kwoze

Santiago 1:2

Quermanotac, bayeluc me yutsil awo'tanic te c'alal ay bayel awocolic ta tsajel,

San Mateo 5:4

Bayel me yutsilic te mach'atic ya x'oq'uic, como ya xmuc'ubtesbot q'uinal ya'iyic.

2 Corintios 6:10

hich ya'iyel te jmeloj co'tancotic, pero spisil ora tse'el co'tancotic; hich ya'iyel te pobre ayotcotic, pero tsobol mach'atic ya xc'uhlejub ta jcuentacotic; hich ya'iyel te mayuc bin ay cu'uncotic, pero spisil bintic ay cu'uncotic.

San Marcos 16:10

Hich te María baht yalbe ya'iyic te mach'atic la sjoquinic Jesús ta nahil to te yacalic ta mel-o'tan soc ta oq'uel.

Jeremías 31:25

Ya ca'be xan yipic te mach'atic luhbenic soc ya cac' lecubuc q'uinal ya'iyic te mach'atic ayic ta mel-o'tan, xchi.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

San Lucas 24:21

Pero te ho'otcotic smuc'ulinej co'tancotic te ha te mach'a ya yac' ta libre te Israel. Pero ma ha'uc nax ini, ha yoxebalix c'ahc'al a te hich c'oht ta pasel.

Salmos 30:11

Te oq'uel cu'un la ajelbonix ta ahc'ot; la aloq'uesbonix te pac' yu'un mel-o'tan, la awa'bon jlap te tse'el-o'tanil.

Salmos 30:5

Como c'axel nax ay te yilimba, yan te c'uxultayel yu'une ya xhalaj spisil cuxlejalil. Ta ahc'abal ay oq'uel, pero ta sab ya xtal yutsil q'uinal.

Gálatas 5:22

Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

Romanos 5:11

Soc ma ha'uc nax ini, ha tse'elix co'tantic ta stojol Dios ta scuenta te Cajwaltic Jesucristo, te ha ta scuenta te junix co'tan jbahtic soque.

San Lucas 24:17

Hich joc'obotic yu'un te Jesús: ¿Bin yac awalbel abahic te c'alal yaquex ta behel, soc bin yu'un yaquex ta amel-o'tan? xchi.

San Lucas 23:27

Tsobol swinquilel te pueblo la st'unic bahel, soc ay antsetic yac yoq'uetaybelic te Jesús soc bayel smeloj yo'tanic yu'un.

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Apocalipsis 18:7

Te hich yipal te la stoy sba soc te la sta te bintic la smulan, hich nix yipal a'beyahic sc'uxul soc smel-o'tan, como hich ya yal ta yo'tan: ¡Ho'on hich huculon te bin ut'il ajwalil-ants, ma ba me'ba' antson, soc mayuc bin ora ya coq'uetay jba! xchi.

Apocalipsis 11:10

Te mach'atic nahinemic ta bahlumilal tse'el yo'tanic yu'un, ya spasic q'uin soc ya smahtantes sbahic yu'un, como te cheb jalwanejetic bayel la yuts'inic te mach'atic nahinemic ta bahlumilale.

Hechos 5:41

Te jpuc-c'opetic loq'uic bahel ta stojol te jchahpanwanejetic, tse'el yo'tanic yu'un te lec sc'oblalic ta stojol Dios te bin ut'il a'bot c'axuc swocolic ta uts'inel ta scaj te Bihilile.

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

San Juan 16:6

Pero ayex ta mel-o'tan yu'un te hich la jcalbeyex.

San Lucas 22:62

Loc' bahel te Pedro, bayel la yoq'uetay sba yu'un.

San Lucas 22:45

C'alal laj yo'tan ta sc'oponel Dios, suht tal ta banti ay te jnopojeletic yu'un, wayalic a c'oht sta, yu'un luhbenic yu'un mel-o'tan.

San Lucas 6:21

Bayel me awutsilic ha'ex te ayex ta wi'nal ta ora ini, como ya me xnoj ach'uhtic. Bayel me awutsilic ha'ex te yacalex ta oq'uel ta ora ini, como ya me stse'ejinex.

San Marcos 14:72

Cha'oc' te tat mut. Tey la sna' a te Pedro te bin halbot yu'un te Jesús: C'alal ma to x'oc' cheb buelta a te tat mut, oxeb buelta yac amucon ta awo'tan, te xchi sc'oblale. Hich hahch ta oq'uel.

Isaías 66:5

A'iybeya awa'iyic te sc'op Jehová, ha'ex te ya xnihquex ta stojol te sc'ope: Te awermanotac te ya sp'ajex soc te parte ya yaq'uex ta scaj te jbihile, hich la yalic: Ac'a yich' halbeyel yutsil sc'oblal te Jehová, yu'un hich ya quiltic a te stse'elil awo'tanic, xchihic. Pero ya me stahic q'uexlal.

Isaías 12:1

Ta hich ora hich me yac awal: Ya jc'ayojtayat, Jehová; aunque ilinat ta jtojol, lahmaj te awilimba, soc la amuc'ubtesbon q'uinal ca'iy.

Salmos 97:11

Ya xtihl sacal q'uinal ta stojol te mach'a toj yo'tan, soc ay tse'el-o'tanil ta stojol te mach'atic lec yo'tanic.

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

1 Tesalonicenses 1:6

Ha'ex la anopbotcotic co'tancotic soc te yo'tan te Cajwaltique. Tse'el awo'tanic ta scuenta te Ch'ul Espíritu la awich'ic te c'op aunque ay bayel awocolic.

San Juan 20:20

Laj yalbel a, la ya'be yilic te sc'ab soc te smochbaquel. Tse'el yo'tanic yu'un te jnopojeletic te c'alal la yilic te Cajwaltique.

San Mateo 21:38

Pero te j'a'teletic c'alal la yilbeyic te snich'an, hich la yalbe sbahic: Ha ini te ya xbaht yich' te q'uinale. La'ic, jmiltic, hich ya quich'betic te sq'uinale, xchihic.