San Juan 16:19 - Bible in Tzeltal Bachajón

¹⁹ La sna' te Jesús te yo'tanuc ya sjoc'obeyic, ha yu'un la yalbe: ¿Ha bal talel c'axel yac ajoc'obe abahic yu'un te hich la jcal: Li' ta jts'ihn ma ba yac awilonic, soc jts'ihn xan ta patil ya me awilonic, te xchihone?

Nuevo Testamento Tzeltal de Amatenango

¹⁹ Te Jesuse la snaꞌ te yoꞌtanikuk ya sjojkꞌoyike y la yaltalanbe: —La kalbeyex te “liꞌ xanix ta jtsꞌin te makꞌ ya awilbikonix jsite, pero ta patil ya awilbikon xan jsit”, te xchone. ¿Me jaꞌ te yipalex ta yalele?

Bible in Tzeltal de Oxchuc y Tenejapa

¹⁹ Jesús la sna' stojol te ya sc'an yo'tanic te ya sjojc'obeyique. Jich caj yalbey yu'un: —La calbeyex te li' ta ajc' ma ba ya awilbonic te jsite; soc li' xan ta ajc' ya awilbonic xan te jsite. ¿Ja' bal yacalex ta yaanel?

San Juan 16:19 Referans Kwoze

San Juan 16:30

La jna'cotiquix te yac ana' spisil, ma yu'unuc ya sc'an te ay mach'a ya sjoc'obat; ha scuentahil te la jch'uhuncotic te talemat ta stojol te Diose, xchihic.

San Juan 16:16

Li' ta jts'ihn ma ba yac awilonic, pero jts'ihn xan ta patil yac awilonic, xchi te Jesús.

San Juan 14:19

Jts'ihn xanix ya sc'an ya xch'ayon ta sit te mach'atic ayic ta bahlumilal, pero te ha'exe, ya me awilonic. Te bin ut'il cuxulon, ha nix hich ya xcuxajex.

San Juan 13:33

Cal-jnich'nab, jts'ihn xanix te joquexe. Yac alehonic, pero hich te bin ut'il la jcalbe te judíohetic, ha nix hich ya calbeyex yo'tic: Te banti ya xbohon, ma xhu' ya xbahex tey a te ha'exe.

San Juan 7:33

La yal te Jesús: Ma ba halix c'ahc'al ya joquinex, patil ya suhtonix bahel ta banti ay te mach'a la sticonon tale.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

San Mateo 9:4

Na'bot yo'tanic yu'un te Jesús, hich la yalbe: ¿Bin yu'un chopol bin yac awalbel ta awo'tanic?

San Mateo 6:8

Ma me hichuc xapasic te bin ut'il ya spasique, como te Atatic sna'ojix te bin ya xtuhun awu'unic te c'alal ma to ba ac'ambeyejic a.

San Marcos 9:32

Pero ma ba la sna'beyic scuentahil te bin halbotic, soc la xi'ic sjoc'obeyel.

San Juan 6:61

Te Jesús la sna' te hahchic wulajanel yu'un te jnopojeletic yu'un, ha yu'un la yal: ¿Yu'un bal ma lecuc c'oht ta awo'tanic bin la jcal?

San Juan 16:18

Hich la yalic xan: ¿Bin a te hich la yal: Li' ta jts'ihn, te xchihe? Ma jna'betic scuentahil te bin ya yal, xchihic.

San Juan 16:23

Ta hich ora mayuc bin yac ajoc'oboniquix a. Tulan sc'oblal ya calbeyex, spisil te bin yac ac'ambeyic te Jtat ta scuenta jbihil, ya me ya'beyex.

San Juan 16:26

Ta hich ora ay bintic yac ac'ambeyic ta scuenta te jbihile, soc ma ba ya calbeyex te ho'on ya jc'ambe te Tatil ta acuentahic,