San Juan 15:25 - Bible in Tzeltal Bachajón

²⁵ Te bin ut'il hich la spasic, yu'un hich ya xc'oht ta pasel a te bin ts'ihbabil hilel ta Ley yu'unic: Mayuc scuentahil te la sp'ajonic, te xchihe.

Nuevo Testamento Tzeltal de Amatenango

²⁵ Pero puersa jich ya xkꞌot ta pasel to te tut tsꞌibabil jilel te mantaliletik te yichꞌojike: “Maꞌyuk sluwaril te ya spꞌajikone”, xchi me.

Bible in Tzeltal de Oxchuc y Tenejapa

²⁵ Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

San Juan 15:25 Referans Kwoze

Salmos 109:3

La sjoytayonic ta c'op yu'un il-o'tantayel, mayuc scuentahil te ya ya'bonic guerra.

Salmos 69:4

Te mach'atic ay slab yo'tanic cu'un ta tojol nax, c'ax hich p'ohlemic a te bin ut'il stsotsel jol; yich'oj yipic te jcontratac, te mach'atic ya sc'an ya slajinonic te mayuc bin jpasoje. ¿Ya bal xpas ya jtoj te bin ma ba quelc'anej?

Salmos 35:19

Ma me stse'layonic te mach'atic tojol nax ya scontrahinonic; soc ma me xmuts'ilan sitic ta jtojol te mach'atic mayuc scuentahil ya sp'ajonique

San Lucas 24:44

Patil hich la yalbe: Hich ay te bin la jcalbeyex te c'alal joquex to a, te ya sc'an te ts'acal ya xc'oht ta pasel te bin ya yalbon jc'oblal te ts'ihbabil ta Ley yu'un Moisés, ta shun jalwanejetic soc ta salmohetic, xchi.

2 Corintios 11:7

¿Ha bal jmul c'oht te peq'uel la jcac' jba scuenta yu'un ha'ex ya xtohy ac'oblalic, te bin ut'il ma ba la jc'an jtojol a te la jcalbeyex te lec yach'il c'op yu'un Dios?

Apocalipsis 21:6

Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

2 Tesalonicenses 3:8

mayuc mach'a hich nax la jc'ambecotic jwe'elcotic. Melel c'ahc'al ahc'abal ma ba la jcux co'tancotic, tulan a'tejotcotic scuenta yu'un mayuc mach'a la jca'becotic swocol.

Gálatas 2:21

Ma ba ya jp'ajbe te yutsil yo'tan te Diose; como teme lec ya xc'ohotic ta stojol Dios ta scuenta te Ley, tojol cham Cristo abi.

Romanos 3:24

pero ta scuenta yutsil yo'tan Dios ta mahtanil halbotic te toj ayic, ta scuenta stojel mulil ta scuenta Cristo Jesús.

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

San Juan 10:34

La sjac' te Jesús: ¿Ma bal hichuc ts'ihbabil ta Ley awu'unic: Ho'on caloj te ha'ex diosex, ma bal xchihuc?

Salmos 7:4

teme ay bin chopol la jpasbe te mach'a lamal q'uinal ya ca'iy soc, o teme tojol nax la jpojbe sbiluc te jcontrahe,

San Juan 19:36

Hich c'oht ta pasel scuenta yu'un ya xc'oht ta pasel te bin yal te Shun Dios: Ma ba ya yich' wac'beyel sbaquel stuquel, te xchihe.

San Mateo 10:8

Ya me alecubteslanic jchameletic soc jc'a'el-chameletic, ya me acha'cuxajtesic mach'a chamenic, soc ya me aloq'ueslanic pucujetic. Ta mahtanil la awich'ic, hich ni me ta mahtanil yac awaq'uic.

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.