San Juan 14:30 - Bible in Tzeltal Bachajón

³⁰ Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

Nuevo Testamento Tzeltal de Amatenango

³⁰ “Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

Bible in Tzeltal de Oxchuc y Tenejapa

³⁰ “Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

San Juan 14:30 Referans Kwoze

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

1 Juan 4:4

Cal-jnich'nab, yu'unex Dios te ha'exe soc atsalojiquix te lotil jalwanejetic, como te Mach'a ay ta awo'tanic c'ax hich yu'el a te bin ut'il te mach'a ay ta bahlumilal.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

San Juan 12:31

La stahix yorahil te ya x'och ta ich'el ta c'op te mach'atic ayic ta bahlumilal; la stahix yorahil te ya yich' loq'uesel te principal yu'un te bahlumilal ini.

Efesios 6:12

Como ma ha'uc ya jtsal jbahtic soc ch'ich'-baq'uet, ha ya jtsal jbahtic soc principaletic, te mach'atic ay yu'elic, yajwalic yihc'al q'uinal ta bahlumilal ini, soc chopol espírituhetic te ay yipic te ayic ta toyol.

1 Pedro 2:22

Mayuc la sle smul soc mayuc lotil c'op loc' ta ye.

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

San Lucas 22:53

Jujun c'ahc'al la joquinex ta Templo, ma ba la atsaconic tey a; pero la stahix yorahil te ya xhu' awu'unic soc ha yorahil te ay yip te yihc'al q'uinale, la yut.

Colosenses 1:13

Ha la scoltayotiquix loq'uel ta yip te yihc'al q'uinal, la yic'otiquix ochel ta banti ay te cuentahinel yu'un te Snich'an te c'ux ta yo'tan,

Hebreos 7:26

Ya xtuhun cu'untic te muc'ul sacerdote te ch'ultesbil, te mayuc smul, parte ay yu'un jmulawiletic soc c'ax hich toybot sc'oblal a te bin ut'il te ch'ulchane.

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Hechos 1:3

C'alal c'axemix swocol a, ta scuxlejal la yac' sba ta ilel ta stojolic soc bayel pruebahetic te jamal la yac' ta ilel te cuxule. Cha'winic (40) c'ahc'al la yac' sba ta ilel yu'unic soc la yalbe ya'iyic sc'oblal te cuentahinel yu'un Dios.

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

1 Pedro 1:19

pero ta scuenta sch'ul sch'ich'el te Cristo, te hich c'ohem te bin ut'il tuminchij te mayuc yabaquil soc mayuc bin jihnem yu'un.

1 Juan 5:18

Jna'ojtic te spisil mach'a ayinem ta scuenta Dios ma ba ya slehulan smul, como canantaybil yu'un te Snich'an Dios, ma ba ya xtahot yu'un te pucuje.