San Juan 14:27 - Bible in Tzeltal Bachajón

²⁷ Ya ca'beyex hilel lamal q'uinal; ya ca'beyex te lamal q'uinal cu'un; ma hichuc ya ca'beyex te bin ut'il ya yaq'uic te mach'atic ayic ta bahlumilal. Ma me xamel awo'tanic soc ma me xiwex.

Nuevo Testamento Tzeltal de Amatenango

²⁷ “Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

Bible in Tzeltal de Oxchuc y Tenejapa

²⁷ “Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.

San Juan 14:27 Referans Kwoze

Filipenses 4:7

Hich te lamal q'uinal te ya yac' te Diose, te c'ax muc' te ma xhu' cu'untic sna'el, ya me scanantaybeyex awo'tanic soc apensaric ta scuenta te Cristo Jesús.

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

2 Tesalonicenses 3:16

Te Cajwaltic yu'un lamal q'uinal ac'a ya'beyex ta spisil ora te lamal q'uinale. Ac'a sjoquinex apisilic te Cajwaltique.

Colosenses 3:15

Ac'a scuentahimbeyex awo'tanic te lamal q'uinal yu'un Cristo, te ha nix yu'un te la awich'ic tsobel ta junax baq'uet. Soc na'ahic me yalel wocol.

2 Timoteo 1:7

como te Dios ma ha'uc la ya'botic te espíritu yu'un xiwel, ha la ya'botic te espíritu yu'un yu'el, yu'un c'uxul-o'tanil soc te ya xhu' scomel jbahtic.

Romanos 15:13

Te Dios yu'un smuc'ul-o'tanil ac'a snojesbeyex awo'tanic ta tse'el-o'tanil soc lamal-o'tanil ta scuenta te bin ach'uhunejic, scuenta yu'un ay bayel smuc'ul awo'tanic ta scuenta yu'el te Ch'ul Espíritu.

Números 6:26

Te Jehová ac'a yac' tal sit yelaw ta atojol, soc ac'a ya'bat lamal q'uinal ta atojol, xchihex.

Romanos 8:6

Te sna'ulanel te bintic scuenta ch'ich'-baq'uet, ha ya x'ac'otic ta lajel yu'un, yan te sna'ulanel bintic scuenta Espíritu, ha me cuxlejalil soc lamal q'uinal.

Jeremías 1:8

Ma me xiwat ta stojolic, como joquinejat yu'un ya jcoltayat, xchi te Jehová.

Gálatas 1:3

Ac'a sjoquinex te yutsil yo'tan soc te lamal q'uinal yu'un te Jtatic Dios soc te Cajwaltic Jesucristo,

Gálatas 5:22

Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

Salmos 29:11

Te Jehová ya ya'be yip te pueblo yu'une; te Jehová ya ya'be bendición te pueblo yu'un ta scuenta lamal q'uinal. C'ayoj scuenta yaq'uel ta stojol Dios te Templo. Salmo yu'un David.

Romanos 5:1

Ha yu'un te bin ut'il halbotic te toj ayotic ta scuenta sch'uhunel-o'tanil, hich lamal q'uinal ya ca'iytic ta stojol Dios ta scuenta te Cajwaltic Jesucristo,

San Juan 14:1

La yal te Jesús: Ma me xamel awo'tanic; yac ach'uhunic te Diose, ch'uhunawonic ec.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Salmos 112:7

Ma ba ya xi' te bin ma lecuc ta a'iyel; jun yo'tan, ha smuc'ulinej yo'tan te Jehová.

Romanos 5:10

como te c'alal jcontrahinej jbahtic soc a te Diose, la yac' te cha'lecub xan yo'tan ta jtojoltic ta scuenta te laj te Snich'ane, c'ax to xan hich ya xcolotic ta scuenta te scuxlejal, te bin ut'il junix co'tan jbahtic soque.

San Juan 20:21

Cha'halbotic xan yu'un te Jesús: Lamaluc me q'uinal yac awa'iyic. Hich te bin ut'il la sticonon tal te Tatil, ha nix hich ya jticonex bahel, xchi sc'oblalic.

Salmos 56:11

ha ya smuc'ulin co'tan te Diose, ma ba ya xiwon. ¿Bin ya xhu' ya spasbon te winique?

Salmos 91:5

Ma ba yac axi' te bintic ya xiwteswan ta ahc'abal, o te ya'tejibalul t'ihmalte' te ya xbehen ta c'ahc'alel,

Colosenses 1:20

soc te ha ta scuenta te ya yac' te ya xlecub yo'tanic soc Dios spisil bintic ay ta bahlumilal soc spisil bintic ay ta ch'ulchan, ha la yac' lamal q'uinal ta scuenta sch'ich'el te la yich' malel ta cruz.

Romanos 1:7

Ya jpatbeyex awo'tanic ta apisilic te ayex ta Roma, te c'uxex ta yo'tan Dios soc te ic'bilex yu'un ch'ultesbil ya xc'ohex: Yutsil-o'tanil soc lamaluc me q'uinal yac awa'iyic yu'un te Jtatic Dios soc te Cajwaltic Jesucristo.

Isaías 54:13

Spisil te awal-anich'nabic ya yich'ic nohptesel yu'un te Jehová, soc ya xp'ohl te lamal quinal ya ya'iyic te awal-anich'nabique.

Salmos 85:10

Ya sta sbahic te c'uxul-o'tanil soc te bin smelelil, ya yuhts'uy sbahic te toj-o'tanil soc te lamal-o'tanil.

1 Corintios 1:3

Ac'a c'ohtuc ta atojolic te yutsil yo'tan soc te lamal q'uinal yu'un te Jtatic Dios soc te Cajwaltic Jesucristo.

Salmos 56:3

Te c'alal ya xtal xiwel ta co'tan, ha'at ya smuc'ulinat co'tan.

San Juan 20:19

Te c'alal ihc'ub q'uinal ta sba c'ahc'alil semana, macajtic a te puertahetic te banti stsoboj sbahic te jnopojeletic ta scaj te la xi'ic te judíohetic, tal te Jesús, la stehc'an sba ta yohlilic, hich la yal: ¡Lamaluc me q'uinal yac awa'iyic! xchi.

2 Tesalonicenses 1:2

Ayuc me yutsil-o'tanil soc lamal q'uinal awu'unic te ya xtal ta stojol te Jtatic Dios soc te Cajwaltic Jesucristo.

Hechos 10:36

Dios la sticombe sc'op ta stojol te snich'nab Israel, la yalbe sc'oblal te lec yach'il c'op scuenta lamal q'uinal ta scuenta Jesucristo, ha te Ajwalil yu'un spisil.

San Lucas 2:14

¡Bayel yutsil te Dios ay ta toyol, soc ay lamal q'uinal ta bahlumilal, ay yutsil yo'tan Dios ta stojol te ants-winiquetique! xchihic.

San Lucas 1:79

yu'un ya sacubtes q'uinal ta stojol te mach'atic ayic ta yihc'al q'uinal soc ta yaxinal lajel; yu'un ya stojobtesotic bahel ta sbehlal lamal q'uinal, xchi te Zacarías.

Hebreos 13:20

Te Dios yu'un lamal q'uinal, te ta scuenta te sch'ich'el te yach'il chapbil-c'op la scha'cuxajtes tal ta lajel te Cajwaltic Jesucristo, te muc'ul Jcanantaywanej yu'un te tuminchijetic,

Hechos 18:9

Ta ahc'abal te Pablo hich halbot yu'un Cajwaltic ta snahalsit: Ma me xiwat, c'opojan, ma me xacom aba,

San Mateo 10:26

Ha yu'un ma me xaxi'ic; como mayuc bin mucul te ma ba ya yich' chicnajtesel, mayuc bin muquen te ma ba ya xna'ot.

Isaías 55:12

Soc yutsil q'uinal ya xloq'uex bahel, soc lamal q'uinal ya suhtex talel. Te witsiltic soc te tsehletic ya xhahchic ta c'ayoj ta atojolic, soc spisil te te'etic ta q'uinal ya smaj sc'abic.

Salmos 27:1

Ha sacal q'uinal cu'un soc ha jcolel te Jehová, ¿mach'a ya jxi'? Te Jehová ha ahnibal yu'un te jcuxlejal, ¿mach'a a te ya ya'bon xiwel?

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Apocalipsis 1:4

Juan, ta stojol te huqueb iglesiahetic te ayic ta Asia: Ich'ahic te yutsil-o'tanil soc lamal q'uinal yu'un te mach'a ay ta ora ini, te ay ta namey soc te ya xtale, soc te huqueb espírituhetic te ayic ta stojol te smuc'ul-huctajib,

Hebreos 7:2

Hich te Abraham la ya'be te Melquisedec jun ta slajunebal ta spisil. Te bin ya sc'an ya yal te sbihile, ha ajwalil yu'un te bin stojil ta pasel, xchi, soc te bin ut'il ajwalil yu'un Salem, ha ajwalil yu'un lamal q'uinal, xchi.

San Juan 20:26

Waxaqueb c'ahc'al ta patil ayic ta yut na yan buelta te jnopojeletic, soc tey sjoquinejiquix a te Tomás. Macajtic a te puertahetic, tal stehc'an sba ta yohlilic te Jesús, hich la yalbe: ¡Lamaluc me q'uinal xawa'iyic! xchi.

Ezequiel 2:6

Pero ha'at snich'anat winic, ma xaxi' soc ma xaxi'be te sc'opique. Aunque ayat ta yohlil ch'ixiletic soc ch'ix, soc aunque nahinemat ta yohlil tsequetic, ma xaxi' te bin ya yalbat soc ma xiwat ta stojolic, como ha toyba pueblo.

Salmos 28:3

Ma me pajaluc xatason bahel soc te mach'atic chopolic soc te mach'atic ya spasic mulil, te lamal q'uinal ya xc'opojic soc spat-xuhquic, pero ay bin chopol ay ta yo'tanic.

Daniel 4:1

Ho'on, ajwalil Nabucodonosor, ta stojol spisil te pueblohetic, nacionetic soc c'opiletic te nahinemic ta spisil te q'uinal: Ayuc me bayel lamal q'uinal yac awa'iyic.

Proverbios 3:25

Ma ba yac axi' jinel te ora nax ya xtal o te jinel ya xtal ta stojol te mach'atic chopolic,

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Gálatas 6:16

Spisil te mach'atic hich ya spasic, ac'a c'ohtuc ta stojolic lamal q'uinal soc c'uxultayel, soc ta stojol te Israel yu'un Dios.

San Lucas 10:5

Ta bayuc na te ya x'ochex, hich me nahil yac awalic: Lamaluc me q'uinal ta na ini, xchihanic me.

Zacarías 6:13

Ha ya spas te templo yu'un Jehová, ay me yutsilal ya xc'oht, ya shuhcan sba ta shuctajib ta cuentahinwanej, soc ya shuhcan sba jtuhl sacerdote ta sts'ehl; lamal q'uinal ya ya'iyic ta schebalic, xchihan me.

Isaías 57:19

Ya ca'be yalic te yutsil c'oblalil ini: Lamaluc me q'uinal ta stojol te mach'a namal ay, lamaluc me q'uinal ta stojol te mach'a nopol ay, xchihic, soc ya jlecubteslan, xchi te Jehová.

Salmos 72:7

Ta yorahil te ajwalil ya me xnichin te bin stojil ta pasel soc ay bayel lamal q'uinal ha to c'alal mayuquix a te uhe.

Colosenses 1:2

ta stojol te quermanotic te ayic ta Colosas te ch'uhltesbilic soc te jun yo'tanic ta stojol Cristo: Ac'a sjoquinex te yutsil-o'tanil soc lamal q'uinal yu'un te Jtatic Dios soc te Cajwaltic Jesucristo.

San Lucas 12:4

Ya calbeyex, camigotac, ma me xaxi'ic te mach'a ya smilbeyex abaq'uetalic, te mayuc bin ya xhu' ya spasbeyix xan ta patil.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Daniel 6:25

Hich te ajwalil Darío la sts'ihbabe spisil te pueblohetic, nacionetic soc c'opiletic ta spisil q'uinal, hich la yal: Ayuc bayel lamal q'uinal yac awa'iyic.

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Salmos 11:1

Ha smuc'ulinej co'tan te Jehová; ¿bin yu'un hiche te hich yac awalbon: Ahnan bahel ta wits hich te bin ut'il mut,

Job 34:29

Teme ya scux yo'tan, ¿mach'a ya xhu' ya stij hahchel? Teme ya snac' yelaw, ¿mach'a ya xhu' ya yil? Pajal ya yil te nación soc te ants-winiquetic,

Lamentaciones 3:17

Namal baht ta jtojol te lamal q'uinal, ch'ayix ta co'tan te bin lec ta a'iyele.

Salmos 72:2

Ya me schahpambat ta stojil te pueblo awu'un, stojiluc me ya schahpan te mach'atic awu'un te ay swocolique.

2 Crónicas 20:30

Ay lamal q'uinal ban c'alal smacoj ta ajwalil te Josafat, como te Dios yu'un la ya'be lahmajuc q'uinal ta bayuc.