San Juan 14:10 - Bible in Tzeltal Bachajón

¹⁰ ¿Yu'un bal ma ba ach'uhunej te jun ayon soc te Tatil, soc te ha joc te Tatil? Te jc'op yac calbelex, ma jtuquel-o'tanuc nax yac calbel, pero te Tatil, te jun ayon soc, ha yac spasbel te a'tele.

Nuevo Testamento Tzeltal de Amatenango

¹⁰ ¿Meꞌn ma xꞌachꞌuun te jun nax ayon sok te jTate? Te tutꞌil ya kalbeyexe, ma joꞌukon jkꞌop te tut ya kale. Te jTat, te jun nax ayon soke, stukel yaꞌtel te ya spase.

Bible in Tzeltal de Oxchuc y Tenejapa

¹⁰ ¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 14:10 Referans Kwoze

San Juan 5:19

La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

San Juan 10:38

Yan teme yacon ta spasel, aunque ma ba yac ach'uhunonic, ch'uhunahic te a'teliletic, scuenta yu'un hich yac ana'ic soc hich yac ach'uhunic a te ay ta jtojol te Tatil soc te ayon ta stojol te Tatile, xchi.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

San Juan 12:49

Ma jtuquel-o'tanuc c'opojon ta jcuenta; te Jtat te la sticonon tal, ha la spason ta mandar te bin ya sc'an ya cal soc te ya jpuc ta halel.

San Juan 10:30

Jun ayon soc te Jtate, xchi.

San Juan 8:28

Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

Colosenses 2:9

Como te stalel te Dios ts'acal ya xnahin ta stojol Cristo, ta sbaq'uetal,

San Juan 17:8

como la jca'be te ac'op te la awa'bone; la yich'ic ta cuenta, soc sna'ojiquix ta lec te talemon ta atojol, soc sch'uhunejiquix te ha'at aticonejon tale.

San Juan 5:17

Hich halbotic yu'un te Jesús: Yac ta a'tel c'alal ora te Jtate, ha nix hichon yacon ta a'tel, xchi.

1 Juan 5:7

Como ay oxeb te ya yalic ta testigo:

2 Corintios 5:19

Como te Dios, ta scuenta Cristo, la yac' te junuc yo'tan sbahic ya xc'oht soc Dios te ants-winiquetic, ma ba ich'bot ta cuenta te smulique, soc la ya'botic ca'teltic ta yalel bin ut'il jun yo'tan sbahic ya xc'ohtic soc Dios.

San Juan 8:38

Te ho'one ya cal te bin quiloj ta stojol te Tatile, soc te ha'exe yac apasic te bin awa'iyejic ta stojol te tatil awu'unique, xchi.

Colosenses 1:19

como hich la sc'an te Tatil te ha ya yich'be spisil te stalel,

San Juan 14:20

Ta patil ya me ana'ic te jun ayon soc te Jtat, soc te ayex ta jtojol soc ayon ta atojolic.

San Juan 7:16

Hich halbotic yu'un te Jesús: Te nohptesel ma cu'unuc, ha yu'un te mach'a sticonejon tal.

San Juan 8:40

Pero yo'tic yac awalbelonic jmilel, ha te mach'a la yalbeyex te smelelil c'op te yalbeyejon ca'iy te Diose. Ma hichuc la spas te Abraham.

San Juan 11:26

Spisil te mach'a cuxajtic soc te ya sch'uhunonic, ma ba ya xchamic sbahtel q'uinal. ¿Hich bal ach'uhunej? xchi.

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Juan 14:11

Ch'uhunawonic te jun ayon soc te Tatil soc te ha joc te Tatile; o ch'uhunawonic yu'un te ca'tele.

San Juan 14:24

Te mach'a ma ba c'uxon ta yo'tan ma ba ya sch'uhumbon jc'op. Te c'op yac awa'iyic ma ho'ucon, ha sc'op te Tatil te sticonejon tale.