San Juan 13:19 - Bible in Tzeltal Bachajón

¹⁹ Ya calbeyex yo'tic te ma to ba c'ohem ta pasel a, scuenta yu'un te c'alal ya xc'oht ta pasel ya me ach'uhunic te ho'on ayon.

Nuevo Testamento Tzeltal de Amatenango

¹⁹ Nail me ya kalbeyex, yuꞌun te kꞌalal ya xkꞌot ta pasele, jich me ya xchꞌuun awoꞌtanik te yuꞌun nanix joꞌon ae.

Bible in Tzeltal de Oxchuc y Tenejapa

¹⁹ Neel me la calbeyex te bit'il ma to xc'ot ta pasele, swenta yu'un te c'alal ya xc'ot ta pasele, jich me ya ach'uunonic te jo'one.

San Juan 13:19 Referans Kwoze

San Juan 14:29

La jcalbeyexix ini te c'alal ma to c'ohemuc ta pasel a, scuenta yu'un te c'alal ya xc'oht ta pasel, ya me ach'uhunic.

Isaías 43:10

Hich ya yal te Jehová: Ha'ex testigohex cu'un, soc a'batex cu'un te la jtsahex, scuenta yu'un yac ana'bonic jba soc yac ach'uhunic soc yac ana'ic te ho'on abi. Mayuc yan dios pasbil te ha nahil cu'un, soc mayuc yan te ha patil cu'un.

San Juan 16:4

Pero la me jcalbeyex ini scuenta yu'un te c'alal hich ya xc'oht ta pasel ya me ana'ic te hich nix calbeyejex a. Ma ba hich la jcalbeyex ta shahchibal, como joquinejex to a.

Isaías 48:5

Ha scuentahil te nameyix la jcalbat; te c'alal ma to xc'oht ta pasel a la jcalbat scuenta yu'un ma xhu' te hich yac awal: Ha la spas te jcahcanan, te loc'omba te pasbil ta te' soc ta uhltesbil taq'uin, ha la yac' ta pasel ini, ma me xchihucat.

San Juan 8:58

Halbotic yu'un te Jesús: Tulan sc'oblal ya calbeyex, te c'alal ma to ayuc a te Abraham, jtalel ayon te ho'one, xchi.

San Mateo 24:25

Ilawilic, nahil la jcalbeyex awa'iyic.

San Mateo 11:3

¿Ha'at laj bal te mach'a sc'oblal ya xtal o ya bal jmahliycotic yan? xchihic c'ohel.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

San Juan 1:15

Te Juan hich la yalbe sc'oblal ta testigo-c'op: Ha ini te la jcalbe sc'oblal: Te mach'a patil ya xtal cu'un, ha nahil ay cu'un, como stalel nahil ay cu'un, xchi.

San Lucas 21:13

Ha me yorahil a te yac awalbeyic testigo-c'op.

Isaías 41:23

Halbotcotic bintic ya xc'oht ta pasel ta patilal, yu'un hich ya jna'cotic a te ha'ex diosex. Ayuc bin yac apasic, teme lec o teme ma lecuc, scuenta yu'un ya xiwotcotic soc ya xnihcotcotic yu'un.

San Juan 4:26

Ho'on abi, te yac sjucbelat ta c'op, xchi te Jesús.

San Juan 8:28

Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.