San Juan 12:5 - Bible in Tzeltal Bachajón

⁵ ¿Bin yu'un ma ba la yich' chonel ta ho'lajunwinic (300) denario te perfume, yu'un ya yich' a'beyel te pobrehetique? xchi.

Nuevo Testamento Tzeltal de Amatenango

⁵ —¿Tuꞌun te maꞌ chonilub te perpume to? Ya xlokꞌ tresientos denario takꞌin stojol te jichuke, yuꞌun ya yichꞌ koltayel a te meꞌbaꞌetike —xchi.

Bible in Tzeltal de Oxchuc y Tenejapa

⁵ —¿Bi yu'un ma la yich' chonel in perfume to? Ya xloc' jo'lajunwinic (300) denario-taq'uin stojol te jichuque, yu'un ya yich' coltayel a te me'baetique —xi'.

San Juan 12:5 Referans Kwoze

San Lucas 18:22

C'alal hich la ya'iy te Jesús, la yalbe: Ay to jun xan ban ya spasat falta: chona spisil te bintic ay awu'un, q'uebembeya te pobrehetic, hich me ay ac'uhlejal ta ch'ulchan a; soc la', t'unawon, xchi.

San Lucas 12:33

Chonahic te bintic ay awu'unic, q'uebembeyahic te pobrehetique; pasa achu'uyic te ma xpoco'ubic, ayuc me c'uhlejalil ta ch'ulchan te ma xlaj, te banti ma x'och j'elec' soc te banti ma xjoch'ob.

San Juan 6:7

La sjac' te Felipe: Ma tic'uc ya xwe'ic jujutebuc a ta lajunwinic (200) denario pan, xchi.

San Lucas 6:41

¿Bistuc yac awil te jwihts' c'a'pal ay ta sit te awermano, pero ma ba yac awil te ts'amte' ay ta asit te ha'ate?

San Mateo 20:2

La schap soc te j'a'teletic te jun denario ya stoj jun c'ahc'al, hich la sticonlan bahel ta sts'usubil.

Amós 8:5

te hich yac awalic: ¿Bin ora ya xc'ax te q'uin yu'un yach'il u, yu'un ya jchontic te sit awal-ts'unubil; soc bin ora ya xc'ax te sc'ahc'alel cux-o'tan, yu'un ya jamtic te yawil trigo? Ya jtutubtes te sp'isol, ya jtoybetic te stojol soc ya jlo'loytic ta sp'isojibal yalal;

Éxodo 5:17

Hich la sjac' te faraón: Ha'ex ch'ajex, melel ch'ajex, ha scuentahil te yac awalic: Conic, ya xbaht ca'becotic milbil smahtan Jehová, te xchihexe.

Éxodo 5:8

Pero hich nix ts'acal te adobe xawa'beyic spasic te bin ut'il yac spasbelic ta nahil to, ma xawaq'uic pehc'ajuc, como ch'ajic. Ha scuentahil te ya x'awonic: Ya xbaht ca'becotic milbil smahtan te Dios cu'uncotic, te xchihique.

San Mateo 18:28

Pero c'alal loc' bahel te a'bate, la sta jtuhl smohlol ta a'batil te ay ho'winic (100) denario sbet yu'un; c'oht stsac, la spit' ta snuc', la yalbe: Tojbon te abete, la yut.

San Juan 12:4

Te jtuhl jnopojel yu'un, ha te Judas Iscariote snich'an Simón, ha te mach'a ya xbaht yac' ta c'abal te Jesús, hich la yal:

San Juan 12:6

Ma yu'unuc te ay ta yo'tan te pobrehetic te hich la yale, yu'un ha j'elec', como yich'oj te yawil taq'uin yu'unic soc ay ya sloq'ues te bin ya yich' otsesel tey a.

San Juan 13:29

Te bin ut'il yich'oj te yawil taq'uin te Judas, ay la scuyic te halbot yu'un Jesús te yacuc sman tal te bin ya xtuhun yu'unic ta q'uin, o te ay bin ya xbaht ya'be jtebuc te pobrehetique.

Esdras 4:14

Te bin ut'il cuxulotcotic tey ta sna ajwalil, ha yu'un ma jc'ancotic te ya xpehc'aj sc'oblal te ajwalil. Ha scuentahil te la jca'becotic sna' te ajwalil,