San Juan 12:48 - Bible in Tzeltal Bachajón

⁴⁸ Te mach'a ya sp'ajon soc te ma ba ya yich'bon ta cuenta te jc'ope, ay bin ya x'ich'ot ta c'op yu'un: ha te jc'op te caloje, ha ya x'ich'bot sc'op yu'un ta slajibal c'ahc'al.

Nuevo Testamento Tzeltal de Amatenango

⁴⁸ Te machꞌa ya spꞌajone y teme ma xyakꞌ ta jkuenta te jkꞌope, ay me machꞌa te ya xꞌakꞌot bael ta chꞌayel yuꞌune: Te jkꞌop te la kalixe jaꞌ ya xꞌakꞌot bael ta chꞌayel yuꞌun ta slajibal kꞌaal.

Bible in Tzeltal de Oxchuc y Tenejapa

⁴⁸ Te mach'a ya sp'ajone, soc teme ma xyich' ta muc' te jc'ope, ay mach'a ya x'ac'ot ta castigo yu'un. Ja' te jc'op ya cale, ja' ya x'ac'ot ta castigo yu'un ta slajibal c'aal.

San Juan 12:48 Referans Kwoze

San Lucas 10:16

Te mach'a ya ya'iybeyex ac'opic, ho'on me ya ya'iybon jc'op abi; te mach'a ya sp'ajex, ho'on me ya sp'ajon; soc te mach'a ya sp'ajon, ha ya sp'aj te mach'a la sticonon tale, xchi.

Romanos 2:16

ta yorahil te Dios ya yich' ta c'op ta scuenta Jesucristo te bintic muquen ay yu'un te ants-winiquetic, hich te bin ut'il ya yal te lec yach'il c'op cu'une.

2 Tesalonicenses 1:8

yu'un ya ya'be castigo te mach'atic ma ba la sna'beyic sba te Dios soc ma ba ya sch'uhunic spasel te lec yach'il c'op yu'un te Cajwaltic Jesucristo.

San Juan 11:24

Jna'oj te ya xcha'cuxaj ta yorahil cha'cuxajel ta slajibal c'ahc'al, xchi te Marta.

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

Isaías 53:3

Ha ihlaybil soc p'ajbil yu'un te ants-winiquetique, ha jtuhl winic te bayel bin c'ux ya ya'iy, ya sna' bin ut'il ay wocol; hich c'ohem te bin ut'il mach'a ma ba la sc'an ya quilbetic sit yelaw, ha p'ajbil, soc ma ba la jquich'tic ta cuenta.

Hebreos 2:3

¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

San Juan 5:45

Ma me xacuyic te ho'on ya calbeyex amulic ta stojol te Tatile. Ay mach'a ya yalbeyex amulic, ha te Moisés te ha smuc'ulinej awo'tanic.

San Mateo 21:42

Hich joc'obotic yu'un te Jesús: ¿Ma bal awilojic ta Shun Dios: Te ton ch'ayot hilel yu'un te jpas-nahetic, ha sjol yich'o-ip c'oht. Ha te Cajwaltic te hich la spas, bayel yutsil ya quiltic, te xchihe?

1 Samuel 10:19

Pero yo'tic mayuquix sc'oblal ta awo'tanic te Dios awu'unic, te ya scoltayex te c'alal ayex ta wocol soc ta mel-o'tan. Soc la awalic: Ma'uc, ya me awa'botcotic ajwalil, xchihex. Ha yu'un, yo'tic tehc'ana abahic ta stojol Jehová ta jujuchahp ats'umbalic soc ta jujuchahp te mach'atic ay awu'unic, xchi te Samuel.

2 Corintios 4:3

Pero teme macal to te lec yach'il c'op cu'uncotic, ha macal to ta stojol te mach'atic ch'ayel ya xbahtic;

San Lucas 20:17

Te Jesús la yilticlambe sitic, hich la yalbe: ¿Bin scuentahil hiche te hich ts'ihbabil? Te ton te ch'ayot hilel yu'un te jpas-nahetic, ha yich'o-ip xuhc c'oht, te xchihe.

San Lucas 17:25

Pero ya sc'an te nahil ya xc'ax bayel swocol soc ya xp'ajot yu'un te jcaj ts'umbalil ini.

San Lucas 9:26

Te mach'a ya xq'uexaw cu'un soc yu'un te jc'ope, ha nix hich te Nich'anil ay ta scuenta winic ya me xq'uexaw ta stojol c'alal ya xtal soc yutsilal, soc te yutsilal te Stat soc te yutsilal te ch'ul a'batetique.

San Lucas 9:22

hich la yal: Ya me xc'ax bayel swocol te Nich'anil ay ta scuenta winic, ya xp'ajot yu'un te mamaletic, principal sacerdotehetic soc te escribanohetic, ya xlaj ta milel soc ya xcha'cuxaj ta yoxebal c'ahc'al, xchi.

San Lucas 7:30

Yan te fariseohetic soc te mach'atic ya sna'ic ta lec te Ley, la sp'ajic te bin la sc'an Dios ta stojolic, yu'un ma ba la yich'ic ha' yu'un te Juan.

San Marcos 16:16

Te mach'a ya sch'uhun soc te ya yich' ha', ya me xcol; yan te mach'a ma ba ya sch'uhun, ya me x'a'bot stoj smul.

San Marcos 12:10

¿Ma bal awilojic te bin ts'ihbabil ta Shun Dios: Te ton te ch'ayot hilel yu'un te jpas-nahetic, ha mero yich'o-ip xuhc na c'oht.

San Mateo 25:31

C'alal ya xtal soc yutsilal te Nich'anil ay ta scuenta winic soc spisil te ch'ul a'batetic, ya shuhcan sba ta smuc'ul-huctajib ta utsilal,

1 Samuel 8:7

Te Jehová hich la yalbe te Samuel: A'iya me awa'iy spisil bintic ya yalbat te pueblohe; como ma ha'ucat te ma sc'anat, ho'on me te ma sc'anonic te ya jcuentahinic.

Hechos 3:23

soc spisil te mach'a ma ba ya ya'iybe sc'op, ya me yich' bulel loq'uel ta pueblo, xchi.

San Marcos 8:31

Te Jesús hahch snohptes te jnopojeletic yu'un te ya sc'an ya xc'ax bayel swocol te Nich'anil ay ta scuenta winic, soc te ya xp'ajot yu'un te mamaletic, te principal sacerdotehetic soc te escribanohetic, ya xlaj ta milel soc ya xcha'cuxaj tal ta yoxebal c'ahc'al.

San Mateo 10:15

Jamal ya calbeyex, ta yorahil ich'el ta c'op peq'uel xan castigo ya yich' te Sodoma soc Gomorra te bin ut'il ya yich' ha'i pueblo ini.

San Juan 6:39

Te bin ya sc'an yo'tan te Jtat te la sticonon tal, ha te spisil mach'a ya ya'bon ta jcuenta ma me xch'ay cu'un jtuhluc, ha ya jcha'cuxajtes ta slajibal c'ahc'al.

San Juan 8:47

Te mach'a yu'un Dios, ha ya ya'iybe sc'op te Diose; ha scuentahil te ma ba yac awa'iyic, como ma ba yu'unex te Diose, xchi.

Hechos 17:31

yu'un schapoj jun c'ahc'al te stojil ya yich' ta c'op te bahlumilal ta scuenta te winic te tsahbil yu'une. Ha la ya'be sna'ic spisil ants-winiquetic ta scuenta te la scha'cuxajtes tal ta lajel, xchi.

Hebreos 4:12

Cuxul te sc'op Dios soc ay yu'el ya x'a'tej, c'ax hich ya xbojawan a te bin ut'il espada te scha'bunjehchel ay ye te ya sta c'ohel ta c'ubul banti ya sjat te ch'uhlelal soc te espíritu, ya sjat te sts'acomba baq'uet soc stanahul, ya stsahtay te jpensartic soc bintic ya sc'an ya spas te co'tantique.

Hebreos 10:25

ma me jquehchantic te ya jtsobilan jbahtic, hich te bin ut'il ay c'ahyemic ta spasel, talel c'axel ac'a jtsits jbahtic; soc c'axuc hich ay sc'oblal awu'unic a, te bin ut'il yac awilic te yac ta talel te yorahil ya xtal te Cajwaltique.

1 Pedro 1:5

ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

2 Pedro 3:3

Te bin bayel sc'oblal, ha te yac ana'ic te ta slajibal c'ahc'al ya me xtal jlabanwanejetic te ya spasic te bintic chopol ya smulanic,

2 Pedro 3:7

Yan te ch'ulchan soc bahlumilal te ay ta ora ini, ha nix ta scuenta te sc'op Dios quechel te ya xlajic ta c'ahc', ha quechelic yu'un te yorahil ich'el ta c'op soc sjinel te chopol ants-winiquetique.