San Juan 12:42 - Bible in Tzeltal Bachajón

⁴² Pero ay tsobolic te la sch'uhunic, soc nix te mach'atic ay ya'telic ta stojol te pueblo, pero ma ba la yalic ta jamal, como la xi'ic te fariseohetic, scuenta yu'un ma ba ya yich'ic loq'uesel ta sinagoga.

Nuevo Testamento Tzeltal de Amatenango

⁴² Pero bayal juriyoetik la xchꞌuunik te Jesuse sok ay a xchꞌuunik euk te statal yuꞌunike. Pero ma xyal sbaik ta jamal yuꞌun ya xiꞌik te fariseoetik yuꞌun jich makꞌ xtenot lokꞌel a te ba sinagogae.

Bible in Tzeltal de Oxchuc y Tenejapa

⁴² Ay tsobol jwolwanejetic te la xch'uunic te Jesuse, ja'uc me to, ma la yal sbaic scaj te la xi'ic te fariseoetique, yu'un ma sc'anic te ya yich'ic loq'uesel ta sinagogae.

San Juan 12:42 Referans Kwoze

Isaías 51:7

A'iybon awa'iyic, ha'ex te yac ana'ic te bin stojil ta pasel, pueblohex te ay ta awo'tanic te ley cu'une. Ma me xaxi'ic te bin ya yalbeyex ta utel te ants-winiquetic, ma me xpehc'aj awo'tanic yu'un te labanel yu'unique.

San Juan 9:22

Hich la yal te sme'stat yu'un xi'ojic te judíohetic, como te judíohetic schapojic te ya yich' loq'uesel ta sinagoga te mach'a ya sch'uhun te ha Mesías te Jesús.

San Juan 7:13

Pero mayuc mach'a la yalbe sc'oblal ta comonsitil ta scaj te xi'ojic te judíohetique.

Proverbios 29:25

Te xiwel ta stojol ants-winiquetic, ha yaquil c'ohem, yan te mach'a ha smuc'ulinej yo'tan te Jehová, canantaybil stuquel.

San Mateo 10:32

Mach'ayuc a te ya yal ta stojol ants-winiquetic te ya sna'bon jba, ha nix hichon ya cal ta stojol te Jtat ay ta ch'ulchan te ya jna'be sbahe.

1 Juan 4:15

Spisil mach'a ya yal ta jamal te ha Snich'an Dios te Jesús, Dios ay ta yo'tan soc ha ay ta stojol Dios.

1 Juan 4:2

Hich ay ta na'el teme ha yu'un te Espíritu yu'un Dios: Spisil te mach'atic te jamal ya yalic te xtaluc soc sbaq'uetal te Jesucristo, ha me yu'un Dios stuquel.

Romanos 10:10

como ta awo'tan yac ach'uhun, hich toj ya xc'ohat, soc yac awal ta jamal ta awe, hich ya xcolat.

Hechos 5:41

Te jpuc-c'opetic loq'uic bahel ta stojol te jchahpanwanejetic, tse'el yo'tanic yu'un te lec sc'oblalic ta stojol Dios te bin ut'il a'bot c'axuc swocolic ta uts'inel ta scaj te Bihilile.

San Juan 19:38

Ta patil, te José talem ta Arimatea, te ha jnopojel yu'un Jesús, pero muquen sch'uhunej yu'un la xi' te judíohetic, ha la sc'ambe te Pilato te yacuc yich'be bahel sbaq'uetal te Jesús; te Pilato la ya'be. Hich la yich'be bahel te sbaq'uetal te Jesús.

San Juan 16:2

Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

San Juan 12:11

como ha ta scuenta te tsobol judíohetic la spit loq'uel sbahic soc la sch'uhunic te Jesús.

San Juan 11:45

Te judíohetic te sjoquinejic te María, c'alal la yilic te bin la spas te Jesús, hich la sch'uhunic.

San Juan 9:34

La sjaq'uic: Ta scuenta mulil te ayinat, ¿ha'at bal yac anohptesotcotic? la yutic. Hich la stenic loq'uel.

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Lucas 12:8

Ya calbeyex te spisil mach'a jamal ya yal ta stojol ants-winiquetic te ya sna'bon jba, ha nix hich te Nich'anil ay ta scuenta winic jamal me ya yal ta stojol te ch'ul a'batetic yu'un Dios te ya sna'be sba ec.

San Lucas 6:22

Bayel me awutsilic c'alal ya sp'ajex te ants-winiquetic, ya stenex loq'uel, ya yixta'c'optayex, soc ya yihlaybeyex abihilic ta scaj te Nich'anil ay ta scuenta winic.

Isaías 66:5

A'iybeya awa'iyic te sc'op Jehová, ha'ex te ya xnihquex ta stojol te sc'ope: Te awermanotac te ya sp'ajex soc te parte ya yaq'uex ta scaj te jbihile, hich la yalic: Ac'a yich' halbeyel yutsil sc'oblal te Jehová, yu'un hich ya quiltic a te stse'elil awo'tanic, xchihic. Pero ya me stahic q'uexlal.

Isaías 57:11

¿Mach'a yac axi', mach'a la xiwtesat, te la alo'loyon, te ma ba la ana'on, ni ma ba tal ta awo'tan? ¿Ma bal ha'uc yu'un te ch'abon ta namey tal, te hich ma ba axi'ojon?

Jeremías 38:19

Te Sedequías hich la yalbe te Jeremías: Ya jxi' te judiohetic te ay c'axemiquix ta stojol te caldeohetique; teme ya x'ochon ta sc'abic ya wan yuts'inonic, xchi.

San Lucas 23:13

Te Pilato la stsob tal te principal sacerdotehetic, te mach'atic yich'oj ya'telic, soc te pueblo,

San Juan 7:31

Pero tsobol ants-winiquetic la sch'uhunic, soc hich la yalic: Te c'alal ya xtal te Cristo, ¿c'ax bal hich señahiletic ya spas a te bin ut'il ya spas te winic ini? xchihic.