San Juan 12:36 - Bible in Tzeltal Bachajón

³⁶ Pero te c'alal ay to sacal q'uinal awu'unic, ch'uhunahic te sacal q'uinal scuenta yu'un al-nich'anex yu'un sacal q'uinal ya xc'ohex a, xchi. C'alal laj yalbel a, baht te Jesús soc la snac' sba ta stojolic.

Nuevo Testamento Tzeltal de Amatenango

³⁶ Chꞌuunaik me te sakil kꞌinale yuꞌun liꞌ to xan me ay awuꞌunik to, yuꞌun jich me yuꞌun ya xkꞌoex te sakil kꞌinale —xchi te Jesuse. Ta patil kꞌalal laj yoꞌtan te yalel to, bajt te Jesuse. Ma yilik ba bajt.

Bible in Tzeltal de Oxchuc y Tenejapa

³⁶ Te bit'il ayex to ta bay te saquil q'uinal, ch'uunaic me, swenta yu'un ja' yal-snich'an ya xc'oex te saquil q'uinale —xi' te Jesuse. C'alal laj yo'tan ta yalel in to te Jesuse, ba snac' sba ta q'uejel.

San Juan 12:36 Referans Kwoze

Efesios 5:8

Como ta nahil to ha'ex yihc'al q'uinalex, pero ta ora ini ha'ex sacal q'uinalex ta scuenta Cajwaltic; hich me ac'a ayinuquex te bin ut'il yal-snich'nab te sacal q'uinale,

1 Tesalonicenses 5:5

Como apisilic yal-snich'nabex te sacal q'uinal soc yal-snich'nabex te c'ahc'alel. Ma ba yu'unotic te ahc'abal soc ma ba yu'unotic te yihc'al q'uinale.

San Juan 8:59

Hich la stamticlanic ton yu'un ya sch'ojic a, pero la snac' sba te Jesús, loc' bahel ta Templo, c'ax ta yohlilic, baht.

San Lucas 16:8

Te yajwal la yalbe lec sc'oblal te chopol jcanan-biluc te bin ut'il la sna' bin la yut. Como te mach'atic scuenta bahlumilal c'ax hich ya sna'ic a bin ya yut soc te smohloltac te bin ut'il te mach'atic ayic ta scuenta sacal q'uinal.

San Juan 11:54

Ha yu'un te Jesús ma ba behen ta comonsitil ta yohlil te judíohetique, loc' tey a, baht ta jun lugar nopol ta jochol taquin q'uinal, ta jun pueblo Efraín sbihil; tey halaj soc a te jnopojeletic yu'un.

San Juan 1:7

Ha tal ta testigohil yu'un ya yalbe sc'oblal te sacal q'uinal, scuenta yu'un hich ya sch'uhunic spisil ants-winiquetic a.

Isaías 60:1

Hahchan, tihlan, como talix te sacal q'uinal awu'un, soc te yutsilal Jehová hulix ta atojol.

1 Tesalonicenses 5:8

Yan te ho'otic te yu'unotic te c'ahc'alel, p'ijuc me x'ayinotic, ac'a jlaptic te smahquil jtahntic, ha te sch'uhunel co'tantic soc te sc'uxul co'tantic, soc ac'a jlaptic te smahquil joltic, ha te smuc'ul co'tantic yu'un te colele.

San Juan 3:21

Yan te mach'a ya spas te bin smelelil, ya xtal ta sacal q'uinal scuenta yu'un hich ya xchicnaj a te ha ta scuenta Dios te ya'tele, xchi.

San Mateo 21:17

Tey la yihquitaylan hilel a, loc' bahel ta pueblo, baht ta Betania, tey c'oht ta wayel a.

San Mateo 5:14

Ha'ex sacal q'uinalex ta bahlumilal. Ma xhu' ta naq'uel te pueblo ay ta ba wits.

San Juan 8:12

Cha'c'oponotic xan yu'un Jesús te ants-winiquetic, hich la yal: Ho'on te sacal q'uinalon yu'un te bahlumilal; te mach'a ya st'unon ma ba ya xbehen ta yihc'al q'uinal, ha ya yich' te sacal q'uinal scuenta cuxlejal, xchi.

San Juan 12:37

Aunque bayel señahiletic la spas ta stojolic, ma ba la sch'uhunic te Jesús,

San Juan 12:46

Ho'on te sacal q'uinalon te talemon ta bahlumilal scuenta yu'un spisil te mach'a ya sch'uhunon, ma ba ya x'ayin ta yihc'al q'uinal.