San Juan 12:34 - Bible in Tzeltal Bachajón

³⁴ Hich la sjaq'uic te ants-winiquetique: Ca'iyejcotic ta Shun Dios te stalel cuxul te Cristo. Ha yu'un ¿bin yu'un yac awal te ya sc'an ya yich' toyel hahchel te Nich'anil ay ta scuenta winic? ¿Mach'a a te Nich'anil ay ta scuenta winic yac awale? xchihic.

Nuevo Testamento Tzeltal de Amatenango

³⁴ Te gentee la yalik: —Kaꞌiyejtik te tut ya yal te mantaliletik te kuxul sbajtel qꞌuinal te Cristoe. ¿Tutꞌil kꞌoem yuꞌun te jich ya awal te puersa ya yichꞌ jojkꞌanele te Nichꞌanile? ¿Machꞌaa te Nichꞌanil ta akꞌope? —xchiik.

Bible in Tzeltal de Oxchuc y Tenejapa

³⁴ La yal te ants-winiquetique: —Caiyojtic stojol te bit'il ya yal te mandalil cu'untic te stalel cuxul sbajt'el q'uinal te Cristoe. ¿Bit'il ay a te jich la awal te puersa ya xjijp'anot te Nich'anile. ¿Mach'a a te Nich'anil ya awale? —xiic.

San Juan 12:34 Referans Kwoze

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Daniel 7:14

A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Salmos 110:4

Hich yaloj ta jamal te Jehová, ma ba ya suhtes sc'op: Ha'at sacerdotehat sbahtel q'uinal, hich te bin ut'il te Melquisedec, xchi.

Daniel 7:27

Soc te cuentahinel, te yip soc te yutsilal spisil ta chahp ban c'alal ayic ta cuentahinel ta ye'tal ch'ulchan ya x'a'bot te mach'atic ch'uhltesbilic te ha yu'unic te Mach'a mero toyol ay. Sbahtel q'uinal ay te cuentahinel yu'unic, soc spisil te ajwaliletic ya me yac' sbahic ta a'batinel yu'unic soc ya me sch'uhumbeyic smandar.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

2 Samuel 7:13

Ha ya spasbon na yu'un te jbihile, soc ho'on ya ca'be yich' yip sbahtel q'uinal te shuctajib te ban c'alal scuentahinej.

Romanos 5:18

Ha yu'un hich te bin ut'il ta scaj te la sc'axuntay mandaril jtuhl winic te tal lajel ta stojol spisil ants-winiquetic, ha nix hich ta scuenta stojil ya'tel jtuhl winic te tal ta stojol spisil ants-winiquetic te ya xhalbot te toj ayic te ha ya yac' cuxlejalil.

Miqueas 4:7

Te coxo'etic ya cac' te ha'ic te mach'atic hilemic, te mach'atic puhquemic ya cac' te ha tulan nación ya xc'ohtic. Ya xcuentahinotic yu'un Jehová ta wits Sión, ta ora ini soc ta sbahtel q'uinal.

Salmos 72:7

Ta yorahil te ajwalil ya me xnichin te bin stojil ta pasel soc ay bayel lamal q'uinal ha to c'alal mayuquix a te uhe.

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

San Juan 15:25

Te bin ut'il hich la spasic, yu'un hich ya xc'oht ta pasel a te bin ts'ihbabil hilel ta Ley yu'unic: Mayuc scuentahil te la sp'ajonic, te xchihe.

San Juan 12:32

Soc ho'on, c'alal ya quich' toyel hahchel ta lum, ya me quic' ta jtojol spisil ants-winiquetic, xchi.

San Juan 10:34

La sjac' te Jesús: ¿Ma bal hichuc ts'ihbabil ta Ley awu'unic: Ho'on caloj te ha'ex diosex, ma bal xchihuc?

Isaías 53:8

Ta scuenta uts'inel soc chahpanel te ic'ot bahele. ¿Mach'a ya xhu' ya yalbe sc'oblal te sts'umbale? Como la yich' loq'uesel ta yohlil mach'atic cuxulic, ehchentesot ta scaj te c'axun-mandar yu'un te pueblo cu'une.

San Mateo 21:10

C'alal och bahel ta Jerusalén te Jesús, xjuyetic hahchel ta c'op yu'un spisil te pueblo, hich la yalic: ¿Mach'a a ini? xchihic yu'un.

San Mateo 16:13

C'alal c'oht Jesús ta sq'uinal Cesarea yu'un Filipo, la sjoc'obe te jnopojeletic yu'une: ¿Bin ya yalic te ants-winiquetic, mach'a a te Nich'anil ay ta scuenta winic? xchi.

San Mateo 8:20

Pero la yal te Jesús: Te waxetic ay sch'enic, soc ay spechechic te ha'mal mutetique, yan te Nich'anil ay ta scuenta winic ma xweht ta banti ya smehtsan sba stuquel, xchi.

San Juan 8:28

Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

Hebreos 7:24

yan te Jesús te stalel ay, ma xyanij te sacerdotehil yu'une.