San Juan 12:10 - Bible in Tzeltal Bachajón

¹⁰ Ha yu'un te principal sacerdotehetic ha nix hich la schapbeyic sc'oblal ta milel te Lázaro,

Nuevo Testamento Tzeltal de Amatenango

¹⁰ Jich te stataletik yuꞌun te saserdoteetike la xchapbeyik skꞌoplal ta milel euk te jLazaroe,

Bible in Tzeltal de Oxchuc y Tenejapa

¹⁰ Jich yu'un te jwolwanej-sacerdoteetique la xchajbanbeyic sc'oplal ta milel uuc te Lázaroe,

San Juan 12:10 Referans Kwoze

San Lucas 16:31

La yal te Abraham: Teme ma sc'an ya ya'iybeyic bin la yal te Moisés soc te jalwanejetic, ma ba ya xc'oht ta yo'tanic aunque ay mach'a ya xcha'cuxaj tal ta yohlil te mach'atic chamenique, xchi.

San Mateo 2:16

Te Herodes, c'alal la sna' te tse'layot yu'un te p'ijil winiquetic, bayel ilin yu'un, hich la sticon ta milel spisil te bic'tal alaletic ta Belén soc ta sjoyobal te ma to stahojic cheb ya'bilalic, hich te bin ut'il jayeb ha'bil halbot yu'un te p'ijil winiquetique.

San Juan 11:57

Te principal sacerdotehetic soc te fariseohetic yalojic mandar teme ay mach'a ya sna' banti ay te Jesús, ac'a yalic scuenta yu'un ya stsaquic.

Eclesiastés 9:3

Ta spisil te bin ay ta pasel ta ye'tal ch'ulchan, ha te bin chopol ini: ha te pajal quechel ya xc'oht ta stojol spisilic; soc te yo'tan te ants-winic nojel ta bin chopol soc sonsohil ta spisil scuxlejal, patil ya xbahtic ta banti ay te mach'atic chamenique.

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

San Mateo 12:14

Ha yu'un loq'uic bahel te fariseohetic, baht schapic bin ya yut ya smilic te Jesús.

San Juan 12:9

Bayel judíohetic la sna'ic te tey ayix a te Jesús, hich talic, ma ha'uc nax ta scuenta te Jesús, ha tal yilic te Lázaro te cha'cuxajtesot tal ta yohlil chamen winiquetic yu'un te Jesuse.

San Juan 12:11

como ha ta scuenta te tsobol judíohetic la spit loq'uel sbahic soc la sch'uhunic te Jesús.