San Juan 10:5 - Bible in Tzeltal Bachajón

⁵ Yan te mach'a ma ba ya sna'beyic sba, ma ba ya st'unic bahel stuquel, ya x'ahnic bahel ta stojol, como ma ba ya sna'beyic sba te sc'ope, xchi.

Nuevo Testamento Tzeltal de Amatenango

⁵ Yan teme ma jaꞌuk te jkanane, ma skꞌan stsꞌakliyik bael. Ya xlokꞌik ta anel, yuꞌun ma snaꞌbeyik sba te skꞌope —xchi te Jesuse.

Bible in Tzeltal de Oxchuc y Tenejapa

⁵ Yan teme ma ja'uc te yajwale, ma sc'an sts'aclinic bael. Ya x'anic bael yu'un, melel ma sna'beyic te sc'ope —xi' te Jesuse.

San Juan 10:5 Referans Kwoze

Apocalipsis 2:2

Ya jna' bin yilel awa'tel, te tulan ayat ta a'tel soc te ya xcuhch awu'un; soc ya jna' te ma xcuhch awu'un te mach'atic chopolic, te atsajoj te mach'atic ya scuy sbahic ta jpuc-c'opetic pero ma ha'uc, soc la atsaquix ta slotic.

San Marcos 4:24

Soc la yalbeyic: Tsahtaya me abahic yu'un te bin yac awa'iyic, como te bin yilel yac ap'is, ha nix hich yac awich' p'isbeyel, soc c'ax hich ya x'a'botat a,

Proverbios 19:27

Jnich'an, teme yac awihquitay ya'iyel te nohptesel, ya xhowiyat ta stojol te bin ay ta na'el.

1 Juan 2:21

Ma ba ya jts'ihbabeyex yu'un te ma ba yac ana'ic te smelelil c'op, yu'un yac ana'ic, soc yu'un ma xloc' talel lot ta smelelil c'op.

1 Reyes 22:7

Pero te Josafat la sjoc'oy: ¿Ma bal ayuquix yan jalwanej yu'un Jehová li'i te ya xhu' ya joc'obetic? xchi.

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

2 Timoteo 4:3

como ya sta yorahil te ma ba ya sc'an ya ya'iyiquix te lequil nohptesel, ya sac'ub schiquinic, hich ya stsob bayel maestrohetic yu'unic te ya xnoptesotic yu'un te bin ya smulanic,

San Lucas 8:18

Ha yu'un tsahtaya me abahic bin ut'il yac awa'iyic te c'ope, como spisil te mach'atic ay bin ay yu'unic, ya me x'a'botic xan, pero te mach'atic mayuc bin ay yu'unic, ya me xpojbotic te jteb te scuyoj ay yu'unique, xchi.

San Juan 10:4

Te c'alal ya sloq'ues spisil te tuminchijetic yu'un, ha ya xnahilij bahel; soc ya xt'unot bahel yu'un te tuminchijetic como ya sna'beyic sc'op.

San Juan 10:16

Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.