San Juan 10:3 - Bible in Tzeltal Bachajón

³ Te jcanan-ti'corral ya sjambe te ti'corral, soc te tuminchijetic ya ya'iybe te sc'ope; soc ya yalticlambe sbihil te tuminchijetic yu'un, hich ya yic'ticlan loq'uel.

Nuevo Testamento Tzeltal de Amatenango

³ Te jkanan-tiꞌ korale ya sjeꞌ te trankae, y te jkanane ya yikꞌ te juju-kojt te karnerae, ya sbiiltes, y ya xnaꞌbot sba skꞌop yuꞌun. Ya slokꞌes bael ta koral,

Bible in Tzeltal de Oxchuc y Tenejapa

³ Te jcanan-ti'corrale ya sjambey sti' te corrale. Te chijetique ya sna'beyic sc'op te jcanan-chije. Jich ya yic'tilay ta sbiilic te chijetic yu'une. Ya sloq'ues bael ta corral.

San Juan 10:3 Referans Kwoze

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

San Juan 10:4

Te c'alal ya sloq'ues spisil te tuminchijetic yu'un, ha ya xnahilij bahel; soc ya xt'unot bahel yu'un te tuminchijetic como ya sna'beyic sc'op.

San Juan 10:16

Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

San Juan 10:14

Ho'on te lequil jcanan-tuminchijon; ya jna'ticlambe sba te tuminchijetic cu'un, soc te tuminchijetic cu'un ya sna'bonic jba,

Apocalipsis 3:20

Ilawil, teq'uelon ta ti'nahil, yacon ta c'op; teme ay mach'a ya ya'iybon jc'op soc ya sjambon te ti'nahil, ya x'ochon, ya joquin ta we'el soc ya sjoquinon ta we'el.

Apocalipsis 7:17

como te Jcolel Tuminchij te ay ta yohlil te muc'ul-huctajibal ha ya scanantay soc ya me stojobteslan bahel ta banti ay sloq'uib ha'etic scuenta cuxlejal. Soc ya me xcusticlambot ya'lel sitic yu'un te Diose, xchi.

Romanos 8:30

Te mach'atic hich chapal yu'un Dios, ha nix la yic'ticlan; te mach'atic la yic'ticlan, ha nix la yal te toj ay; te mach'atic la yal te toj ay, ha nix la yac'ticlambe yutsilalic.

San Juan 6:45

Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

San Juan 6:37

Ya xtal ta jtojol spisil mach'a ya ya'bon ta jcuenta te Jtate, soc te mach'a ya xtal ta jtojol, ma ba ya jten loq'uel.

Isaías 42:16

Ya jtojobtes bahel te ts'o'sitetic ta be te ma ba sna'ojic, ya cac' behenuquic ta be te ma ba yilojique. Ya jc'atp'un ta sacal q'uinal te yihc'al q'uinal ta stojolic, soc te chuhcul q'uinal ya jc'atp'un ta spamlej. Ha ini te ya jpase, ma ba ya jpiteslan.

Cantares 8:13

Ha'at, te ya xnahinat ta ts'umbil q'uinal, te mach'atic sjoquinejonic yac smahliybel ya'iyic te ac'ope. ¡Halbon ca'iy!

Éxodo 33:17

Te Jehová la yalbe te Moisés: Ya jpas te bin la awal, te bin ut'il lec ac'oblal ta jtojol soc te ya jna'bat te abihile, xchi.

Apocalipsis 20:15

Te mach'a ma ba ts'ihbabil sbihil ta libro scuenta cuxlejal, ch'ojotic ochel ta banti yac ta tihlel pamal c'ahc'.

Colosenses 4:3

Soc c'opombotcotic me Dios scuenta yu'un yacuc sjambotcotic puerta te Cajwaltic yu'un yalel te sc'ope, scuenta yu'un ya xhu' ya cac'cotic ta na'el a te bin muquen ay ta na'el sc'oblal te Cristo, te ha nix ta scuenta te chuculone.

Filipenses 4:3

Ha nix hich ya calbat wocol, ha'at te jmohlol jbahtic te jun awo'tan, te yacuc acoltaybon te cheb antsetic ini, ha'ic te la sjoquinlanonic ta a'tel ta scuenta te lec yach'il c'op, soc nix te Clemente soc te yantic jmohloltac ta a'tel te ay sbihilic ta libro yu'un cuxlejal.

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Salmos 80:1

Jcananat yu'un Israel, a'iya me awa'iy; ha'at te yac awic' bahel te José hich te bin ut'il jchahp tuminchijetic; ha'at te huculat ta yohlil te querubinetic, sacubtesa q'uinal.

1 Pedro 1:12

A'bot sna'ic te ma ha'uc ya xc'oht ta scuentahic, ha ya xc'oht ta acuentahic te ha'exe. La yalbeyic sc'oblal te bintic la awa'iyiquix yu'un te mach'atic la yalbeyex te lec yach'il c'op ta scuenta te Ch'ul Espíritu ticombil tal ta ch'ulchan. Ha nix hich te ch'ul a'batetic, yo'tanuc xyilic te bin yac ta halbeyel sc'oblale.

1 Corintios 16:9

como jamboton muc'ul puerta ta spasel muc'ul a'tel, aunque bayel mach'atic ya xcontrahinwanic.

Proverbios 27:23

Na'a ta lec bin yilel te tuminchijetic awu'un, ilawil ta lec te chambahlametic awu'une;

San Juan 10:9

Ho'on te ti'corralon, te mach'a ho'on ta jcuenta te ya x'och bahel, ya me xcol; ya x'och soc ya xloc', soc ya sta swe'el.

1 Juan 4:6

Yan te ho'otic yu'unotic Dios. Te mach'a ya sna'beyic sba te Diose, ya ya'iybotic jc'optic; te mach'a ma yu'unuc te Diose, ma xya'iybotic te jc'optique. Tey ya jna'betic sba a te espíritu yu'un smelelil c'op soc te espíritu yu'un lotil c'op.

3 Juan 1:14

como co'tanuc te ya xtal quilat ta ora, hich me ya joquin jbahtic ta c'op a.