San Juan 10:21 - Bible in Tzeltal Bachajón

²¹ Ay yantic la yalic: Ma hichuc sc'op te mach'a ay pucuj ta yo'tan. ¿Ya bal xhu' ya sjambe sit ts'o'sit te pucuje? xchihic.

Nuevo Testamento Tzeltal de Amatenango

²¹ Pero ay yan ya yalik: —Te machꞌa ay pukuj ta yoꞌtane ma jichuk ya xkꞌopoj jich tutꞌil to. ¿Me ay wan jtuluk pukuj te ya sjambe sit te choketike? —xchiik.

Bible in Tzeltal de Oxchuc y Tenejapa

²¹ Soc ay la yalic: —Te mach'a ay pucuj ta yo'tane, ma jichuc ya xc'opoj te bit'il in to. ¿Soc ya bal xju' yu'un sjamel sit ma'sitetic te pucuje? —xiic.

San Juan 10:21 Referans Kwoze

Éxodo 4:11

Hich la sjac' te Jehová: ¿Mach'a la spasbe ye te ants-winic? ¿Mach'a ya spas te uma' soc te cohc, te mach'a ya yil q'uinal soc te ts'o'sit? ¿Ma bal ho'ucon te Jehovahon?

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

Salmos 94:9

Te mach'a la spas te chiquinil ¿ma bal yacuc ya'iy? Te mach'a la spas te sitil ¿ma bal yacuc yil?

San Juan 9:6

Laj yalbel a, la stuhbatay lum, la spas ta ahch'al, la sjaxbe ta sit te ts'o'sit,

San Mateo 4:24

Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús.

Proverbios 20:12

Te chiquinil te ya ya'iy c'op soc te sitil te ya yil q'uinal, ta schebal pajal pasbil yu'un Jehová.

Salmos 146:8

te Jehová ya sjambe sit te ts'o'sitetic; te Jehová ya stij hahchel te mach'atic nijajtic; te Jehová c'ux ta yo'tan te mach'atic toj yo'tanique.

Éxodo 8:19

Ha yu'un te j'ilojeletic hich la yalbeyic te faraón: Ha'ix te yal sc'ab Dios ini, xchihic. Pero te faraón tulanub yo'tan, ma ba la ya'iybe sc'opic, hich te bin ut'il la yal te Jehová.

San Juan 10:22

Ha yorahil te q'uin yu'un yaq'uel ta stojol Dios te Templo ta Jerusalén. Yorahil sic a,