San Juan 1:4 - Bible in Tzeltal Bachajón

⁴ Ay cuxlejal ta stojol, soc te cuxlejal ha nix te sacal q'uinal ta stojol ants-winiquetic.

Nuevo Testamento Tzeltal de Amatenango

⁴ Stukel ay ta skuenta te kuxlejale, y te kuxlejale jaꞌ ya sakub kꞌinal yuꞌun te genteetike.

Bible in Tzeltal de Oxchuc y Tenejapa

⁴ Ja' ya yac' cuxlejal stuquel. In te cuxlejale, ja' te ay saquil q'uinal ta stojolic te ants-winiquetique.

San Juan 1:4 Referans Kwoze

San Juan 8:12

Cha'c'oponotic xan yu'un Jesús te ants-winiquetic, hich la yal: Ho'on te sacal q'uinalon yu'un te bahlumilal; te mach'a ya st'unon ma ba ya xbehen ta yihc'al q'uinal, ha ya yich' te sacal q'uinal scuenta cuxlejal, xchi.

San Juan 12:46

Ho'on te sacal q'uinalon te talemon ta bahlumilal scuenta yu'un spisil te mach'a ya sch'uhunon, ma ba ya x'ayin ta yihc'al q'uinal.

San Juan 5:26

Como hich te bin ut'il ay scuxlejal ta stuquel te Tatil, ha nix hich ya'beyej te ay scuxlejal ta stuquel te Nich'anil.

San Juan 9:5

Te jayeb c'ahc'al ayon ta bahlumilal, sacal q'uinalon yu'un te bahlumilale, xchi.

San Juan 11:25

Halbot yu'un te Jesús: Ho'on te cha'cuxajelon soc ho'on te cuxlejalone; te mach'a ya sch'uhunon, aunque chamen, ya me xcuxaj.

1 Juan 5:11

Ha te testigo-c'op ini: Dios ya'beyejotic jcuxlejaltic sbahtel q'uinal, soc te cuxlejal ini ay ta scuenta te Snich'ane.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 12:35

Halbotic yu'un te Jesús: Ma haluquix c'ahc'al te ay sacal q'uinal ta atojolic, ha yu'un behenanic te jayeb xan ora ay sacal q'uinal scuenta yu'un ma ch'ayaluc awo'tanic a ya stahex te yihc'al q'uinale, como te mach'a ya xbehen ta yihc'al q'uinal, ma sna' banti ya xbaht.

Efesios 5:14

Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.

San Mateo 4:16

Te mach'atic ayic ta yihc'al q'uinal la yilic muc'ul sacal q'uinal, te mach'atic ayic ta yaxinal lajel, sacub q'uinal ta stojolic, te xchihe.

Colosenses 3:4

Te c'alal ya xchicnaj tal te Cristo, te ha acuxlejalic, hich ya xchicnajex soc a ta utsilal.

Isaías 42:16

Ya jtojobtes bahel te ts'o'sitetic ta be te ma ba sna'ojic, ya cac' behenuquic ta be te ma ba yilojique. Ya jc'atp'un ta sacal q'uinal te yihc'al q'uinal ta stojolic, soc te chuhcul q'uinal ya jc'atp'un ta spamlej. Ha ini te ya jpase, ma ba ya jpiteslan.

Hechos 26:23

Ha te ya xc'ax swocol te Cristo soc te ha nahil ya xcha'cuxaj tal ta yohlil te mach'atic chamenic, scuenta yu'un ya yalbe sc'oblal te sacal q'uinal ta stojol te pueblo soc te jyanlumetic, xchi te Pablo.

San Lucas 2:32

Ha luz te ya sacubtes q'uinal ta stojol jyanlumetic, soc ha yutsilal te Israel te pueblo awu'une, xchi.

1 Juan 1:2

Chicnaj te cuxlejal soc la jquilcotic, ya calbecotic sc'oblal ta testigo-c'op soc ya calbeyex sc'oblal te cuxlejal te sbahtel q'uinal ay, te sjoquinej te Tatil soc te chicnaj ta jtojolcotic.

San Juan 5:21

Como hich te bin ut'il te Tatil ya scuxajtes te mach'atic chamenic soc ya yac'ticlambe scuxlejalic, ha nix hich te Nich'anil ya ya'be scuxlejal te mach'a ya sc'an ya ya'be.

Apocalipsis 22:16

Ho'on Jesuson, jticonej tal te ch'ul a'bat cu'un scuenta yu'un ya yalbe te iglesiahetic ha'i testigo-c'op ini. Ho'on slohp'on soc sts'umbalon David, ho'on te jsacubel ec', xchi.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

1 Corintios 15:45

Hich ts'ihbabil: Te sba winic Adán, a'bot scuxlejal, xchi; te slajibal Adán, ha espíritu te ya yac' cuxlejal.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Salmos 49:6

Ha te mach'atic smuc'ulinej yo'tanic te bintic ay yu'unic soc te ya stoy sbahic yu'un te bayel sc'ulejalic.

San Juan 3:19

Hich ay scuentahil te ya stoj smulic: ha te tal ta bahlumilal te sacal q'uinal, pero te ants-winiquetic ha bayel xan la smulanic te yihc'al q'uinal te bin ut'il te sacal q'uinal, como chopol te ya'telique.

1 Juan 1:1

Ya calbecotic sc'oblal te C'opil scuenta cuxlejal, ha te ay ta shahchibal, te la jca'iycotic, te quilojcotic ta jsitcotic, te la jna'becotic sba bin yilel, soc te la jtsac ta jc'abcotic.