San Juan 1:37 - Bible in Tzeltal Bachajón

³⁷ C'alal hich la ya'iyic te cheb jnopojeletic yu'un, la st'unic bahel te Jesús.

Nuevo Testamento Tzeltal de Amatenango

³⁷ Te chaꞌtul jnopojeletik yuꞌun te Juane la yaꞌi te jich a yale, y la stsꞌakliyik bael te Jesuse.

Bible in Tzeltal de Oxchuc y Tenejapa

³⁷ Te c'alal la yaiyic stojol te cheb jnopojeletic yu'un te Juane, jich la sts'aclinic bael te Jesuse.

San Juan 1:37 Referans Kwoze

Romanos 10:17

Ha yu'un ya xtal te sch'uhunel-o'tanil ta scuenta ya'iyel te c'ope, soc te bin ay ta a'iyel ya xtal ta scuenta te sc'op te Cristo.

San Juan 1:43

Ta schebal c'ahc'al la snop te ya xbaht ta Galilea te Jesús. La sta te Felipe, hich la yalbe: T'unawon, xchi.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

Zacarías 8:21

Te mach'atic nahinemic ta jun pueblo ya xtalic ta stojol yan pueblo, hich me ya yalic: ¡Conic ta sc'ambeyel bendición te Jehová, ya jlehtic te Jehová te scuentahinej spisil, xchihic. Ha nix hichon ya xbohon ec! xchihic te yantique.

Efesios 4:29

Ma me xloc' bohlc'op ta awehic, ha'uc nax lequil c'op te ya xtuhun scuenta ya'beyel yipic te yantic, scuenta yutsil slequil te mach'a ya ya'iybeyex ac'opique.

Proverbios 15:23

Tse'el yo'tan te mach'a ya stahbe lec suhtib c'op; soc buen lec te c'op te ya yich' halel ta mero yorahil.

San Juan 1:36

C'alal la yil te Juan te tey yac ta behel a te Jesús, hich la yal: ¡Ilawil te Jcolel Tuminchij yu'un Dios! xchi.

San Juan 1:38

La sut sit te Jesús, la yil te ha yacalic ta t'unel yu'un, hich la yalbe: ¿Bin yac alehic? xchi. La yalbeyic: Rabí, (Maestro, xchi te c'asesbile) ¿banti nahinemat? xchihic.