San Juan 1:34 - Bible in Tzeltal Bachajón

³⁴ Ho'on la jquil soc ya cal ta testigo te ha te Snich'an Dios, xchi te Juan.

Nuevo Testamento Tzeltal de Amatenango

³⁴ Te joꞌon kilojix, y joꞌon testigoon yuꞌun te jaꞌ Xnichꞌan te Diose —xchi te Juane.

Bible in Tzeltal de Oxchuc y Tenejapa

³⁴ Jich la quil te jo'one. Jo'on testigoon yu'un te ja' Snich'an Dios stuquele —xi' te Juane.

San Juan 1:34 Referans Kwoze

Salmos 2:7

Ya jpuc ta halel te bin yaloj ta mandar te Jehová: hich la yalbon: Ha'at jnich'anat; nax to nax ayinat cu'un.

San Juan 1:49

La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

San Mateo 4:3

Tal ta stojol te jlo'loywanej, hich halbot yu'un: Teme ha'at Snich'anat Dios, hala te yacuc xc'atp'uj ta pan te tonetic ini, xchi.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

Apocalipsis 2:18

Ts'ihbabeya te ch'ul a'bat yu'un te iglesia ta Tiatira: Hich ya yal te Snich'an Dios, te sjel ta yat c'ahc' te sit soc hich yilel yoc te bin ut'il xlipet huxbil bronce:

Romanos 1:4

soc ta scuenta te Ch'ul Espíritu halot ta jamal te ha Snich'an Dios te ay yu'el, ta scuenta te cha'cuxaj tal ta yohlil mach'atic chamenic.

San Juan 20:31

Pero ha'i señahiletic ini la yich' ts'ihbayel scuenta yu'un hich me yac ach'uhunic a te ha Cristo te Jesús, te ha Snich'an Dios, soc teme yac ach'uhunic, ay me acuxlejalic ta scuenta te sbihile.

1 Juan 4:9

Hich la yac' ta ilel te c'uxotic ta yo'tan te Dios, ha te la sticon tal ta bahlumilal te hip jtuhl Snich'an scuenta yu'un ya xcuxajotic ta scuenta.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.

1 Juan 2:23

Spisil te mach'a ya smuc ta yo'tan te Nich'anil, ma ba ay ta yo'tan te Tatile. Te mach'a ya yal ta jamal te ha Nich'anil, ha nix ay ta yo'tan te Tatile.

2 Corintios 1:19

Como te Snich'an Dios, ha te Jesucristo, te la jcalbecotiquix sc'oblal ta atojolic —ho'on soc Silvano soc Timoteo— ma ha'uc: Yac soc Ma'uc, xchi, pero ha nax: Yac, xchi ta scuenta Cristo,

San Juan 19:7

La sjaq'uic te judíohetic: Ay ley cu'uncotic, tey ya yal a te ya me xlaj, como la yal sba te ha Snich'an Dios, xchihic.

San Juan 11:27

Hich, Cajwal; jch'uhunej te ha'at Cristohat, te Snich'anat Dios, te talemat ta bahlumilal, xchi.

San Juan 10:36

¿ha xan te mach'a tsahbil yu'un Dios soc te ticombil tal ta bahlumilal yu'un, te ha'ex yac awalic: Yac abohlc'optaybel Dios, xchihex, ta scaj te la jcal: Ha Snich'anon te Diose, te xchihone?

San Marcos 1:1

Ha shahchibal te lec yach'il c'op yu'un te Jesucristo, te Snich'an Dios.

San Mateo 27:54

Te capitán-soldado soc te mach'atic sjoquinejic ta scanantayel te Jesús, c'alal la yilic te nihquel soc te bin c'oht ta pasel, bayel xiw yo'tanic yu'un, hich la yalic: ¡Ta mero melel ha Snich'an Dios ini! xchihic.

San Mateo 27:43

La smuc'ulin yo'tan te Diose, ac'a coltayec yu'un teme ya sc'ane, como yaloj te ho'on Snich'anon Dios, xchihic.

San Mateo 27:40

hich la yalic: Ha'at te yac ajin te Templo, te ta oxeb c'ahc'al yac acha'pas xan, coltaya aba quiltic. Teme ha'at Snich'anat Dios, cohan tal ta cruz, xchihic.

San Mateo 26:63

Pero te Jesús mayuc bin la sjac'. Ha yu'un hich halbot yu'un te muc'ul sacerdote: Hala ca'iycotic ta scuenta te cuxul Dios teme ha'at nix a te Cristohat, te Snich'anat te Diose, xchi.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

2 Juan 1:9

Mach'ayuc a te ya xhowiy, te ma ba ya x'ayin ta stojol te bintic ay ta nopel yu'un Cristo, ma ba ay ta yo'tan te Diose; yan te mach'a ya x'ayin ta stojol te bintic ay ta nopel yu'un Cristo, ay ta yo'tan te Tatil soc te Nich'anile.

Hebreos 7:3

Ma chicanuc sme' stat soc ma chicanuc sts'umbal; ma chicanuc shahchibal soc ma chicanuc slajibal. Hich pajal soc te Snich'an Dios, sbahtel q'uinal ay ta sacerdotehil.

San Lucas 3:22

co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

San Marcos 1:11

Soc tal c'op ta ch'ulchan, hich la yal: Ha'at Jnich'anat te bayel c'uxat ta co'tan; buen lec co'tan awu'un, xchi sc'oblal.

San Mateo 16:16

Ha la sjac' te Simón Pedro: Ha'at te Cristohat, te Snich'anat te cuxul Dios, xchi stuquel.

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

San Mateo 8:29

Hich la yawtayic te Jesús: ¿Bin awochelotcotic a, Jesús Snich'anat Dios? ¿Tal bal awac'otcotic ta wocol te ma to ba stahoj yorahil? xchihic ta aw.

San Mateo 4:6

hich la yalbe: Teme ha'at Snich'anat Dios, ch'oja cohel aba, como hich ts'ihbabil: Ya spas ta mandar te ch'ul a'batetic yu'un te ya me scanantayat, ya slat'at ta sc'abic, scuenta yu'un ma ba yac alajin awoc ta ton a, xchi.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

San Juan 20:28

La sjac' te Tomás: ¡Cajwal, Dios cu'un! xchi.

San Juan 10:30

Jun ayon soc te Jtate, xchi.

San Juan 6:69

Jch'uhunejcotic soc jna'ojcotic te ha'at te Mach'a Ch'ultesbil yu'un Dios, xchi.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.