Josué 7:9 - Bible in Tzeltal Bachajón

⁹ Como te cananeohetic soc spisil te mach'a nahinemic ta q'uinal ya me ya'iyic, ya me sjoytayotcotic soc ya me stup'botcotic jbihilcotic ta bahlumilal. ¿Bin yac apas hiche yu'un te smuc'ul abihile? xchi.

Bible in Tzeltal de Oxchuc y Tenejapa

⁹ Teme ya yaiy stojol te cananeoetic soc spisil te mach'atic nainemic ta spamal q'uinale, ya me xtal smilotic ta jc'axel, ni ma'yuc jna'jibaltic ya xjil. ¿Bi ya apas te bit'il muc' te abiile? —xi' te Josué.

Josué 7:9 Referans Kwoze

Éxodo 32:12

¿Bin yu'un te hich ya yalic ta patil te egipciohetic: Yu'un ay bin chopol la snop ta yo'tan te la sloq'ueslan bahel, yu'un ya smilticlan ta witsiltic, yu'un ya slajinlan ta jc'axel ta q'uinal, xchihic? Ihquitaya te tulan awilimba, suhtesa awo'tan yu'un te bin chopol anopoj yac apasbe te pueblo awu'une.

Salmos 83:4

Hich ya yalic: La, ya jimbetic te nación yu'unic, scuenta yu'un mayuquix ta na'beyel xan te sbihil Israel, xchihic.

San Juan 12:28

Jtat, ac'a ta ich'el ta muc' te abihile, xchi te Jesús. Tal c'op ta ch'ulchan te la yal: Cac'ojix ta ich'el ta muc', soc ya cac' xan ta ich'el ta muc', xchi.

Joel 2:17

Te sacerdotehetic, ha te a'batetic yu'un Jehová, ac'a oq'uicuc ta ohlil yu'unte yochibal te templo soc te scajtajib ta chiq'uel mahtanil, hich ac'a yalic: Jehová, pasbeya perdón te pueblo awu'une, ma xawac' ta labanel te bin ay awu'un, yu'un ya x'u'untayot yu'un te nacionetique. ¿Bin yu'un te hich ya yalic ta yohlil te pueblohetic: Banti ay te Dios yu'unic, te xchihique?

Ezequiel 20:9

Pero ta scuenta yich'el ta muc' te jbihile, scuenta yu'un ma ba ya xbohlob sc'oblal te jbihil ta stojol te nacionetic te banti nahinemic ta yohlilic, te banti la jcac' jba ta na'ele, ay bin la jpas yu'un ya jloq'uesic tal ta sq'uinal Egipto.

Deuteronomio 9:28

Ma me hichuc ya yalic te mach'atic ayic ta q'uinal banti la aloq'uesotcotic talel: Te bin ut'il te Jehová ma ba hu' yu'un yotsesbel tey ta q'uinal te la yalbe ya ya'be, o te bin ut'il la yihlay, hich la sloq'ues tal scuenta yu'un ya smilticlan ta jochol taquin q'uinal, ma me xchihuquic.

Números 14:13

Pero te Moisés la sjac'be sc'op te Jehová: Ya me ya'iyic ta ora te egipciohetic, como la aloq'ueslan tal ta yohlilic te pueblo ini ta scuenta awu'el;

Josué 7:8

¡Ay, Cajwal! ¿bin ya cal yo'tic, te bin ut'il te Israel la yac' spat ta stojol te scontrahique?

Josué 7:10

Te Jehová la yalbe te Josué: ¡Hahchan! ¿Bin yu'un pacalat ta lum?

1 Samuel 12:22

Te Jehová, ta scuenta te smuc'ul sbihil, ma ba ya spihtes te pueblo yu'une; como la sc'an te Jehová te ha'ex pueblohex ya xc'ohex yu'un.

Salmos 48:10

Dios cu'un, hich te bin ut'il te abihile, hich ya xc'oht te yutsil ac'oblal c'alal ta sti'il bahlumilal; te swa'el ac'ab nojel ta bintic stojil ta pasel.

Salmos 79:9

Diosat yu'un jcolelcotic, ¡coltayawotcotic ta scuenta yutsil abihil! ¡Ac'awotcotic ta libre soc pasbotic perdón yu'un te jmulcotic ta scuenta te abihile!

Salmos 83:5

Junax sc'op ya schapic; ya schap sbahic yu'un scontrahimbelat:

Salmos 115:1

Ma ha'uc ta jtojolcotic, Jehová, ma ha'uc ta jtojolcotic, pero ta atojol ac'a yich' halbeyel yutsil sc'oblal te abihil, ta scaj te sc'uxul awo'tan soc te stalel jun awo'tan ta jtojolcotic.

Miqueas 7:10

Ya me yil te jcontra, soc ha ya xpotsot ta q'uexlal te mach'a hich la yalbon: ¿Banti ay te Jehová te Dios awu'un? te xchihe. Tse'el co'tan ya quil te c'alal hich ya yich' ts'o'el ta teq'uel te bin ut'il ahch'al ta callehetic.