Josué 7:21 - Bible in Tzeltal Bachajón

²¹ Ta yohlil te biluquetic la jquil t'ujbil nahtil-c'u'ul talem ta Babilonia, soc lajunwinic (200) ta sehp plata soc jpehch oro te lajuneb yoxwinic (50) siclo yalal, bic'taj co'tan yu'un, hich la jtsac. Nac'bilix ta lum ta ye'tal te jnahilpac', soc ay ta ye'tal xan te taq'uine, xchi.

Bible in Tzeltal de Oxchuc y Tenejapa

²¹ Ta yolil te biluquetic la jtatic ta Jericó, la quil t'ujbil c'u'il talem ta Babilonia, soc ay lajunwinic (200) ta sejp plata, soc ay jpejch' oro te c'axem ta olil kilo yalal. Ja' la jmulan ta lec te biluquetique, jich yu'un la quich' jilel. Tey mucajtic cu'un ta jnailpac', te taq'uine ay ta yet'al —xi'.

Josué 7:21 Referans Kwoze

Santiago 1:15

C'alal hahchemix te bin chopol ya sc'an yo'tan, ya yayintes mulil; c'alal yich'ojix yip a te mulile, ya yayintes lajel.

San Lucas 12:15

Hich la yalbe te yantique: Tsahtaya me abahic yu'un spisil bic'tal-o'tanil, como te scuxlejal te winic ma ha'uc ay sc'oblal te ay bayel bintic ay yu'un, xchi.

Salmos 119:37

Ma me xawac' te ya quil te bintic tojol nax ay; a'bon jcuxlejal yu'un st'unel te be awu'une.

2 Pedro 2:15

Hilem yu'unic te stojil be, howiyemic ta st'umbeyel sbe te Balaam snich'an Beor, te ha c'ux ta yo'tan te stojol te bin chopole;

Deuteronomio 7:25

Ya me achic'ticlambe te sloc'omba diosetic yu'unique. Ma me xbic'taj awo'tan yu'un te plata o te oro te yich'ojic, ma me xawich', scuenta yu'un ma ba yac ac'ohchin a, como ha ihlaybil yu'un te Jehová.

Hebreos 13:5

Ma me xbaht ta awo'tanic sbic'sitayel taq'uin, junuc me awo'tanic yu'un te bin ay awu'unic, como hich yaloj te Diose: Ma jaymehl ya jpihtesat; mayuc bin ora ya quihquitayat, xchi.

Proverbios 28:22

Te mach'a ay st'ut'il ya suj sba ta slehel sc'ulejal, ma sna' te yac ta talel pobrehil ta stojol.

2 Samuel 11:2

Ta jun c'ahc'al ta tibiltic hahch ta swayib te David, behen ta yamaq'uil sba sna ajwalil, la yil cohel jtuhl ants yac ta atimal; mero t'ujbil ants.

Génesis 6:2

te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique.

Génesis 3:6

C'alal la yil te ants te lec ta lo'beyel sit te te' soc t'ujbil ta ilel, soc te bic'tal-o'tantic sba te ya yac' p'ijil-o'tanil, hich la stulbe sit, la slo', soc la ya'be te smamalal te ha nix hich la slo'.

Colosenses 3:5

Ha yu'un ac'a chamuc te bintic scuenta bahlumilal te ay ta awo'tanic: ha te antsiwej soc antsinel, te bintic ilobtic sba, sc'anel bintic ma lecuc, smulanel spasel bin chopol, soc bic'tal-o'tanil, te ha pajal soc sch'uhunel loc'ombahetic.

Efesios 5:5

Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

Efesios 5:3

Te antsiwej soc antsinel, spisil bin ilobtic sba, o sbic'tal-o'tanil, jc'axel ma me xatahic ta halel, como ma snuhp'uc te mach'a ch'uhltesbilic.

San Lucas 12:2

como mayuc bin muquen te ma ba ya xchicnaj, soc mayuc bin nac'al te ma ba ya xna'ot.

Habacuc 2:9

Obol sba te mach'a ma stojiluc ya sta te bin ya xtuhun yu'un ta sna, yu'un toyol ya yac' spechech, yu'un ma xtahot yu'un te bin chopole.

Isaías 29:15

Ay me swocolic te mach'atic ya snac' ta stojol Jehová te bin schapoj ta yo'tanic, te ya spas ya'telic ta yihc'al q'uinal, soc te hich ya yalic: ¿Mach'a ya yilotic, soc mach'a ya sna' jbahtic? te xchihique.

Isaías 28:15

Hich la awalic: Jchapoj jc'optic soc te lajele, jchapoj jc'optic soc te muquenale. Te c'alal ya xtal tulan wocol ma ba ya stahotic; como ha cac'ojtic ta ahnibal cu'untic te lote, ya jnac' jbahtic ta stojol te bin ma meleluque, xchihex.

Proverbios 23:31

Ma me xawilbe stsajal te vino, te c'alal xlipet ta copa yilel soc buhts'an ya xco bahel.

Proverbios 4:23

Ta spisil, canantaya awo'tan, como tey ya xtal a te acuxlejale.

Job 31:1

La jchap jc'op soc te jsit, ¿bin ut'il c'an cac' jsit ta stojol jtuhl ach'ix?

Éxodo 20:17

Ma me xbic'taj awo'tan yu'un te sna apat-axuhc: ma me xbic'taj awo'tan yu'un yihnam, ya'bat, scriada, j'a'tel-wacax, burro, o biluc ay yu'un te apat-axuhc, xchi.

Génesis 10:10

Te Babel, Erec, Acad soc Calne, ha te capitaletic ta sq'uinal Sinar te banti scuentahinej.

Josué 7:20

Te Acán la sjac'be sc'op te Josué: Melel nix a, jtahoj jmul ta stojol Jehová te Dios yu'un Israel; te bin la jpas, ha ini:

Josué 7:22

Ha yu'un te Josué la sticon bahel winiquetic te ahnumal bahtic ta snahilpac'; hich nix a, nac'bil c'oht stahic ta snahilpac', soc ay ta e'tal te plata.

2 Reyes 7:8

C'alal c'ohtic te jc'a'el-chameletic ta campamento, ochic bahel ta jun nahilpac', we' uch'ic tey a, la yich'ic bahel plata, oro soc c'u'uletic, baht snac'ticlanic. Suhtic xan tal, ochic ta yan nahilpac', ha nix hich la yich'ic bahel biluquetic, baht snac'ticlanic.

Génesis 34:27

Te snich'nab Jacob c'axic ta yohlil te mach'atic lajemic, la spojbeyic bahel te biluquetic yu'un te pueblo, ta scaj te la sbohlobtesbeyic sc'oblal te yihts'inique.

Proverbios 1:19

Hich ya xc'ohtic te jbic'tal-o'tanetic, ha nix ya xlajinotic yu'un.