Josué 3:3 - Bible in Tzeltal Bachajón

³ hich la spasic ta mandar te pueblo: C'alal yac awilic te ya xc'ax te scaxahul te chapbil-c'op yu'un Jehová te Dios awu'unic soc te sacerdote-levitahetic te yac sq'uechbelic bahel, ya me xloq'uex hahchel ta banti ayex, ya me at'unic bahel

Bible in Tzeltal de Oxchuc y Tenejapa

³ Jich la yalbeyic mandal te israeletique: —Ya me awilic te c'alal ya xc'ax scajonil trato yu'un Cajwaltic te ya sq'uechic bael te sacerdote-levitaetique, jich me ya xjajch'ex ta beel, ts'aclinaic bael.

Josué 3:3 Referans Kwoze

Deuteronomio 31:9

Te Moisés la sts'ihbay te Ley ini soc la ya'be te sacerdotehetic, ha te snich'nab Leví, te la sq'uechic te scaxahul te chapbil-c'op yu'un Jehová, soc la ya'be spisil te mamaletic yu'un Israel.

2 Samuel 6:13

Te c'alal behenic wacjim ta ocal te mach'atic sq'uechojic te scaxahul te chapbil-c'op yu'un Dios, te David la smil jcoht toro soc jcoht juhp'en tuminchij scuenta smahtan Dios.

Josué 3:8

Ha'at me yac apas ta mandar te sacerdotehetic te ya sq'uechic bahel te scaxahul te chapbil-c'op, hich yac awalbe: Te c'alal ya xc'ohex ta ti'ha' yu'un Jordán, ya me atehc'an abahic ta yohlil te muc'ul-ha', xchi.

Deuteronomio 31:25

hich la spas ta mandar te levitahetic te sq'uechojic te scaxahul te chapbil-c'op yu'un Jehová:

Números 10:33

Hich loq'uic bahel ta wits yu'un Jehová, oxeb c'ahc'al behenic bahel. Te scaxahul te chapbil-c'op yu'un Jehová ha nahilij bahel yu'unic oxeb c'ahc'al, yu'un yac slehbel banti ya scux yo'tanic.

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

San Mateo 16:24

Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

San Mateo 8:19

Tal jtuhl escribano, hich la yalbe: Maestro, ya jt'unat ta bayuc ya xbahat, xchi.

2 Samuel 6:3

La scajanic ta sba yach'il carreta te scaxahul te chapbil-c'op yu'un Jehová, la yich'ic hahchel ta sna Abinadab te ay ta tsehl. Te Uza soc Ahío, snich'nab Abinadab, yacalic ta stojobtesel bahel te yach'il carreta.

Josué 6:6

Ha yu'un te Josué snich'an Nun la yic'ticlan tal te sacerdotehetic, hich la yalbe: Q'uechahic bahel te scaxahul te chapbil-c'op, soc ac'a yich'ic bahel huqueb xulub tat tuminchij huctuhl sacerdotehetic te ya xnahilijic bahel yu'un te scaxahul te chapbil-c'op yu'un Jehová, xchi.

Josué 4:10

Te sacerdotehetic te la sq'uechic bahel te scaxahul te chapbil-c'op, tey tec'ajtic ta yohlil a te Jordán ha to c'alal c'oht ta pasel spisil bintic halbot yu'un Jehová te Josué te ya yalbe te pueblo; hich te bin ut'il spasot ta mandar yu'un Moisés te Josué. La suj sbahic sohlel te pueblohe.

Josué 3:6

Patil la yalbe te sacerdotehetic: Ich'ahic te scaxahul te chapbil-c'op, nahilijanic bahel ta stojol te pueblo, xchi. Hich la sq'uechic hahchel te scaxahul te chapbil-c'op, nahilijic bahel ta stojol te pueblo.

Números 4:15

Te c'alal ya xlaj yo'tan te Aarón soc snich'nab ta spotsel te ch'ul awilal soc spisil te biluquetic yu'une, te c'alal chapalix a te ya xhahch bahel te campamento, ya xtalic te snich'nab Coat ta sq'uechel bahel, pero ma me spiquic te bintic ch'ultesbil, scuenta yu'un ma xchamic a. Ha'ic te biluquetic yu'un te Nahilpac' Templo yu'un tahojibal te ya sq'uechic bahel te snich'nab Coat.

Josué 3:4

scuenta yu'un yac ana'ic te banti behil ya xbahex, como te ha'ex mayuc c'axemex li' ta be ini. Pero ayuc me ho'bahc' (2,000) xuhc'ubil ma xatahic bahel te scaxahul te chapbil-c'op, ma me xalaq'uic bahel, xchihic.

1 Samuel 6:15

Te levitahetic la scohtesic te scaxahul te chapbil-c'op yu'un Jehová soc te caja te ay ta sts'ehl, te banti ayic te bintic pasbilic ta oro, la scajanic ta sba te muc'ul ton. Te winiquetic yu'un Bet-semes la ya'beyic scohtol chic'bil mahtaniletic soc yan milbil mahtaniletic te Jehová ta hich ora.

1 Reyes 8:3

C'alal talic spisil te mamaletic yu'un Israel, te sacerdotehetic la sq'uechic te scaxahul te chapbil-c'op,

Jeremías 33:18

soc te sacerdotehetic te ha sts'umbal Leví mayuc bin ora ya spas falta te ay mach'a ay ta jtojol yu'un ya yac' scohtol chic'bil mahtanil, yu'un ya schic' mahtanil harina soc ya yac' milbil mahtanil jujun c'ahc'al, xchi.