Josué 3:16 - Bible in Tzeltal Bachajón

¹⁶ quehchaj te ha' te ya x'oquin tal ta ahc'ol, namal to la stsob hilel sba ta pueblo Adam nopol ta Saretán, yan te yoc te ya x'oquin bahel ta mar yu'un Arabá, ha te Mar Salado, taquij bahel. Hich sohlic bahel te pueblo ta stojol Jericó.

Josué 3:16 Referans Kwoze

Josué 3:13

Te c'alal ya stec' ochel te ya'lel Jordán te sacerdotehetic te sq'uechojic te scaxahul te chapbil-c'op yu'un Jehová, te Yajwal swohlol bahlumilal, ya me sjam sba te ha' yu'un Jordán, como te ha' te ya x'oquin tal ta ahc'ol ya xquehchaj ta oc, ya stsob hilel sba, xchi.

1 Reyes 7:46

Te ajwalil la yac' ta pasel spisil ta uhltesbil taq'uin ta moldehetic ta ch'uyuy lum ta spamlej yu'un Jordán, ta ohlil yu'un Sucot soc Saretán.

1 Reyes 4:12

Baana snich'an Ahilud, ta Taanac, Meguido, soc spisil Bet-seán te slac'oj sba soc Saretán ta ye'tal xan yu'un Jezreel, c'alal Bet-seán ha to ta Abel-mehola, c'alal ta jehch Jocmeam;

Génesis 14:3

Spisil la stsob sbahic ta spamlej Sidim, ha te Mar Salado.

Salmos 114:3

Te mar ha la yil, hich loc' ta ahnel, te muc'ul-ha' Jordán suht ta spat.

Deuteronomio 1:1

Ha te c'opetic te la yal Moisés ta stojol spisil Israel ta jochol taquin q'uinal ta jehch muc'ul-ha' Jordán, ta Arabá, te snuhp'usitayej sba soc Suf, te j'ohlil ay yu'un Parán soc Tofel, Labán, Hazerot soc Dizahab.

Números 34:3

Te mojon ta stojol sur, ya xhahch ta jochol taquin q'uinal Zin c'alal ta mojon yu'un Edom; ta stojol banti ya xloc' tal c'ahc'al ya xhahch ta sti'il Mar Salado ta stojol sur,

Salmos 77:19

C'ax ta mar te be awu'un, te behetic awu'un c'axic ta yohlil te ha'etic; aunque ma ba chicnaj te awoque.

Salmos 74:15

La ajam sloq'uib-ha' soc muc'ul-ha'etic, la awac' taquijuc te muc'ul-ha'etic te stalel ya x'oquinic.

Salmos 66:6

La sc'atp'un ta taquin lum te mar, ta yoquic sohlic bahel ta jehch ha'. Tey buen tse'el co'tantic ta stojol a.

Salmos 29:10

Te Jehová hucul ta shuctajib ta sba te snojel ha', te Jehová hucul scuenta ajwalil sbahtel q'uinal.

Josué 15:2

Te sti'il ta stojol sur ha ya xloc' bahel ta ti' Mar Salado, ha te banti ay c'ab-ha' te ya yil bahel ta stojol sur,

Deuteronomio 3:17

soc la jca'be te Arabá, te ha smojon te muc'ul-ha' Jordán, c'alal Cineret c'alal ta mar yu'un Arabá, ha te Mar Salado, ta ye'tal wits Pisga ta stojol banti ya xloc' tal c'ahc'al.

Éxodo 14:21

Te Moisés la stoy sc'ab ta stojol te mar, te Jehová la yac' tal tulan ic' sjunal ahc'abal ta stojol banti ya xloc' tal c'ahc'al; hich la sjam sba te ha' soc taquij te slumile.

Salmos 33:7

Ya sbusan ta jtsohb nax te ya'lel mar; ya yac' ta sq'uejojibal te sc'ubulile.

Salmos 114:5

Mar, ¿bin yu'un ahnat? Ha'at, Jordán, ¿bin yu'un te suhtat ta apat?

Isaías 50:2

¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

Ezequiel 47:8

Hich la yalbon: Te ha' ini ya x'oquin bahel ta q'uinal ta stojol banti ya xloc' tal c'ahc'al, ya xco bahel ta Arabá, ya x'oquin ochel ta Mar Muerto. C'alal ya x'och ta mar, ya xlecub yu'un te ha'e.

Nahúm 1:4

Ya yut te mar, ya yac' taquijuc, ya yac' taquijuc spisil te muc'ul-ha'etic. Te Basán soc te Carmelo ya xuch'ub, soc ya xluhbaj te nichim yu'un Líbano.

Habacuc 3:8

¿Ilinemat bal, Jehová, ta stojol te muc'ul-ha'etic? ¿Acontrahinej bal te muc'ul-ha'etic ta awilimba? ¿Tihlem bal sc'ahc'al awo'tan ta stojol te mar c'alal mohat ta cawuhetic awu'un, ta carretahetic awu'un te ya xtsalwanic?

Éxodo 14:22

Ha yu'un te snich'nab Israel taquin slumil a c'axic bahel ta yohlil mar. Hich c'oht te ha' te bin ut'il ts'ahc ta wa'el soc ta q'uexam.

Éxodo 14:29

Yan stuquel te snich'nab Israel, taquin slumil a sohlic bahel ta yohlil mar. Hich c'oht te ha' te bin ut'il ts'ahc ta swa'elic soc ta sq'uexamic.

Éxodo 15:8

C'alal la ahu'xiy, la stsob sba te ha'e, te ha' te behen la stsob sba; te sc'ubulil te ha' tulanub ta yohlil mar.

Josué 4:22

hich me xawalbeyic: Te Israel taquin a sohlic ta Jordán,

Josué 5:1

Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Josué 12:3

Soc la scuentahin te Arabá ta stojol banti ya xloc' tal c'ahc'al, c'alal ta mar yu'un Cineret ha to ta mar yu'un te Arabá, ha te Mar Salado, ta stojol banti ya xloc' tal c'ahc'al, soc ta sbehlal Bet-jesimot c'alal ta stojol sur ta ye'tal wits Pisga.

Josué 16:7

Ta Janoa ya xco bahel ta Atarot soc ta Naarat, ya sta Jericó soc ya xc'oht ta loq'uel ta muc'ul-ha' Jordán.

Jueces 7:22

C'alal yacalic ta yoq'uesinel xulubiletic a te ho'lajunwinic (300) ta tuhl winiquetic, te Jehová la yac'ticlambe smil sbahic ta spisil te campamento. Soc te soldadohetic loq'uic bahel ta ahnel c'alal ta Bet-sita, ta stojol Zerera, ha to ta sti'il sq'uinal Abel-mehola ta nopol Tabat.

Salmos 78:13

La sjam te mar soc la yac' c'axuquic bahel tey a; la yac' te ya stehc'an sba te ha' hich te bin ut'il ts'ahc.