Josué 3:10 - Bible in Tzeltal Bachajón

¹⁰ Soc hich la yal xan te Josué: Hich me yac ana'ic a te ay ta awohlilic te cuxul Dios soc te ya stenticlan loq'uel ta atojolic te cananeo, heteo, heveo, ferezeo, gergeseo, amorreo soc te jebuseohetic.

Bible in Tzeltal de Oxchuc y Tenejapa

¹⁰ Ja' laj me seña te ay ta coliltic te cuxul Diose. Ja' te bit'il c'alal ya xc'axotic baele, ya laj me xjajch' sticunbotic loq'uel te cananeoetic, hititaetic, heveoetic, ferezeoetic, gergeseoetic, amorreoetic soc te jebuseoetique.

Josué 3:10 Referans Kwoze

Deuteronomio 7:1

Te c'alal la yic'atix ochel a te Jehová te Dios awu'un ta q'uinal te yac awu'untay, soc te c'alal la stenticlan loq'uel ta atojol tsobol nacionetic, ha te heteo, gergeseo, amorreo, cananeo, ferezeo, heveo soc te jebuseo, huqueb nacionetic te c'ax bayelic soc c'ax hich yipic a te bin ut'il ha'ate,

Éxodo 33:2

Ya jticon bahel ta atojol ch'ul a'bat, soc ya jtenticlan loq'uel te cananeo, amorreo, heteo, ferezeo, heveo soc te jebuseo.

Hebreos 10:31

¡Xiweltic sba teme ay mach'a ya x'ipaj ta sc'ab te cuxul Diose!

1 Samuel 17:26

Ha yu'un te David la sjoc'obe te mach'atic ayic ta sts'ehl: ¿Bin ya spasbeyic te winic te ya stsal te filisteo ini, te hich ya xlaj sc'oblal a te labanel yu'un Israel? ¿Mach'a ya scuy sba a te filisteo te ma ba yich'oj circuncisión yu'un ya stijbe hahchel yo'tanic te soldadohetic yu'un te cuxul Dios? xchi.

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

2 Reyes 19:4

Ya wan ya'iy Jehová te Dios awu'un spisil bintic la yal te jtsobaw soldadohetic te ticombil tal yu'un te ajwalil yu'un Asiria ta sbohlc'optayel te cuxul Dios; te yacuc ya'be castigo yu'un te bintic la yal la ya'iy te Jehová te Dios awu'une. Ha yu'un c'opombeya Dios yu'un te mach'atic cuxul hilemic, xchihic.

Josué 22:31

Te Finees snich'an sacerdote Eleazar, hich la yalbe te sts'umbal Rubén, Gad, soc te j'ohlil sts'umbal Manasés: Yo'tic c'ohtix ta co'tancotic te ay ta cohliltic te Jehová, yu'un ma hichuc nopbil awu'unic spasel te bin chopol ta stojol Jehová. Hich la acoltayiquix ta sc'ab Jehová te snich'nab Israel, xchi.

Deuteronomio 31:17

Ha yorahil a te ya xtihl hahchel sc'ahc'al co'tan ta stojolic; ya me jch'ayic ta co'tan, ya jnac' jsit ta stojolic, hich me ya xlajic. Ya me xtal bayel swocolic soc mel-o'tan ta stojolic, ha me yorahil a te hich ya yalic: ¿Ma bal ha'uc yacon ta wocol yu'un te ma ba sjoquinejonix te Dios cu'un? xchihic.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

1 Tesalonicenses 1:9

Ha'ic nix ya yalic bin ut'il la awic'otcotic ta atojolic, soc bin ut'il la awihquitayic hilel te loc'ombahetic yu'un yac awac' abahic ta a'batinel yu'un te Dios te cuxul soc te melel ay,

Oseas 1:10

Aunque hich ay, te israeletic hich ya xc'ohtic te bin ut'il shi'al mar, te ma xhu' ta p'isel o ta ahtayel. Ta banti hich ya xhalbotic: Ma puelohuquex cu'un, te xchihe, hich ya xhalbotic: Yal-snich'anex te cuxul Dios, xchi sc'oblalic.

Salmos 9:16

Te Jehová la yac' sba ta na'el ta scuenta te stojil chahpanwanej te la spas; te mach'a chopol ha nix chucot yu'un te ya'tel sc'ab. Higaión. Selah

Deuteronomio 5:26

Como ¿mach'a a te ya ya'iybe sc'op te cuxul Dios te ya xc'opoj ta yohlil c'ahc', hich te bin ut'il la jca'iytiquix te ho'otic, te ya to xcuxaj xane?

San Mateo 16:16

Ha la sjac' te Simón Pedro: Ha'at te Cristohat, te Snich'anat te cuxul Dios, xchi stuquel.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

1 Reyes 22:28

La yal te Micaías: Teme lamal q'uinal ya suhtat tal, yu'unix ma ba la sc'oponon a te Jehová, xchi.

Josué 21:45

Mayuc jp'ahluc c'op te yaloj Jehová ta stojol Israel te ma ba c'oht ta pasel; spisil c'oht ta pasel.

Éxodo 17:7

La ya'be sbihilin Masah soc Meriba te lugar, yu'un tey la yut sbahic a te snich'nab Israel soc la yilbeyic yo'tan te Jehová c'alal la yalic: ¿Ay bal ta cohliltic te Jehová, o ma'uc? te xchihique.

San Juan 6:69

Jch'uhunejcotic soc jna'ojcotic te ha'at te Mach'a Ch'ultesbil yu'un Dios, xchi.

Deuteronomio 7:21

Ma me xlaj awip yu'un xiwel ta stojolic, como ay ta awohlil te Jehová te Dios awu'une; ha Dios te mero muc' soc te ay ta xi'el.

Josué 3:9

Te Josué hich la yalbe te snich'nab Israel: Nohpojanic tal, a'iya awa'iyic te bin ya yal te Jehová te Dios awu'unic, xchi.

Josué 9:1

Te c'alal la ya'iyic te bintic c'ohtix ta pasel spisil te ajwaliletic te ayic ta stojol smahlib c'ahc'al yu'un te muc'ul-ha' Jordán, ha te ayic ta witsiltic soc ta spamlejtic soc ta spisil sti'il te Muc'ul Mar c'alal ta Líbano, ha te heteo, amorreo, cananeo, ferezeo, heveo soc te jebuseohetic,

1 Samuel 26:6

Ha yu'un te David hich la yalbe te Ahimelec te heteo-winic soc te Abisai te yal Sarvia, sbanquil Joab: ¿Mach'a ya xcohon bahel soc ta campamento yu'un Saúl? xchi. Ho'on ya joquinat cohel, xchi te Abisai.

Salmos 42:2

Ay taquinti'il ya ya'iy te jch'uhlel ta stojol Dios, ha te cuxul Diose. ¿Bin ora ya xtal jtehc'an jba ta stojol te Diose?

Génesis 15:21

amorreo, cananeo, gergeseo soc te jebuseohetique, xchi.

Números 13:29

Te amalequetic nahinemic ta sq'uinal Neguev; te heteo, jebuseo soc amorreo nahinemic ta witsiltic; te cananeo nahinemic ta ti'mar soc ta ti'ti' muc'ul-ha' Jordán, xchihic hulel.

Josué 11:3

te cananeohetic te ayic ta stojol banti ya xloc' tal c'ahc'al soc ta stojol smahlib c'ahc'al, te amorreo, heteo, ferezeo, soc jebuseohetic te ayic ta witsiltic, soc te heveohetic ta ye'tal wits Hermón ta sq'uinal Mizpa.

Josué 12:8

ta witsiltic, spamlejetic, ta Arabá, ta cohel q'uinal bahel, ta jochol taquin q'uinal soc ta Neguev, te banti nahinic te heteo, amorreo, cananeo, ferezeo, heveo soc te jebuseohetic:

Josué 24:11

Sohlex bahel ta muc'ul-ha' Jordán, c'ohex ta Jericó. Te mach'atic nahinemic ta Jericó la ya'beyex guerra, soc nix te amorreo, ferezeo, cananeo, heteo, gergeseo, heveo soc te jebuseo; ho'on la jca'beyex ta ac'abic spisilic.

1 Crónicas 1:14

Te sts'umbal Canaán ha te jebuseohetic, amorreo, gergeseo,