Josué 23:6 - Bible in Tzeltal Bachajón

⁶ Ayuc me yip awo'tanic ta scanantayel soc spasel spisil bin ts'ihbabil ta hun yu'un te mandariletic yu'un Moisés, ma me xhowiyex bahel ta stojolic ta q'uexam o ta wa'el,

Bible in Tzeltal de Oxchuc y Tenejapa

⁶ “Pasaic me tulan ta xch'uunel spisil te bila ya yal te mandaliletic ta libro yu'un Moisés. C'otesaic ta pasel te bila ya yal te ts'ibubile.

Josué 23:6 Referans Kwoze

Deuteronomio 28:14

soc teme ma ba yac awihquitay spasel ta wa'el o ta q'uexam spisil te bin yac jpasbelat ta mandar ta ora ini, yu'un yac at'un bahel yantic diosetic soc yac awac' aba ta a'batinel yu'unique.

Deuteronomio 5:32

Ila me awilic hiche te yac apasic hich te bin ut'il la spasex ta mandar te Jehová te Dios awu'unique, ma me xhowiyex ta wa'el o ta q'uexam.

Hebreos 12:4

como ma to ayuc amaloj ach'ich'elic yu'un scontrahinel te mulile.

Deuteronomio 17:20

Hich ma ba ya scuy sba a te ha toyol yu'un te slumal, soc ma ba ya xhowiy bahel ta wa'el o ta q'uexam ta stojol te mandariletic ini; scuenta yu'un te ajwalil soc te snich'nab ya yaq'uic te bayel c'ahc'al ya xhalaj te cuentahinel yu'unic ta Israel.

Deuteronomio 12:32

Tsahtaya me ta spasel spisil bintic ya jpasat ta mandar; ma me xawa'be xan smohlol soc ma me ayuc bin yac aloq'uesbe.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

1 Corintios 16:13

Wihc'a me asitic, ayuc me yip sch'uhunel awo'tanic, pasahic me lec winiquil, ac'ahic me fuersa.

Jeremías 9:3

Chapal yu'unic yalel lot hich te bin ut'il t'ihmalte'; ha ya ya'iy tsalaw te lot ta q'uinal, ma ha'uc te smelelile; yac ta p'ohlel yu'unic te bin chopole. Ma sna'bonic jba, xchi te Jehová.

Salmos 101:3

Ma ba ya cac' ta stojol jsit te bin chopol. Ya quihlaybe ya'tel te mach'atic ya xhowiyic bahel; ma xcac' ya xnohpojic ta jtojol.

Salmos 119:102

Ma ba la jquihquitay te bintic chahpambil awu'un, como ha'at nix la anohpteson.

1 Reyes 2:3

Ch'uhuna te mandariletic yu'un Jehová te Dios awu'un, behenan ta behetic yu'un, pasa te chahpambil mandariletic soc te mandariletic, te bintic yaloj ta mandar soc te testigo c'op yu'un, hich te bin ut'il ts'ihbabil ta mandariletic yu'un Moisés, scuenta yu'un lec ya xc'oht spisil bintic yac apas soc ta bayuc ya xbahat.