Josué 23:12 - Bible in Tzeltal Bachajón

¹² Como teme ya suhtex bahel ta apatic, teme jun ya xc'ohex soc te nacionetic te hilemic ta awohlilic, teme ya xnuhpunex soc, teme yac acap abahic soque,

Bible in Tzeltal de Oxchuc y Tenejapa

^12-13 Ya me jc'an te ya ana'ic in to: Teme ya awijq'uitay ta awo'tanic te Diose, soc teme ya acap abaic soc te ants-winiquetic te jilem ta awolilic, soc teme ay ya xnujbinex soque, te Cajwaltic te Dios cu'untic ma ba ya sloq'uesbeyex ta awolilic. Jich me ya xtuun ta atojolic te bit'il ya syaquex ta lazo soc te bit'il pejts', swenta yu'un tey ya x'ochex a te ja'exe. Jich me ya xc'ot te bit'il smajibal apatic, soc jich bit'il ch'ix ya x'och ta asitic, ja' to me ni jtuluc ya xjilex li'to ta q'uinal te mero lec, te la yac'beyex te Cajwaltic te Dios cu'untique.

Josué 23:12 Referans Kwoze

Deuteronomio 7:3

Ma me xnuhpunat soc, ma me xawa'be yic'bat awantsil-nich'nab te squerem-nich'nabic soc ma me xawa'be yic'bat aquerem-nich'nab te yantsil-nich'nabic,

Sofonías 1:6

te mach'atic ya yihquitayic st'unel te Jehová, te mach'atic ma ba ya slehic te Jehová o te ya sjoc'oyic.

Ezequiel 18:24

Pero te mach'a toj yo'tan teme ya yihquitay hilel te bin stojil ya spas, teme ya spas te bin chopol soc ya spas te bintic ilobtic sba te ya spas te mach'a chopol yo'tane, ¿ya bal xcuxaj? ¡Mayuc junuc te bintic stojil spasoj te ya x'ich'bot ta cuenta! Ta scaj te ma junuc yo'tan, ta scaj te mulil spasoj, ya me xlaj yu'un.

1 Juan 2:9

Te mach'a ya yal te ay ta sacal q'uinal pero teme ya sp'aj te yermano, ay to ta yihc'al q'uinal abi.

Romanos 12:9

Ma me babac'opuc te sc'uxul awo'tanic. Ihlayahic te bin chopol, t'una me te bin leque.

San Juan 6:66

Tey yorahil a tsobol te jnopojeletic yu'un suht ta spatic, ma ba la sjoquiniquix ta behel.

San Mateo 12:45

Ha yu'un ya xbaht yic' talel huqueb xan chopol espírituhetic te c'ax hich schopolilic a, ya x'ochic soc tey ya xnahinic a; c'ax hich chopol ya xc'oht a te winic te bin ut'il ay ta nahil to. Ha nix hich ya xc'oht te jcaj ts'umbalil ini, xchi te Jesús.

Isaías 1:4

¡Obol aba, jmulawil nación, ha pueblo te bayel smul, ha jcaj ts'umbalil yu'un mach'atic chopol ya'telic, bohl al-nich'anex! ¡La yihquitayic te Jehová, la sp'ajic te Ch'ul Dios yu'un Israel, suht ta spatic ta stojol!

Salmos 125:5

Yan te mach'atic ya st'unic bahel te chopol be, te Jehová pajal me ya sloq'ues soc te mach'atic chopol ya'telique. ¡Ac'a lahmajuc q'uinal ta stojol Israel! C'ayoj yu'un mohel bahel ta Jerusalén.

Salmos 36:3

Te c'opetic ya xloc' ta ye ha chopol c'op soc lo'loywanej; hilix yu'un te sp'ijil soc spasel te bin leque.

1 Reyes 11:4

Te c'alal mamalix a te Salomón, te antsetic yu'un la showiytesbeyic yo'tan ta stojol yantic diosetic, ma spisiluc yo'tan la yac' sba ta stojol te Jehová te Dios yu'un, ma hichuc te bin ut'il yo'tan te David te state.

1 Reyes 11:2

ha te hich halbot sc'oblalic yu'un Jehová te snich'nab Israel: Ma me xawic' abahic soc, como ya me yaq'uic te ya xhahch ach'uhuntayic te diosetic yu'unic, te xchihe. Pero te Salomón ha c'ux la ya'iy ta yo'tan.

Génesis 34:3

Pero jun sch'uhlel la ya'iy sba soc te Dina te yantsil-nich'an Jacob, bayel la smulan te ach'ix, soc la yutsil c'opon.

Génesis 2:24

Ha scuentahil te winic ya yihquitay hilel te stat soc snan, ya yic' sba soc te yihnam, junax ya xc'oht schebalic.

Deuteronomio 7:4

como ya me yac' te ya yihquitayon hilel te aquerem-nich'an, te ya sch'uhuntay yantic diosetic. Hich ya xtihl hahchel yilimba ta atojolic te Jehová, jts'ihn nax me ya slajinex.

Josué 23:11

Tsahtayahic ta canantayel hiche te acuxlejalic, yu'un c'uxuc me yac awa'iy ta awo'tanic te Jehová te Dios awu'unique.

Jueces 3:6

La yic'beyic te yantsil-nich'nabic soc la ya'be yic' yantsil-nich'nabic te queremetic yu'unic, soc la yac' sbahic ta a'batinel yu'un te diosetic yu'unique.

Deuteronomio 6:15

como te Jehová te Dios awu'un ay ta awohlil soc ha xut'et yo'tan; scuenta yu'un ma ba ya yilintayat a te Jehová te Dios awu'un, te jc'axel ya slajinat ta q'uinal.

Jueces 14:3

Pero halbot yu'un te sme'state: ¿Yu'un bal mayuc ach'ix yu'un awermanotac o ta spisil te jlumaltic, te ya xbaht awic' awihnamin yantsilel te filisteohetic te ma ba yich'ojic circuncisión? xchi. Te Sansón la sjac'be sc'op te stat: C'ambon te ach'ix, yu'un ya jmulan, xchi.