Josué 23:11 - Bible in Tzeltal Bachajón

¹¹ Tsahtayahic ta canantayel hiche te acuxlejalic, yu'un c'uxuc me yac awa'iy ta awo'tanic te Jehová te Dios awu'unique.

Bible in Tzeltal de Oxchuc y Tenejapa

¹¹ Tsajtayaic me jiche, c'ux me x'awaiy ta awo'tanic te Cajwaltic te Dios cu'untique.

Josué 23:11 Referans Kwoze

Josué 22:5

Ha nax ac'a c'ohtuc ta pasel awu'unic te mandariletic te la spasex ta mandar Moisés te a'bat yu'un Jehová: ha te c'uxuc me xawa'iy ta awo'tanic te Jehová te Dios awu'unic, te yacuc xbehenex ta spisil te behetic yu'un, te yacuc ach'uhunic te mandariletic yu'un, yacuc at'unic bahel soc yacuc awac' abahic ta a'batinel ta stojol ta spisil awo'tanic soc spisil ach'uhlelic, xchi.

Romanos 8:28

Soc jna'ojtic te lec ya xc'oht ta loq'uel spisil bintic ya xc'oht ta stojol te mach'atic c'ux ta yo'tan Dios, ha te mach'atic ic'bilic yu'un Dios hich te bin ut'il chapal yu'une.

Proverbios 4:23

Ta spisil, canantaya awo'tan, como tey ya xtal a te acuxlejale.

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.

1 Corintios 16:22

Te mach'a ma ba c'ux ya ya'iy ta yo'tan te Cajwaltic Jesucristo, ihlaybil me ac'a c'ohtuc. Talelix te Cajwaltique.

1 Corintios 8:3

Yan te mach'a c'ux ya ya'iy ta yo'tan te Diose, na'bibil sba yu'un stuquel.

Éxodo 20:6

pero ya jc'uxultay bayel ta mil te mach'atic c'uxon ta yo'tanic soc te ya sch'uhunic spasel te mandariletic cu'une.

Efesios 5:15

Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

San Lucas 21:34

Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,

Deuteronomio 4:9

Ha yu'un canantaya me aba soc tsahtaya me aba ta lec, scuenta yu'un ma ba ya xch'ay ta awo'tan te bintic awiloj soc ma ba ya xch'ay ta ajolic te jayeb c'ahc'al cuxulex; a'beya sna' te awal-anich'anic soc te amamataque.

Deuteronomio 4:15

Ha yu'un canantaya me abahic ta lec; mayuc bin la awilic te c'alal la sc'oponex ta Horeb ta yohlil c'ahc' te Jehová,

Josué 23:10

Jtuhl nax winic awu'unic ya yac' te ya xloc' ta ahnel jmil ta tuhl, como ha te Jehová te Dios awu'unic te ya yac' guerra ta acuentahic, hich te bin ut'il la yalbeyexe.

Josué 23:12

Como teme ya suhtex bahel ta apatic, teme jun ya xc'ohex soc te nacionetic te hilemic ta awohlilic, teme ya xnuhpunex soc, teme yac acap abahic soque,

Deuteronomio 30:16

yu'un ya jpasat ta mandar yo'tic te c'ux me xawa'iy ta awo'tan te Jehová te Dios awu'un, te yacuc xbehenat ta behetic yu'un, te yacuc ach'uhun spasel te mandariletic, te bin chapal yu'un soc te bin halbil ta mandar, scuenta yu'un ya xcuxajat soc ya xp'ohlat, hich te Jehová te Dios awu'un ya ya'bat bendición tey ta q'uinal banti ya x'ochat yu'un yac awu'untay.

Deuteronomio 30:20

te c'ux yac awa'iy ta awo'tan te Jehová te Dios awu'un, te yac awich'be ta muc' sc'op soc te yac at'un bahel, como ha cuxlejal awu'un te Jehová soc ya yac' te hal c'ahc'al ya xcuxajat, scuenta yu'un ya xnahinat tey ta q'uinal te jc'axel la yal ta jamal te Jehová ta stojol te atatic Abraham, Isaac soc Jacob te ya ya'be, xchi te Moisés.