Josué 23:1 - Bible in Tzeltal Bachajón

¹ Bayel c'ahc'al ta patil, te c'alal a'botix scux yo'tanic yu'un Jehová te snich'nab Israel yu'un te scontrahic ta sjoyobal, soc mamalix te Josué, ayix bayel ya'bilal a,

Bible in Tzeltal de Oxchuc y Tenejapa

¹ Bayal xan c'aal ta patil te ac'botix lamajuc q'uinal ta stojolic te israeletic yu'un te Cajwaltique, te Josué mamalix a.

Josué 23:1 Referans Kwoze

Josué 13:1

Mamalix a te Josué, ayix bayel ya'bilal a te c'alal hich halbot yu'un Jehová: Mamalatix, bayelix awa'bilal, ay to bayel q'uinal quechel hilel ta u'untayel.

Josué 21:44

Te Jehová la ya'be scux yo'tanic ta sjoyobalic, hich te bin ut'il la yalbe ta jamal te sme'statique. Mayuc junuc te scontrahic te tsalotic yu'un, como te Jehová la yac'ticlambe ta sc'abic spisil te scontrahique.

Josué 11:23

Hich te Josué la yu'untay spisil te q'uinal, hich te bin ut'il pasot ta mandar yu'un Jehová te Moisés; la yac'ticlambe yich'ic te q'uinal te snich'nab Israel, chican jayeb ya yich'ic te jujuchahp. Hich la scux yo'tan yu'un guerra te q'uinale.

Salmos 46:9

Jc'axel ya yac' quehchajuc guerrahetic c'alal ta sti'il bahlumilal; ya swac' te t'ihmalte' soc te lanza, soc ya schic' ta c'ahc' te carretahetic yu'un guerra.

Josué 22:4

Ta ora ini, te Jehová te Dios awu'unic la ya'be scux yo'tanic te awermanotac hich te bin ut'il yaloj, ha yu'un suhtanic bahel ta anahilpaq'uic, ta q'uinal te la ya'beyex ta jehch ha' Jordán te Moisés te a'bat yu'un Jehová.

Deuteronomio 31:2

hich la yalbe: Ayix wacwinic (120) ca'bilal, ma xhu'ix cu'un te ya xloc'on bahel soc te ya x'ochon talel. Soc hich la yalbonix te Jehová: Ma ba ya sohlat bahel ta muc'ul-ha' Jordán ini, xchi.

Génesis 25:8

Quehchaj yich'bel ic', cham te Abraham, mamalubenix ta lec, bayelix ya'bilal a; la sjoquin ta muquenal te sme'state.

Isaías 63:14

Te espíritu yu'un Jehová la ya'be scux yo'tanic, hich te bin ut'il wacaxetic te ya xcohic bahel ta spamlej. Hich la atojobtes bahel te pueblo awu'un yu'un yac awac' te ay yutsil te abihile.

1 Samuel 12:2

Li' ayix te ajwalil te ya xnahilij bahel awu'unic. Te ho'one mamalonix, saquix jol; te jnich'nab ay ta awohlilic. Behenon ta awohlilic ta jqueremil c'alal ora ini.

1 Reyes 1:1

Te c'alal bayelix ya'bilal soc mamalix a te ajwalil David, la smuquic ta pac' pero ma ba q'uixnaj.

1 Crónicas 23:25

Como yalojix te David: Te Jehová, te Dios yu'un Israel, yac'oj lamal q'uinal ta stojol Israel te pueblo yu'un, soc ha ya xnahin ta Jerusalén sbahtel q'uinal,

1 Crónicas 27:1

Hich ay te príncipaletic yu'un te snich'nab Israel, ha jtsobawetic yu'un jujuchahp snahic, jtsobawetic yu'un lajlajunwinic yoxbahc' (1,000) soc ho'ho'winic (100), soc te mach'atic yac ta a'tel ta stojol te ajwalil ta spasel spisil bintic ya sc'an ta stojol jujuchahp soldadohetic te ya sjel sbahic ta jujun u ta sjunal ha'bil. Te jujuchahp soldadohetic ha oxoxpic (24,000) ta tuhl.

2 Crónicas 14:1

Cham te Abiam, la yich' muquel ta Pueblo yu'un David. Ha och ta sjelol ta ajwalil te Asa te snich'ane; ha yorahil te lamal q'uinal lajuneb ha'bil.

2 Crónicas 14:5

Soc la sloq'ueslan ta spisil te pueblohetic yu'un Judá te toyol awilaletic soc te scajtajib ta chiq'uel pom. Lamal q'uinal ban c'alal scuentahinej te jayeb c'ahc'al ay ta ajwalil.

2 Crónicas 20:30

Ay lamal q'uinal ban c'alal smacoj ta ajwalil te Josafat, como te Dios yu'un la ya'be lahmajuc q'uinal ta bayuc.