Josué 21:2 - Bible in Tzeltal Bachajón

² te ayic ta Silo ta sq'uinal Canaán, hich la yalbeyic: Te Jehová la spas ta mandar ta scuenta Moisés te ya quich'cotic pueblohetic banti ya xnahinotcotic, soc te aquiltic yu'un te chambahlametic cu'uncotique, xchihic.

Josué 21:2 Referans Kwoze

Josué 18:1

Spisil te pueblo yu'un te snich'nab Israel la stsob sbahic ta Silo, la schahpanic tey a te Nahilpac' Templo yu'un tahojibal. U'untaybilix spisil a te q'uinal,

Gálatas 6:6

Te mach'a ya yich' p'ijubtesel ta scuenta te sc'op Dios, pajal ac'a yich' spisil bintic lec soc te mach'a yac ta p'ijubtesel yu'une.

San Mateo 10:10

ma me xawich' achojaq'uic ta behel, o cha'lihc ac'u'ic, yan atepic, o yan anahbate'ic, como te j'a'tele tey nix ya xhu' ya sta swe'el a.

Levítico 25:32

Pero te pueblohetic yu'un te levitahetic biluc ora ya xhu' ya smanic xan te nahnatic ayic ta yutil te pueblohetic yu'unique.

Josué 14:5

Hich te bin ut'il pasot ta mandar yu'un Jehová te Moisés, hich la spasic te snich'nab Israel ta spucticlanel te q'uinale.

Josué 21:3

Ha yu'un te snich'nab Israel la ya'beyic te levitahetic te pueblohetic soc aquiltic yu'unic, hich te bin ut'il yaloj mandar te Jehová.