Josué 20:9 - Bible in Tzeltal Bachajón

⁹ Ha te pueblohetic tsahbilic te ya xtuhun yu'un spisil te snich'nab Israel soc te jyanlum winiquetic te ya xnahinic ta yohlilic, scuenta yu'un tey ya xhu' ya xbaht ta ahnel mach'ayuc a te ma yolojuc a ya smil yan, scuenta yu'un ma ba ya xmilot yu'un te mach'a ya c'an ya'be spacol te ch'ich'e, ha to c'alal ya stehc'an sba ta stojol te tsoblej.

Bible in Tzeltal de Oxchuc y Tenejapa

⁹ Ja' anjibal lumetic te la stsaic ta swenta spisil israeletic soc jyanlum winiquetic te ainemic ta yolilique. Tey ya xju' ya snac' sba a, mach'auc teme ay la yaiy milaw te ma snopojuc ta yo'tan, swenta yu'un te xchapomal te mach'a laj ta milele, ma xju' ya xba yich'bey spacol ta milel teme ma neeluc ya yich' ta c'op te lume.

Josué 20:9 Referans Kwoze

Números 35:15

Te waqueb pueblohetic ha ahnibaletic yu'un te snich'nab Israel, te jyanlumetic soc yantic te nahinemic ta yohlilic, scuenta yu'un ya xhu' ya x'ahn bahel tey a te mach'a ma yolojuc a ya ya'iy milaw.

Josué 20:6

Ya xhil ta pueblo ha to c'alal ya stehc'an sba ta ich'el ta c'op ta stojol te tsoblej soc ha to c'alal ya xcham te mach'a ay ta muc'ul sacerdotehil a; ha to ya xhu' ya suht bahel a te jmilaw ta sna soc ta pueblo yu'un, ha te pueblo banti loc' tal ta ahnel, xchi.

Josué 20:4

Te mach'a ya xbaht ta ahnel ta bayuc ahnibal pueblo, ya stehc'an sba ta yochibal te pueblo, ya yalbe ya'iyic te mamaletic yu'un te pueblo bin yu'un te taleme; ha ya yiq'uic ochel ta pueblo soc ya ya'beyic banti ya xhu' ya xnahin tey a.

Números 35:13

Ta banti te pueblohetic te yac awa'beyic te levitahetic, waqueb ya xc'oht scuenta ahnibal:

Josué 20:8

Ta jehch ha' Jordán, ta stojol banti ya xloc' tal c'ahc'al yu'un Jericó, la stsahic te Beser te ay ta jochol taquin q'uinal, ta spamlej yu'un te jchahp yu'un Rubén; te Ramot te ay ta Galaad yu'un te jchahp yu'un Gad; soc te Golán te ay ta Basán yu'un te jchahp yu'un Manasés.