Josué 18:16 - Bible in Tzeltal Bachajón

¹⁶ tey co bahel c'alal ta ye'tal wits te ay ta stojol te sjuclej yu'un Ben-hinom, te ay ta norte ta jucul q'uinal yu'un Refaim; co bahel ta sjuclej yu'un Hinom, ta stojol sur yu'un jebuseo, tey co bahel ta sloq'uib-ha' yu'un Rogel.

Bible in Tzeltal de Oxchuc y Tenejapa

¹⁶ Co bael c'alal ta slajibal wits te ay ta stojol stenlej xatal q'uinal Ben-hinom, te ay ta norte yu'un stenlej xatal q'uinal yu'un Refaim. Bajt', co bael ta stenlej xatal q'uinal Hinom, c'ax bael ta stojol sur yu'un wits te banti ay Jebús, bajt' xan c'alal ta sloq'uibja' yu'un En-rogel.

Josué 18:16 Referans Kwoze

2 Reyes 23:10

Soc la sbohlobtesbe sc'oblal te Tofet te ay ta sjuclej yu'un Ben-hinom, scuenta yu'un mayuquix mach'a ya schic' te squerem o yantsil-nich'an ta stojol te Moloc.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Jeremías 32:35

La spasbeyic toyol awilaletic yu'un Baal ta sjuclej yu'un Ben-hinom, yu'un ya yaq'uic scuenta chic'bil mahtaniletic te queremetic soc ach'ixetic yu'unic ta stojol Moloc, ha te bin ma ba la jpas ta mandar. ¡Mayuc banti tal ta co'tan te hich ya spasic te bin c'ax ilobtic sba, te hich ya ya'be sta smul a te Judá!

Jeremías 19:11

soc hich me xawalbe: Hich yaloj te Jehová te scuentahinej spisil: Ya jwuy te nación soc te pueblo ini, hich te bin ut'il mach'a ya swuy q'uib te pasbil ta ahch'al, te ma xhu' ya scha'pas xane. Ya me xmucotic ta Tofet, yu'un mayuc yan lugar banti ya yich'ic muquel.

Jeremías 19:6

Ha yu'un ya me sta yorahil, xchi te Jehová, te ma ba ya xhalotix sbihil Tofet te lugar ini, o sjuclej yu'un Ben-hinom, pero ha sjuclej yu'un Milaw.

Jeremías 19:2

bahan ta sjuclej yu'un Ben-hinom te ay ta Yochibal Xeht'elul Q'uibetic; tey yac awal a te c'op ya calbate.

2 Crónicas 33:6

La yac' c'axuc ta c'ahc' te snich'nab ta sjuclej Ben-hinom, la spasbe ya'tel j'ilojel, jna'ojel soc jpas señahiletic, soc la sjoc'obe te mach'a ya sc'opon ch'uhlelaletic soc bohl espirituhetic. C'ax bayel chopol bintic la spas ta stojol Jehová, ha to c'alal la shachbe yilimba.

2 Crónicas 28:3

La schic' pom ta sjuclej yu'un Ben-hinom soc la schic' te snich'nab, hich te bin ut'il te ihlaybil ya'telic te yantic nacionetic te tenotic loq'uel yu'un Jehová ta stojol te snich'nab Israel.

1 Crónicas 14:9

Talic te filisteohetic, la spuc sbahic ta spamlej yu'un Refaim.

1 Reyes 1:9

Te Adonías la smil tuminchijetic, wacaxetic soc juhp'en jcolel wacaxetic ta muc'ul ton yu'un Zohelet ta nopol En Rogel. La yic' tal spisil te yihts'inab, ha te snich'nab te ajwalil, soc spisil te winiquetic yu'un Judá, ha te a'batetic yu'un te ajwalil.

2 Samuel 17:17

Te Jonatán soc te Ahimaas ayic ta En-rogel. Ay jtuhl criada c'oht ta halbeyel yu'un, como ma xhu' ya yac' sbahic ta ilel te ya x'ochic bahel ta pueblo. Hich baht yalbeyic te ajwalil David.

Jueces 19:10

Pero te winic ma ba la sc'anix te ya xc'ax ahc'abal yu'un tey a; hich loc' bahel, c'oht ta nopol Jebús, ha te Jerusalén, soc schebal sburro te ay smonturahic soc te ants yu'une.

Jueces 1:21

Yan te sts'umbal Benjamín ma ba la sloq'uesic te jebuseohetic te nahinemic ta Jerusalén; hich te jebuseohetic nahinemic ta Jerusalén soc te sts'umbal Benjamín c'alal ora.

Jueces 1:8

Te winiquetic yu'un Judá la ya'beyic guerra te Jerusalén, la yich'ic, la ya'beyic espada te mach'atic nahinemic tey a soc la schiq'uic te pueblohe.

Josué 18:28

Zela, Elef, Jebús (ha te Jerusalén), Gabaa soc Quiriat; chanlajuneb (14) pueblohetic soc te tut pueblohetic yu'unique. Ha te q'uinal te c'oht ta scuenta te sts'umbal Benjamín, ha chican te jaychahp ayique.

Josué 15:63

Pero te snich'nab Judá ma ba hu' yu'unic sloq'uesel te jebuseohetic te nahinemic ta Jerusalén. Ha yu'un nahinemic ta Jerusalén soc te snich'nab Judá c'alal ora.

2 Samuel 5:18

Talic te filisteohetic, la spuc sbahic ta spamlej yu'un Refaim.