Josué 18:12 - Bible in Tzeltal Bachajón

¹² Te smojonil ta stojol norte hahch bahel ta Jordán, mo bahel ta norte yu'un Jericó; mo xan bahel ta witsiltic ta stojol banti ya xmahl c'ahc'al, c'oht ta loq'uel ta jochol taquin q'uinal yu'un Bet-avén.

Bible in Tzeltal de Oxchuc y Tenejapa

¹² Te smojonil te q'uinal jajch' tel ta stojol norte ta muc'ja' Jordán, toj bajt' ta stojol norte yu'un Jericó. Bajt' xan ta witstiquil ta stojol smalib c'aal, loc' ta jochol taquin q'uinal yu'un Bet-avén.

Josué 18:12 Referans Kwoze

Josué 16:1

Te ban c'oht ta scuenta te sts'umbal José ta scuenta spasbeyel seña ta na'el, ya xhahch bahel ta muc'ul-ha' Jordán ta nopol Jericó, ta stojol banti ya xloc' tal c'ahc'al yu'un te ha'etic yu'un Jericó, tey ya xc'ax bahel ta jochol taquin q'uinal, ya xmo bahel ta witsiltic c'alal ta Bet-el.

Josué 7:2

Patil te Josué la sticon hahchel winiquetic ta Jericó, bahtic ta Hai te nopol yiloj sba soc te Bet-avén, ta stojol sloq'uib c'ahc'al yu'un Bet-el, hich la yalbe: Mohanic bahel ta stsahtayel te q'uinale, xchi. Hich bahtic ta stsahtayel tal te Hai.

Oseas 10:5

Te mach'atic nahinemic ta Samaria ya xiwic ta scaj te jcolel toro ta Bet-avén. Ya x'oc' te pueblo ta scaj te jcolel toro, ha nix hich te sacerdotehetic te tse'el yo'tanic yu'un te yutsilal, te ya xch'ay bahele.

Oseas 5:8

¡Oq'uesinahic te xulubil ta Gabaa, te corneta ta Ramá! ¡Ac'ahic ta a'iyel aw ta Bet-avén! ¡Wic'a asit, Benjamín!

Oseas 4:15

Teme yac awa'iy antsiwej, ha'at Israel, manchuc me ya sle smul te Judá. ¡Ma me xbahex ta Gilgal, ma me xmohex bahel ta Bet-avén, ma me hichuc xawalic ta jamal: Yiloj Jehová, ma xchihuquex!

Josué 6:1

Te Jericó buen macal ta scaj te la xi'ic te snich'nab Israel, mayuc mach'a ya x'och bahel o ya xloc' talel.

Josué 3:16

quehchaj te ha' te ya x'oquin tal ta ahc'ol, namal to la stsob hilel sba ta pueblo Adam nopol ta Saretán, yan te yoc te ya x'oquin bahel ta mar yu'un Arabá, ha te Mar Salado, taquij bahel. Hich sohlic bahel te pueblo ta stojol Jericó.

Josué 2:1

Te Josué snich'an Nun muquen la sticon hahchel ta Sitim cheb jtsahtaywanejetic, hich la yalbe: Bahan ilawilic te q'uinal soc te Jericó, xchi. Hich bahtic, ochic ta sna jtuhl j'antsinel-ants Rahab sbihil, tey c'ax ahc'abal yu'unic a.

Josué 8:15

Te Josué soc spisil Israel la scuy sbahic te tsalotic, hich loq'uic ta ahnel ta stojolic, bahtic ta sbehlal te jochol taquin q'uinal.

Josué 18:11

Hich loc' scuenta spasbeyel seña ta na'el te jchahp yu'un sts'umbal Benjamín, chican te jaychahp ayique; te q'uinal te c'oht ta scuenta, ha te ay ta ohlil yu'un te sts'umbal Judá soc te sts'umbal José.

1 Samuel 13:5

Hich te filisteohetic la stsob sbahic ta ya'beyel guerra te Israel: oxpic soc ho'lajunbahc' (30,000) carretahetic yu'un guerra, ho'lajunbahc' (6,000) ta tuhl winiquetic cajajtic ta caballo, soc hich yipal soldadohetic te bin ut'il shi'al sti'il mar. Mohic talel soc la spasic scampamentohic ta Micmas, ta stojol banti ya xloc' tal c'ahc'al yu'un Bet-avén.