Josué 17:1 - Bible in Tzeltal Bachajón

¹ Soc a'bot sq'uinal ta scuenta spasbeyel seña ta na'el te sts'umbal Manasés, como ha te sba-nich'an José. Te Maquir, te sba-nich'an Manasés soc ha stat Galaad te mero ya sna' guerra, ha c'oht te sq'uinal Galaad soc Basán.

Bible in Tzeltal de Oxchuc y Tenejapa

¹ Te q'uinal ac'bot ta swenta sts'umbal Manasés, ja' te sba snich'an José, jich ay: te Maquir te tulan yu'un guerra, te sba snich'an Manasés soc stat te Galaad, ja' c'ot ta swenta te q'uinal te Galaad sbiil, soc te Basán, te ay ta stojol sloq'uib c'aal yu'un Jordán.

Josué 17:1 Referans Kwoze

Números 26:29

Te snich'nab Manasés: ta scuenta Maquir, ha te maquiretic. Te Maquir la snich'antay te Galaad; ta scuenta Galaad, ha te galaadetic.

Génesis 41:51

Te sba-nich'an te José la ya'be sbihilin Manasés, yu'un hich la yal: Dios la yac' ch'ayuc ta co'tan spisil jwocol soc spisil mach'atic ay ta sna te jtat, xchi.

Génesis 50:23

La to yil te snich'nab Efraín c'alal ta yoxcajal sts'umbal. Soc te snich'nab Maquir te snich'an Manasés, coltesotic yu'un ta sjol yacan te José.

Génesis 46:20

Te José ayin cheb snich'nab ta Egipto: ha te Manasés soc Efraín, te yalatac Asenat yantsil-nich'an Potifera te sacerdote ta On.

Génesis 48:18

Hich la yalbe te stat: Ma hichuc, jtat, yu'un ha ba-alal ini, ha xacajambe awa'el-c'ab ta sjol stuquel, xchi.

1 Crónicas 2:23

Pero te Gesur soc Aram la yich'beyic te pueblohetic yu'un Jair, soc la yich'beyic te Kenat soc te tut pueblohetic yu'un; ha oxwinic (60) pueblohetic. Ta spisil ini ha sts'umbal Maquir, te stat Galaad.

Jueces 5:14

Ta Efraín talic te mach'atic nahinemic ta Amalec, talic ta apat, Benjamín, ta yohlil alumal. Ta Maquir cohic tal príncipaletic, soc ta Zabulón te mach'atic ay sbastonic.

Deuteronomio 21:17

Ya me sna' te ha sba-nich'an te yal te ants ma ba c'ux ta yo'tan, ya me ya'be hilel cheb buelta xan a te bin ut'il ya ya'be te yantic snich'nab, como ha shahchibal sit te yip, soc ha yu'un te ya yich' te bin scuenta ba-alalil.

Números 32:33

Hich te Moisés la ya'be te snich'nab Gad, te snich'nab Rubén soc j'ohlil te jchahp yu'un Manasés snich'an José te ban c'alal scuentahinej Sehón ajwalil yu'un te amorreohetic, soc te ban c'alal scuentahinej Og ajwalil yu'un Basán, spisil te q'uinal soc te pueblohetic yu'un soc te q'uinal ta sjoyobal.

Números 27:1

Talic te yantsil-nich'nab Zelofehad snich'an Hefer, snich'an Galaad, snich'an Maquir, snich'an Manasés, te ha'ic yu'un te jchahp yu'un Manasés snich'an José. Te sbihilic te yantsil-nich'nab ha te Maala, Noa, Hogla, Milca soc Tirsa.

Génesis 48:17

Pero c'alal la yil te José te la scajambe swa'el-c'ab ta sjol Efraín, ma lecuc la ya'iy; ha yu'un la stsacbe te sc'ab te stat ay ta sjol te Efraín, yu'un ha c'an ya'be ta sjol Manasés.

Josué 17:2

Soc la spasbeyic seña ta na'el te yantic snich'nab Manasés, ha chican te jaychahp ayic: ha te snich'nab Abiezer, Helec, Asriel, Siquem, Hefer, soc Semida. Ha'ic te squerem-nich'nab Manasés te snich'an José, ta jujuchahp.

Josué 22:7

Te Moisés ya'beyejix sq'uinalic ta Basán te j'ohlil jchahp yu'un Manasés; te yan j'ohlil, Josué la ya'be sq'uinalic ta yohlil te yermanotac ta stojol banti ya xmahl c'ahc'al yu'un Jordán. Ha nix hich te Josué la sticonlan bahel ta snahilpaq'uic, la yac'ticlambe bendición,

Ezequiel 48:4

Ta sti'il sq'uinal Neftalí, c'alal ta stojol banti ya xloc' ta c'ahc'al c'alal ta stojol smahlib c'ahc'al, ha te jsehp q'uinal yu'un Manasés.

Génesis 41:52

La ya'be sbihilin te schebal snich'an Efraín, yu'un hich la yal: Dios la yac' sitinon ta q'uinal te banti ay jwocol, xchi.

2 Samuel 2:9

la yotses ta ajwalil yu'un Galaad, Gesuri, Jezreel, Efraín, Benjamín soc spisil Israel.

Ezequiel 47:13

Hich yaloj te Jehová, te Ajwalil: Ha te sti'il te q'uinal te yac awa'be yich'ic te lahchaychahp sts'umbal Israel. Te José cha'sehp ya yich'.