Josué 15:11 - Bible in Tzeltal Bachajón

¹¹ ya xbaht xan ta stojol norte yu'un Ecrón, ya yac' buelta c'alal ta Sicrón, ya xc'ax bahel ta wits Baala, ya xbaht ta Jabneel, soc ya xc'oht ta loq'uel ta mar.

Bible in Tzeltal de Oxchuc y Tenejapa

¹¹ Bajt' xan ta moel ta stojol norte yu'un Ecrón, la yac' buelta ta lum Sicrón, c'ax bael ta wits Baala, c'ot ta lum Jabneel, tey c'ot ta comel ta Mar Mediterráneo.

Josué 15:11 Referans Kwoze

2 Reyes 1:16

Hich c'oht yalbe te ajwalil: Hich ya yal te Jehová: Te bin ut'il la aticon bahel a'batetic ta sjoc'obeyel Baal-zebub te dios yu'un Ecrón, te hich c'ohem te bin ut'il mayuc Dios ta Israel te yac ajoc'obe te sc'ope, ha yu'un ma ba ya xhahchatix ta awayib, ya me xchamat, xchi.

2 Reyes 1:6

La sjaq'uic: Como tal stahotcotic jtuhl winic te hich la yalbotcotic: Bahan, suhtanic bahel ta stojol te ajwalil te la sticonex talel, hich me xawalbeyic: Hich ya yal te Jehová: ¿Yu'un bal mayuc Dios ta Israel te la aticon ta joc'obeyel te Baal-zebub te dios yu'un Ecrón? Ha yu'un ma ba ya xhahchatix ta awayib, tey ya xchamatix a, xchi.

1 Samuel 7:14

Cha'suhtic xan ta stojol Israel te pueblohetic pojbotic yu'un te filisteohetic, c'alal Ecrón ha to ta Gat. Hich te Israel la scoltay loq'uel ta sc'ab filisteohetic te sq'uinale. Soc lamal q'uinal ta stojol Israel soc te amorreohetique.

1 Samuel 5:10

Ha yu'un la sticonic bahel ta Ecrón te scaxahul te chapbil-c'op yu'un Dios. Pero c'alal c'oht ta Ecrón, te mach'atic ayic ta Ecrón hich hahchic ta aw: La yich'botiquix tal te scaxahul te chapbil-c'op yu'un te Dios yu'un Israel scuenta yu'un ya smilotic soc te jlumaltic, xchihic ta xiwel.

Josué 15:45

Ecrón soc te pueblohetic soc tut pueblohetic yu'une,

Josué 15:9

ta bahwits ya yac' buelta c'alal ta sloq'uib-ha' yu'un te ha'etic yu'un Neftoa, ya xbaht xan c'alal ta pueblohetic yu'un te wits Efrón, tey ya yac' buelta c'alal ta Baala, ha te Quiriat-jearim;

Josué 15:10

ya yac' buelta ta Baala ya xbaht ta stojol banti ya xmahl c'ahc'al c'alal ta wits Seir, ya xc'ax bahel ta stojol norte yu'un te wits Jearim, ha te Quesalón, ya xco bahel ta Bet-semes, ya xc'ax bahel ta Timna;

Josué 15:12

Te sti'il ta stojol banti ya xmahl c'ahc'al, ha te Muc'ul Mar. Ha te mojon ta sjoyobal te sq'uinal te snich'nab Judá, ha chican te jaychahp ayique.

1 Samuel 17:52

Ora hahchic te winiquetic yu'un Israel soc Judá, tulan awonic soc la snutsic bahel te filisteohetic c'alal ta Gat soc c'alal ta yochibal Ecrón. Te filisteohetic pujajtic hilel ta sbehlal Saaraim c'alal ta Gat soc Ecrón.

Números 34:6

Te mojon ta stojol ban ya xmahl c'ahc'al, ha te sti'il te Muc'ul Mar.

Jueces 1:18

Te winiquetic yu'un Judá ha nix hich la yu'untayic te Gaza, Ascalón, soc Ecrón soc te q'uinal yu'unique.

1 Samuel 5:8

Ha yu'un la sticonic ta iq'uel tal spisil te príncipaletic yu'un te filisteohetic, hich la sjoc'obeyic: ¿Bin ya jpascotic soc te scaxahul te chapbil-c'op yu'un te Dios yu'un Israel? xchihic. C'asesahic bahel ta Gat te scaxahul te chapbil-c'op yu'un te Dios yu'un Israel, xchihic. Hich la sc'asesic bahel tey a te scaxahul te chapbil-c'op yu'un te Dios yu'un Israel.

2 Crónicas 26:6

Te Uzías loc' bahel ta ya'beyel guerra te filisteohetic, la sjimbe sts'ahcul te Gat, Jabnia soc Asdod. La spas pueblohetic ta sq'uinal Asdod soc ta bayuc ta sq'uinal te filisteohetique.