Josué 15:1 - Bible in Tzeltal Bachajón

¹ Te q'uinal te c'oht ta scuenta te sts'umbal Judá ta scuenta spasbeyel seña ta na'el, chican te jaychahp ayic, c'oht c'alal ta sti'il Edom, soc yich'oj te jochol taquin q'uinal Zin, ta stojol sur.

Bible in Tzeltal de Oxchuc y Tenejapa

¹ Te q'uinal ac'bot ta swenta xchaplejal te sts'umbal Judá, ta swenta snumeroil ta na'el, ja' c'ot ta swenta c'alal ta sti'il sq'uinal Edom, soc ta stojol sur c'ot c'alal ta jochol taquin q'uinal Zin.

Josué 15:1 Referans Kwoze

Ezequiel 47:19

Te sti'il ta stojol sur, ya xhahch ta Tamar, ya xc'ax ta ha'etic yu'un Meriba-cades; ya xc'ax ta uc'um yu'un Egipto, ya xc'oht c'alal ta Muc'ul Mar. Ha te sti'il ta stojol sur.

Josué 14:2

La yich' pucticlanel te q'uinal ta scuenta spasbeyel seña ta na'el, hich te bin ut'il Jehová la spas ta mandar te Moisés te ya yich'ic te balunchahp soc ohlil.

San Marcos 3:8

Jerusalén, Idumea, ta jehch ha' Jordán soc ta sjoyobal Tiro soc Sidón. Tsobol talic ta t'unaw c'alal la ya'iyic te bin muc' yac spasticlambel te Jesús.

Números 20:16

Ha yu'un awonotcotic ta stojol Jehová, la ya'iy jc'opcotic, la sticon tal jtuhl ch'ul a'bat, la sloq'uesotcotic tal ta Egipto. Yo'tic li' ayotcotic ta Cades, te pueblo ay ta sti'il te aq'uinale.

Deuteronomio 32:51

Ha ta scaj te achebalic ma junuc awo'tanic la awac' abahic ta jtojol ta stojol te snich'nab Israel, ta ha'etic ta Meriba-cades ta jochol taquin q'uinal Zin, ma ba la awich'onic ta muc' ta yohlil te snich'nab Israel.

Josué 15:2

Te sti'il ta stojol sur ha ya xloc' bahel ta ti' Mar Salado, ha te banti ay c'ab-ha' te ya yil bahel ta stojol sur,

Josué 18:5

Ya sloq'uesic huc-sehp a te q'uinale. Te Judá ya xhil ta sq'uinal ta sur, soc te sts'umbal José ya xhil ta sq'uinalic ta norte.

Ezequiel 48:7

Ta sti'il sq'uinal Rubén, c'alal ta stojol banti ya xloc' ta c'ahc'al c'alal ta stojol smahlib c'ahc'al, ha te jsehp q'uinal yu'un Judá.

Génesis 35:23

Te yalatac te Lea: ha Rubén te sba snich'an te Jacob, soc Simeón, Leví, Judá, Isacar soc Zabulón.

1 Reyes 8:65

Ta hich ora te Salomón la spas q'uin soc spisil Israel, mero bayel talemic c'alal ta yochibal Hamat ha to ta uc'um yu'un Egipto, la spasic q'uin ta stojol Jehová te Dios cu'untic scuenta huqueb c'ahc'al, soc huqueb xan c'ahc'al, ha chanlajuneb (14) c'ahc'al te q'uine.