Josué 11:6 - Bible in Tzeltal Bachajón

⁶ Pero te Jehová la yalbe te Josué: Ma me xaxi', como ta hichilan ora pajel spisilic lajemic a ya cac'ticlan ta stojol Israel; yac abojbe schihal yacan scawuhic soc yac achic'be te scarretahic yu'un guerra, xchi.

Bible in Tzeltal de Oxchuc y Tenejapa

⁶ Ja'uc me to, te Cajwaltic la yalbey te Josué: —Ma me x'axi'ic, melel te pajel ta jich ora to, spisilic me ya xju' awu'unic smilel. Tuch'beyaic ta bojel xchial yacanic te scaballoic, soc chic'beyaic te scarretaic yu'un guerra —xi' te Cajwaltique.

Josué 11:6 Referans Kwoze

Josué 10:8

Te Jehová la yalbe te Josué: Ma me xiwat ta stojolic, como ho'on la jca'batix ta ac'ab, mayuc jtuhluc ya stsalat, xchi.

2 Samuel 8:4

Te David la stsac chanbahc' soc ho'winic (1,700) winiquetic te cajajtic ta cawu, soc j'ohlil yoxpic (20,000) soldadohetic te behel ta yoquic; la sbojticlambe schihal yacan te cawuhetic te ya snitic carretahetic yu'un guerra, pero la yihquitay hilel te jaycoht ya xtuhun yu'un snitel ho'winic (100) carretahetic.

1 Samuel 11:9

Patil hich la yalbeyic te jpuc-c'opetic hulemic talel: Hich me xawalbeyic te mach'atic ayic ta Jabes yu'un Galaad: Pajel, te c'alal c'uxix c'ahc'al a, ya me xcolex, xchihic. Hich bahtic te jpuc-c'opetic, c'oht yalbeyic te mach'atic ayic ta Jabes, buen tse'el yo'tanic yu'un.

Jueces 20:28

soc te Finees snich'an Eleazar, te snich'an Aarón, tey yac ta a'tel a), hich la yalic: ¿Ya to bal suhtotcotic xan ta ya'beyel guerra te snich'nab Benjamín te quermanocotic, o ma'uquix? xchihic. La yal te Jehová: Mohanic bahel, yu'un pajel ya ca'beyex ta ac'abic, xchi.

Josué 11:9

Te Josué hich la spasbe te bin ut'il pasot ta mandar yu'un Jehová: la sbojticlambe schihal yacan te scawuhic soc la schic'ticlambe te scarretahic yu'un guerra.

Oseas 14:3

Ma ba ya scoltayotcotic te Asiria; ma ba ya xmohotcotiquix ta cawu; ma ba hich ya calbecotiquix te bin jpasojtic ta jc'abcotic: Ha diosetic cu'uncotic, ma xchihucotic, como ha'at ta atojol ya sta c'uxultayel te me'ba' alal.

Isaías 31:1

¡Ay me swocolic te mach'atic ya xcohic bahel ta Egipto ta slehel coltayel, te ha smuc'ulinej yo'tanic te cawuhetic, te ya smuc'ulin yo'tanic te bin ut'il ay bayel carretahetic yu'unic, soc te bin ut'il ay yipic te jmoheletic ta cawu, te ma ba ya yac' sitic ta stojol te Ch'ul Dios yu'un Israel, ma ba ya slehic te Jehová!

Isaías 30:16

La awalic: Ma'uc, ya x'ahnotic bahel ta cawu, xchihex; ha yu'un ya me x'ahnex bahel. Soc la awalic: Ya xmohotic bahel ta cawuhetic te ahnimal ya xbehenic, xchihex; ha yu'un ahnimal ya me xbehenic bahel te mach'atic ya snutsex bahele.

Proverbios 20:7

Te mach'a toj yo'tan mayuc bin ay ta scuenta, bayel yutsil te yal-snich'nab ta patil yu'un.

Salmos 46:11

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Salmos 46:9

Jc'axel ya yac' quehchajuc guerrahetic c'alal ta sti'il bahlumilal; ya swac' te t'ihmalte' soc te lanza, soc ya schic' ta c'ahc' te carretahetic yu'un guerra.

2 Crónicas 20:16

Pajel ya me xcohex bahel ta stojolic; yac awilic te ya xmohic talel ta banti ya xhu' c'axel ta wits yu'un Sis, yac atahic ta uc'um ta nopol te jochol taquin q'uinal Jeruel.

Josué 3:5

Te Josué la yalbe te pueblo: Ch'ultesa abahic, yu'un pajel ya me spas jchahp a'teliletic ta awohlilic te Jehová, xchi.

Deuteronomio 7:16

Yac alajinlan spisil te pueblohetic te ya ya'bat te Jehová te Dios awu'une; ma me xana'be yo'bolil sbahic soc ma me xach'uhuntay te diosetic yu'unic, como ha c'ohchinojibal awu'un ya xc'oht.

Josué 11:5

Spisil te ajwaliletic la stsob sbahic, junax tal spas scampamentohic ta nopol te ha'etic yu'un Merom yu'un ya ya'beyic guerra te Israel.

Josué 11:7

Te Josué soc spisil te winiquetic yu'un guerra, ch'ayal yo'tanic a la yochintayic ta banti te ha'etic yu'un Merom.

Jueces 7:9

Ta ahc'abal nix, te Jehová hich la yalbe: Hahchan, cohan bahel ta ya'beyel guerra te campamento, yu'un la jca'batix ta ac'ab.

Ezequiel 39:9

Te mach'atic nahinemic ta pueblohetic yu'un Israel ya me xloq'uic bahel ta schic'ticlanel te a'tejibaletic yu'un guerra, ha te tut soc muc'ul mahquilaletic, t'ihmalte'etic soc ya'tejibalul t'ihmalte'etic, mazohetic soc lanzahetic. Ya stuhunic ta si' huqueb ha'bil.

Nahúm 2:13

¡Li' ayon yu'un ya jcontrahinat! xchi te Jehová te scuentahinej spisil, ya ca'be sc'ahc'al ya jc'atp'un ta ch'ahil te carretahetic awu'un, soc ya xlaj ta espada te alal chojetic awu'une; ya jtup' te elec' ay ta alumal, soc ma ba ya x'a'iyotix sc'op te jal-c'opetic awu'une.

2 Reyes 6:16

La sjac' te Eliseo: Ma xiwat, yu'un c'ax hich a te mach'atic sjoquinejotic te bin ut'il te mach'atic sjoquinejic stuquelic, xchi.

Salmos 46:10

Lahmana me abahic, na'ahic me te ho'on Dioson; ya me xtohy jc'oblal ta yohlil te nacionetic, ya me xtohy jc'oblal ta bahlumilal, xchi te Diose.