Josué 1:8 - Bible in Tzeltal Bachajón

⁸ Ma me ayuc bin ora ya xhil awu'un yalel bin ya yal ha'i hun ini yu'un te Ley, ya me ana'ulan ta c'ahc'al ahc'abal, scuenta yu'un yac apas spisil te bintic ts'ihbabil tey a; hich lec ya xc'ohat bayuc ya xbehenat soc lec ya xc'oht spisil bintic yac apas.

Bible in Tzeltal de Oxchuc y Tenejapa

⁸ Alulaya te bila ya yal ta libro yu'un te mandaliletique, na'ulaya me c'aal ajc'ubal. Ich'a ta muc' soc c'otesa ta pasel te bitic ya yalbat, jich me lec ya xc'oat ta loq'uel soc spisil te bitic ya apase.

Josué 1:8 Referans Kwoze

Salmos 119:15

Ya me jna'ulan te mandariletic awu'un, ya me jnop bin ut'il ay te behetic awu'une.

Salmos 19:14

Lecuc me yac awa'iy te c'opetic ya xloc' ta que soc te bintic ya jnopilan ta co'tan, Jehová, muc'ul tonat soc jcoltaywanejat cu'un.

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

Proverbios 3:1

Jnich'an, ma me xch'ay ta awo'tan te nohptesel cu'un; q'ueja ta awo'tan te mandariletic cu'une,

Deuteronomio 29:9

Ha yu'un q'ueja ta awo'tanic te bin ya yal te chapbil-c'op ini, soc ac'a c'ohtuc ta pasel awu'unic, scuenta yu'un lec ya xc'ohex a soc spisil te bintic yac apasique.

San Juan 14:21

Te mach'a yich'oj te mandariletic cu'un soc te ya sch'uhun spasel, ha me te c'uxon ta yo'tan abi. Te mach'a c'uxon ta yo'tan, c'ux me ya x'a'iyot yu'un te Jtate, soc ha nix hichon, c'ux me ya ca'iy ta co'tan soc ya cac' jba ta na'el yu'un, xchi.

San Lucas 11:28

La sjac' te Jesús: Ha bayel yutsil te mach'atic ya ya'iyic te sc'op Dios soc te ya spasique, xchi.

San Mateo 7:24

Mach'ayuc a te ya ya'iy te c'op ini soc te ya spas te bin ya yal, ha ya jpaj soc jtuhl p'ijil winic te la spas sna ta sba muc'ul ton.

Salmos 119:11

Cac'oj ta co'tan te ac'op scuenta yu'un ma ba ya jta jmul ta atojol a.

Salmos 119:97

¡Mero c'ux ta co'tan te ley awu'un! Sjunal c'ahc'al ya jna'ulan.

San Mateo 7:21

Ma spisiluc te mach'atic ya yalbonic: Cajwal, Cajwal, xchihic, te ya x'ochic te banti ay te cuentahinel yu'un te ch'ulchan, ha nax te mach'atic ya spasbeyic te bin ya sc'an yo'tan te Jtat ay ta ch'ulchan.

San Juan 13:17

Teme hich ana'ojic, bayel me awutsilic teme hich yac apasique.

Josué 1:7

Ha nax ac'a me fuersa soc ayuc me yip awo'tan, tsahtaya me ta spasel spisil te mandariletic te la yalbat te ca'bat Moisés; ma me xloc'at bahel ta wa'el o ta q'uexam, scuenta yu'un lec ya xc'oht ta pasel awu'un spisil bintic yac apas.

Deuteronomio 30:14

Como mero nopol ta atojol te c'ope, ay ta awe soc ay ta awo'tan scuenta yu'un ya xhu' awu'un spasel.

Deuteronomio 5:29

¡Te hichuc ay yo'tanic spisil ora, te yacuc xi'onic soc te yacuc sch'uhumbonic spisil ora te mandariletic cu'un, scuenta yu'un lec ya xc'ohtic soc yal-snich'nabic ta spisil ora!

Salmos 119:99

C'ax hich ya jna' a te bin ut'il spisil te jnohpteswanejetic cu'un, como ya jna'ulan te testigo-c'op awu'une.

Isaías 59:21

Ha ini te chapbil-c'op cu'un ta stojolic, xchi te Jehová: Te espíritu cu'un te ay ta atojol, soc te c'opetic cu'un te la jca'bat ta awe, ma ba ya xch'ay ta awe soc ta ye te anich'nab o te amamatac, yo'tic soc ta spisil ora, xchi te Jehová.

Deuteronomio 5:32

Ila me awilic hiche te yac apasic hich te bin ut'il la spasex ta mandar te Jehová te Dios awu'unique, ma me xhowiyex ta wa'el o ta q'uexam.

Deuteronomio 31:11

te c'alal stsoboj sbahic a spisil Israel ta stojol Jehová te Dios awu'un tey ta lugar te ya stsa, ya me awilbe ya'iyic spisil Israel te Ley ini.

Efesios 4:29

Ma me xloc' bohlc'op ta awehic, ha'uc nax lequil c'op te ya xtuhun scuenta ya'beyel yipic te yantic, scuenta yutsil slequil te mach'a ya ya'iybeyex ac'opique.

San Mateo 12:35

Te mach'a lec ta winiquil ya xloc' ta ye te bintic lec sq'uejoj ta yo'tan; te mach'a chopol ta winiquil, ya xloc' ta ye te bintic ma lecuc sq'uejoj ta yo'tan.

Salmos 40:10

Ma ba la jmuc ta co'tan te bin stojil yac apas; la jpuc ta halel te stalel jun awo'tan soc te colel awu'une; ma ba la jmuc ta stojol te muc'ul tsoblej te sc'uxul awo'tan soc te smelelil c'op awu'une.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Apocalipsis 22:14

Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.

Génesis 24:63

Ta jun stibiltayel q'uinal baht ta aquiltic ta snopilanel ta yo'tan. La shach sit, la yil yac ta talel te camellohetique.

Deuteronomio 31:24

Te c'alal laj yo'tan te Moisés ta ts'ihbayel ta hun spisil bin ya yal te Ley ini,

Josué 8:34

Patil te Josué la yalbe spisil te bintic ya yal te Ley, ha te bendicionetic soc te chopol c'oblaliletic, hich te bin ut'il spisil ts'ihbabil ta hun yu'un te Ley.

Deuteronomio 5:1

Te Moisés la stsob tal spisil te Israel, hich la yalbe: A'iya awa'iy, Israel, te bintic chapal soc te bintic halbil ta mandar te ya calbeyex awa'iyic yo'tic, nopahic soc canantayahic scuenta yu'un yac ac'ohtesic ta pasel.

Deuteronomio 29:8

la jquich'betic sq'uinalic, la jca'betic yich'ic te Rubén, Gad soc te j'ohlil sts'umbal Manasés.

2 Crónicas 26:5

Jun yo'tan ta stojol Dios te c'alal cuxul to a te Zacarías, te ha la snohptes ta yich'el ta muc' te Diose. Te c'alal jun yo'tan ta stojol Jehová lec c'oht yu'un te bin la spase.