Josué 1:15 - Bible in Tzeltal Bachajón

¹⁵ ha to c'alal ya x'a'bot scux yo'tanic yu'un Jehová hich te bin ut'il ha'ex, soc te hich nix ya yu'untayic te q'uinal ya x'a'botic yu'un Jehová te Dios awu'unique. Patil ya suhtex bahel te q'uinal te a'botex awich'ic, te la ya'beyex Moisés te a'bat yu'un Jehová li' ta jehch Jordán ta stojol banti ya xloc' tal c'ahc'al, xchi.

Bible in Tzeltal de Oxchuc y Tenejapa

¹⁵ ja' to me c'alal ya x'ac'botic ta bay ya xcux yo'tanic yu'un te Cajwaltique. Ta patil ya me sujt'ex bael ta bay aq'uinal te la yac'beyex te Moisés te yabat te Cajwaltique, ja' ta jejch' ja' Jordán ta bay stojol sloq'uib c'aale. Ja' me ya awu'uninic ta jc'axel —xi' te Josué.

Josué 1:15 Referans Kwoze

Filipenses 2:4

Ma me atuqueluc nax yac ale awutsil alequil, ha me xalehic te ha'uc nix hich ay yutsil slequilic te yantique.

Gálatas 5:13

Ha'ex, quermanotac, ic'bilex scuenta yu'un libre ya x'ayinex; pero ma yu'unuc libre ayex ta spasel te bin ya smulan abaq'uetalic; ha me ya sc'an te talel c'axel yac awa'batin abahic ta scuenta sc'uxul awo'tanic.

1 Corintios 13:5

ma xjelaw ta stojol yan, mayuc st'ut'il, ma x'ilin, ma xyac' ta yo'tan te bin chopol ya xpasbot;

1 Corintios 12:26

Teme ay swocol junuc, pajal ya ya'iybe swocol sc'uxul, soc teme ay junuc te ya x'ich'ot ta muc', spisilic tse'el yo'tanic yu'un.

Gálatas 6:2

Talel c'axel me xacoltay abahic ta scuchel awocolic, hich yac ac'ohtesic ta pasel a te ley yu'un Cristo.

Deuteronomio 3:20

ha to c'alal Jehová ya ya'be scux yo'tanic te awermanotac, hich te bin ut'il te ha'exe, soc te ya yich'ic te q'uinal ta jehch muc'ul-ha' Jordán te ya x'a'botic yu'un Jehová te Dios awu'unique. Ha to jujutuhlex ya suhtex bahel ta q'uinal te la jca'beyex, xchihon.

Josué 1:1

Te c'alal chamix a te Moisés te a'bat yu'un Jehová, te Jehová la sc'opon te Josué snich'an Nun, ha te mach'a la scoltay ta a'tel te Moisés, hich la yalbe:

Josué 1:14

Te awihnamic, anich'nabic soc awacaxic ya xhilic ta q'uinal la ya'beyex te Moisés li' ta jehch Jordán; yan te ha'exe, apisilic te ay yip awo'tanic soc te ay awipic, awich'oj awa'tejibic yu'un guerra a ya me xnahilijex bahel yu'un te awermanotac soc ya me acoltayic,

Josué 1:16

La sjac'beyic sc'op te Josué, hich la yalic: Ya jpascotic spisil bintic la apasotcotiquix ta mandar soc ya xbohotcotic ta bayuc yac aticonotcotic bahel.

Deuteronomio 3:18

Ta hich ora hich la jcalbeyex: Te Jehová te Dios awu'unic la ya'beyex hilel te q'uinal ini; pero chapaluc yu'un guerra a ya me xbahtic spisil mach'atic ma xiwic, ya me xnahilijic bahel yu'un te awermanotac, te snich'nab Israel.

Deuteronomio 9:1

A'iya me awa'iy, Israel: yo'tic ya sohlat bahel ta Jordán, yu'un ya x'och aten loq'uel nacionetic te c'ax hich yipalic soc c'ax hich yipic a te bin ut'il ha'ate, ha muc'ul pueblohetic te joytaybilic ta ts'ahc c'alal ta ch'ulchan;

Josué 22:1

Ha yu'un te Josué la yic' tal te sts'umbal Rubén, Gad soc j'ohlil sts'umbal Manasés,