Jonás 4:8 - Bible in Tzeltal Bachajón

⁸ C'alal loc' tal te c'ahc'ale, Dios la yac' taluc q'uixin ic' ta stojol banti ya xloc' tal c'ahc'al. Chic'bot sjol te Jonás yu'un te c'ahc'ale, laj yip yu'un. Ya sc'an ya xcham, hich la yal: Ha lec te yacuc xchamon te bin ut'il cuxulon, xchi.

Bible in Tzeltal de Oxchuc y Tenejapa

⁸ C'alal loc' tel c'aal, Dios la yac' taluc q'uixin ic' ta stojol sloq'uib c'aal. Soc te bit'il ja' mero tojlinbot ta xc'uxul c'aal te sjol Jonás, jajch' ta buen wocol yu'un. Ya sc'an ya xlajix ya yaiy. La yal te Jonase: —Ja' mero lequix ya caiy te yacuc xlajonixe, ja' ma jc'anix te ya xcuxinone —xi' te Jonase.

Jonás 4:8 Referans Kwoze

Jonás 4:3

Ha yu'un, Jehová, awocoluc lajimbonix te jcuxlejal, como ha lec te ya xchamon te bin ut'il cuxulone, xchi.

Ezequiel 19:12

Pero la yich' bulel ta scuenta ilimba, la yich' ch'ojel ta lum. Taquijtesot yu'un te ic' ta stojol banti ya xloc' tal c'ahc'al, la yich' wac'ticlanel te tulan sc'abc'ab, taquijic soc laj ta c'ahq'uel.

Salmos 121:6

Te c'ahc'al ma ba ya yuts'inat ta c'ahc'alel, soc ma ba ya yuts'inat ta ahc'abal te uhe.

Apocalipsis 7:16

Ma ba ya xwi'najiquix soc ma ba ya ya'iyiquix taquinti'il, ma ba ya ya'iyiquix sc'uxul c'ahc'al, o yan sq'uixnal,

Apocalipsis 3:19

Ya jtsits soc ya ca'be castigo scuenta tojobtesel spisil mach'atic c'ux ta co'tan; ha yu'un pasa tulan, suhtesa awo'tan.

Isaías 49:10

Ma ba ya ya'iyic wi'nal o taquinti'il, soc ma x'uts'inotic yu'un te c'ahc'al o q'uixin q'uinale, como te mach'a c'uxultayotic yu'un ya me stojobteslan bahel, soc ya me stojobteslan bahel ta sloq'uib-ha'etic.

Jonás 1:17

Pero te Jehová ay schahpanej jcoht muc'ul chay te ya sbic' te Jonás. Oxeb c'ahc'al soc oxeb ahc'abal ay ta sch'uht te chay te Jonás.

Jonás 1:4

Pero te Jehová la yac' hahchuc tulan ic' ta mar, c'ax tulan te yic'al ha'al ta mar, c'an jatuc te barco yu'un.

Cantares 1:6

Ma me ha'uc xawilon yu'un te ihc'one, como ha la schic'on te c'ahc'ale. Te yalatac te jnan ilinic ta jtojol, la yac'onic ta scanantayel te ts'usubiletic, pero te ts'usubil cu'un ma ba la jcanantay.

Salmos 39:9

Ch'abon, ma ba la jam que, como ha'at la apas ini.

Job 2:10

La yal te Job: Pajal ya xc'opojat soc antsetic te ma sna'ic q'uinal. Teme ya quich'tic te bintic lec yu'un Dios, ¿ma bal ha'uc nix hich ya quich'tic te bintic ma lecuc? xchi. Ta spisil ini ma ba la sta smul te Job yu'un te bin la yal.

1 Samuel 3:18

Ha yu'un te Samuel la yalbe ya'iy spisil te bintic halbot, mayuc bin la smuc ta yo'tan. La yal te Elí: Ha Jehová stuquel; ac'a spas te bin lec ya ya'iy, xchi.

Levítico 10:3

Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

San Mateo 20:12

Te mach'atic patilix talic, junax ora a'tejic, pero pajal jtojolcotic soc ho'otcotic te cuhch cu'uncotic te a'tel soc te sc'uxul c'ahc'al, xchihic ta c'op.

1 Reyes 19:4

Te Elías baht jun xan c'ahc'al ta jochol taquin q'uinal, la shuhcan sba ta ye'tal enebro-te'. Yo'tanuc ya xchamix, hich la yal: ¡Tic'uquix a, Jehová! Lajimbon te jcuxlejal; ma ho'ucon lecon xan a te bin ut'il te jme'jtate, xchi.

Oseas 13:15

Aunque ya xp'ohl ta yohlil te yermanotac, ya xtal te ic' ta banti ya xloc' tal c'ahc'al, te ic' yu'un Jehová te ya xtal ta jochol taquin q'uinal, ya xtaquij te sloq'uib-ha' yu'un, ya xtup' banti ya xloc' te ha' yu'une. Ha ya spojbe spisil bintic ay ta yawil sc'ulejal te t'ujbilique.

Jonás 4:9

Pero hich halbot yu'un Dios: ¿Lec bal te ya x'ilinat yu'un te ch'upac-te'? xchi sc'oblal. Bayel ya x'ilinon, ha to c'alal ya xchamon, xchi te Jonás.

Génesis 41:6

Patil la yil yan huc-chej trigo, jay soc taquijem yu'un te q'uixin ic'.

1 Reyes 21:4

Te Acab baht ta sna, smeloj yo'tan a soc ilinem yu'un te hich halbot yu'un Nabot talem ta Jezreel: Ma ba ya ca'bat te bin a'bibilon hilel yu'un jme'jtat, te xchihe. La smehtsan sba ta swayib, la sut bahel sit ta pahc', ma ba we'.

Job 7:15

Ha yu'un ha lec xan la ca'iy te ya quich' pit'el te jnuc', soc te ya xlajon, te ma ba cuxul ya xhil te jbaquele.

Eclesiastés 7:9

Ma me orahuc ya x'ilinat, como te ilimba ay ta yo'tan te mach'a ma sna' q'uinal.