Jonás 3:3 - Bible in Tzeltal Bachajón

³ Hich hahch te Jonás, baht ta Nínive, hich te bin ut'il halbot yu'un te Jehová. Mero muc'ul pueblo te Nínive, oxeb c'ahc'al ta behentayel ta jehch ta jehch.

Bible in Tzeltal de Oxchuc y Tenejapa

³ Te Jonás jajch' ta beel, bajt' ta Nínive, jich la spas te bit'il albot yu'un te Cajwaltique. Te Nínive mero muc'ul lum, oxeb c'aal ta beentayel te lume.

Jonás 3:3 Referans Kwoze

Salmos 80:10

Te witsetic mucot ta axinal yu'un, te muc'ul cedrohetic mucotic ta sc'abc'ab.

Génesis 22:3

Hich te Abraham buen sab hahch, la schahpan sburro, soc la yic' bahel cheb ya'bat soc te Isaac te snich'ane. La sch'uybe si'il te scohtol milbil mahtanil, hahch ta behel, baht ta banti halbot yu'un te Diose.

Salmos 36:6

Te stojil awo'tan hich c'ohem te bin ut'il te witsiltic yu'un Dios, te chahpanel awu'un hich ay te bin ut'il muc'ul xahab. Ha'at, Jehová, yac acanantay te ants-winiquetic soc te chambahlametique.

Génesis 30:8

La yal te Raquel: Ta scuenta tulan tsaltamba la jtsal jba soc te jwix, hu'ix cu'un, xchi. La ya'be sbihilin Neftalí.

2 Timoteo 4:11

Ha xanix sjoquinejon te Lucas. Ic'a tal ajoquin te Marcos, yu'un ya xtuhun cu'un ta spasel te a'tele.

Isaías 37:37

Ha yu'un te Senaquerib ajwalil yu'un Asiria suht bahel, baht ta nahinel ta Nínive.

Jonás 1:2

Hahchan, bahan ta muc'ul pueblo Nínive, c'opojan ta scontrahinel, como mohix tal ta jtojol te schopolile, xchi.

Jonás 4:11

¿Ma bal yacuc jna'be yo'bolil sbahic te Nínive, te muc'ul pueblo banti c'axem ta ho'lajunpic (120,000) ta tuhl ants-winiquetic te ma sna'ic stsahtayel te swa'el-c'ab soc te sq'uexam-c'ab, soc te ay bayel chambahlametic tey a? xchi.