Jonás 3:10 - Bible in Tzeltal Bachajón

¹⁰ Te Dios la yil te bin la spasic, ha te la suhtes yo'tanic yu'un te chopol be yu'unique, hich la suht sc'op yu'un te bin chopol yaloj te ya spasbe.

Bible in Tzeltal de Oxchuc y Tenejapa

¹⁰ La yil Dios te bila yacalic ta spasel te níniveetique. Te bit'il yacalic ta sujt'esel yo'tanic yu'un te bila ma lecuc yacalic ta spasele, jich ma ba la yac' c'otuc ta pasel ta stojolic te lajel la sticun ta alele.

Jonás 3:10 Referans Kwoze

Jeremías 18:8

Pero teme ya suhtes yo'tan yu'un te schopolil, te la jcalbe sc'oblale, ya jsuht jc'op, ma ba ya jpasbe te bin chopol jnopoj te ya jpasbe.

San Lucas 15:20

Hich hahch ta behel, baht ta banti ay te state. C'alal namal to ay a, ilot yu'un te state, sts'ujet ta yo'tan la ya'iy te snich'an, ahnimal baht sta tal, la smech' soc la yuhts'uy.

Amós 7:6

Ha yu'un te Jehová la suht sc'op, hich la yal: Ha nix hich ma ba ya xc'oht ta pasel, xchi.

San Lucas 11:32

Te mach'atic yu'un Nínive ya me xhahchic ta yorahil ich'el ta c'op soc ya me yalbe smul te jcaj ts'umbalil ini; como la suhtes yo'tanic c'alal la ya'iyic te sc'op Dios la yal te Jonás, pero ay mach'a li' ay te c'ax hich sc'oblal a te bin ut'il Jonás.

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Amós 7:3

Ha yu'un te Jehová la suht sc'op, hich la yal: Ma hichuc ya xc'oht ta pasel, xchi.

Joel 2:13

Jata awo'tanic, ma ha'uc xach'i' te ac'u'ique, suhtanic tal ta stojol Jehová te Dios awu'unique, como ay sc'uxul yo'tan, soc ya sna' yo'bolil jbahtic, ma orahuc ya x'ilin soc ay bayel sc'uxul yo'tan, c'ux ya ya'iy te ya yac' castigo.

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

1 Crónicas 21:15

Te Jehová la sticon ch'ul a'bat ta sjinel te Jerusalén; pero te c'alal ya xhahchix ta sjinel a, la yil te Jehová, la smel yo'tan yu'un te ya yich' jinel, ha yu'un la yalbe te ch'ul a'bat te hahchix ta sjinel: ¡Tic'uquix a, comahix te ac'abe! xchi. Te ch'ul a'bat yu'un Jehová tey teq'uel a ta nopol yawil swuyojibal trigo yu'un te Ornán te jebuseo-winique.

Isaías 30:18

Pero te Jehová yac ta smahliyel te ya sc'uxultayex; tse'el yo'tan te ya ya'beyex awilic te sc'uxul yo'tan, como te Jehová ha Dios te toj ya xchahpanwan. ¡Bayel me yutsilic spisil mach'atic ha ya smahliyic!

Jeremías 36:3

Te sna Judá, c'alal ya ya'iy spisil te bintic chopol jnopoj te ya jpasbe, ya wan suhtes yo'tanic jujutuhl yu'un te chopol be yu'unique, hich ya jpasbe perdón yu'un schopolil soc smul, xchi.

Jeremías 42:10

Teme ya xhilex ta q'uinal ini, ya ca'beyex awich' awipic, ma ba ya jinex; ya jts'unex, ma ba ya jbulex loq'uel, yu'un ya jsut jc'op yu'un te bin chopol la jpasbeyexe.

Jonás 4:11

¿Ma bal yacuc jna'be yo'bolil sbahic te Nínive, te muc'ul pueblo banti c'axem ta ho'lajunpic (120,000) ta tuhl ants-winiquetic te ma sna'ic stsahtayel te swa'el-c'ab soc te sq'uexam-c'ab, soc te ay bayel chambahlametic tey a? xchi.

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Jeremías 18:7

Ta jts'ihn nax ya xc'opojon ta scontrahinel jun pueblo o nación yu'un ya yich' bulel, busq'uinel soc jinel.