Jonás 2:10 - Bible in Tzeltal Bachajón

¹⁰ Te Jehová la yalbe mandar te muc'ul chay, hich la xehtay loq'uel ta lumq'uinal te Jonás.

Bible in Tzeltal de Oxchuc y Tenejapa

¹⁰ Jich yu'un te Cajwaltic la spas ta mandal te muc'ul chaye, tey ba xejtay loq'uel a te Jonás ta ti'mar.

Jonás 2:10 Referans Kwoze

Salmos 33:9

como ha c'opoj, hich pastaj; la yal mandar, hich chicnaj.

Jonás 1:17

Pero te Jehová ay schahpanej jcoht muc'ul chay te ya sbic' te Jonás. Oxeb c'ahc'al soc oxeb ahc'abal ay ta sch'uht te chay te Jonás.

Isaías 50:2

¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

Génesis 1:3

La yal te Diose: Ac'a sacubuc q'uinal, xchi. Hich sacub q'uinal.

Salmos 105:34

C'opoj, hich tal c'ulubetic, ma xhu' ta ahtayel yu'un yipal;

Salmos 105:31

C'opoj, hich tal bayel hahetic soc usetic ta spahmal sq'uinalic.

Génesis 1:14

La yal te Diose: Ac'a chicnajuc bintic ya xtihl sc'ahc'al ta sjamalil ch'ulchan scuenta yu'un parte ya xc'oht a te c'ahc'alel soc parte ya xc'oht a te ahc'abal, te ha señahiletic ya xc'oht yu'un te ya sjel sba te q'uinal, soc te jujun c'ahc'al soc te jujun ha'bile.

Génesis 1:11

La yal te Diose: Ac'a coluc ta lumq'uinal yaxal ha'maletic, ha te bic'tal ha'maletic te ya yac' sbac' soc te'etic te ya yac' sit, chican bin yilel sit ya yac' te jujuchahpe, xchi. Hich c'oht yu'un.

Génesis 1:9

Soc la yal te Diose: Ac'a syom sba te ha'etic ay ta ye'tal ch'ulchan, ac'a chicnajuc lumq'uinal, xchi. Hich c'oht yu'un.

Génesis 1:7

Hich Dios la spasbe sjamalil te jehch la yac' te ha' te ay ta ye'tal te sjamalil, jehch la yac' te ha' te ay ta sba. Hich c'oht yu'un.

Jonás 3:1

Tal te sc'op Jehová scuenta schebal buelta ta stojol Jonás, hich la yalbe:

Salmos 22:26

Ya me xwe'ic te pobrehetic soc ya me xnoj sch'uhtic; ya me yalbeyic yutsil sc'oblal Jehová te mach'atic ya slehic; cuxul ya xhil awo'tanic sbahtel q'uinal.

Isaías 38:20

¡Jehová ya me scoltayon! Ha scuentahil te ya jtijtic bintic ya yich' tijel cu'untic soc ya xc'ayojinotic ta sna Jehová te jayeb c'ahc'al cuxulotic.

Isaías 43:11

Ho'on, ho'on nax jtuquel te Jehová, mayuc yan mach'a ya xcoltaywan.

Oseas 13:4

Pero Ho'on Jehovahon te Dios awu'un c'alal ayat to ta sq'uinal Egipto; mayuc yan dios te yac ana'be sba, mayuc yan jcoltaywanej, ho'on nax jtuquel.

Oseas 14:3

Ma ba ya scoltayotcotic te Asiria; ma ba ya xmohotcotiquix ta cawu; ma ba hich ya calbecotiquix te bin jpasojtic ta jc'abcotic: Ha diosetic cu'uncotic, ma xchihucotic, como ha'at ta atojol ya sta c'uxultayel te me'ba' alal.